റോഡരികിലെ ഓടയിൽ രക്തക്കറയോട് കൂടി കണ്ടെത്തിയ സ്യൂട്ട്കെയ്സിൽ യുവതിയുടെ മൃതദേഹം

തിരുപ്പൂർ: റോഡരികിലെ ഓടയിൽ തള്ളിയ സ്യൂട്ട്കെയ്സിൽ യുവതിയുടെ മൃതദേഹം കണ്ടെത്തി. തിരുപ്പൂർ ധാരാപുരം റോഡിലെ നാലുവരിപ്പാതയിലാണ് മൃതദേഹം കണ്ടെത്തിയത്. ഏകദേശം 25 വയസ് പ്രായമുണ്ടാകും യുവതിക്കെന്നാണ് പ്രാഥമിക നിഗമനം.

ഓടയിൽ രക്തക്കറയോട് കൂടിയ സ്യൂട്ട്കെയ്സ് കണ്ടെത്തിയ നാട്ടുകാർ പൊലീസിൽ വിവരമറിയിക്കുകയായിരുന്നു. പൊലീസെത്തി തുറന്ന് പരിശോധിച്ചപ്പോഴാണ് മൃതദേഹം കണ്ടെത്തിയത്. സംഭവത്തിൽ അന്വേഷണം ഊർജിതമാക്കി.