വ്യാജ വാര്‍ത്തകള്‍ പ്രചരിപ്പിക്കുന്ന സ്ഥാപനമായി സി.എ.ജി തരംതാഴുന്നുവെന്ന്​ ധനമന്ത്രി തോമസ്​ ഐസക്

തിരുവനന്തപുരം: വ്യാജ വാര്‍ത്തകള്‍ പ്രചരിപ്പിക്കുന്ന സ്ഥാപനമായി സി.എ.ജി തരംതാഴുന്നുവെന്ന്​ ധനമന്ത്രി തോമസ്​ ഐസക്​. സംസ്ഥാനത്തെ നിര്‍മാണ പ്രവര്‍ത്തനങ്ങളെ ഏകപക്ഷീയമായി അട്ടിമറിക്കുകയാണ്​. സി.എ.ജി പരാമര്‍ശങ്ങളുടെ നിയമസാധുത പരിശോധിക്കുമെന്നും ഐസക്​ പറഞ്ഞു.

മസാലബോണ്ട്​ വഴി കിഫ്​ബി നിക്ഷേപം സ്വീകരിച്ചത്​ രഹസ്യമായല്ല. കിഫ്​ബി വഴി വായ്​പയെടുക്കുന്നത്​ നിയമവിരുദ്ധമാണെന്നാണ്​​ സി.എ.ജി പറയുന്നത്​. വായ്​പ എടുക്കുന്നത്​ നിയമവിരുദ്ധമാണെന്ന്​ കരട്​ റിപ്പോര്‍ട്ടില്‍ പരാമര്‍ശിച്ചിരുന്നില്ല.

യജമാനനെ പ്രീണിപ്പിക്കാനാണ്​ സി.എ.ജിയുടെ ശ്രമം. ഇത്​ അംഗീകരിക്കാനാവില്ല. നിയമസഭയുടെ അവകാശ ലംഘനമാണ്​ സി.എ.ജി ചെയ്യുന്നതെന്നും ഐസക്​ വ്യക്​തമാക്കി.