തിരുവനന്തപുരം: ടിപിആര് 16 ശതമാനത്തിന് താഴെയുള്ള ഇടങ്ങളില് ആരാധനാലയങ്ങള് തുറക്കാന് അനുമതി ലഭിച്ചതിന് പിന്നാലെ ക്ഷേത്രങ്ങളുടെ പ്രവര്ത്തനത്തിന് മാര്ഗരേഖ പുറത്തിറക്കി തിരുവിതാംകൂര് ദേവസ്വം ബോര്ഡ്.
നിര്ദ്ദേശങ്ങള്
- ക്ഷേത്രങ്ങളുടെ പൂജാസമയങ്ങള് ലോക്ക്ഡൗണിന് മുമ്പ് എപ്രകാരമായിരുന്നുവോ ആ നിലയ്ക്ക് ക്രമീകരിക്കണം.
- ഒരേ സമയം 15 പേരില് കൂടുതല് ദര്ശനത്തിനായി ക്ഷേത്രങ്ങളില് ഉണ്ടാകരുത്. പൂജാസമയങ്ങളില് ഭക്തര്ക്ക് പ്രവേശനമില്ല. ദര്ശനത്തിനെത്തുന്നവര് കൊവിഡ് പ്രോട്ടോക്കോള് പാലിക്കണം
- ശ്രീകോവിലില് നിന്ന് ശാന്തിക്കാര് ഭക്തര്ക്ക് നേരിട്ട് പ്രസാദം വിതരണം ചെയ്യരുത്. വഴിപാട് പ്രസാദങ്ങള് നാലമ്പലത്തിന് പുറത്ത് ഒരു ഭാഗത്ത് ഭക്തരുടെ പേര് എഴുതി സൂക്ഷിക്കേണ്ടതും, അവിടെ നിന്ന് കൈപ്പറ്റുന്നതിന് ആവശ്യമായ ക്രമീകരണം ഏര്പ്പെടുത്തേണ്ടതുമാണ്.
- ബലിതര്പ്പണ ചടങ്ങുകള് സാമൂഹിക അകലം പാലിച്ച് ഒരേ സമയം 15 പേരില് കൂടാത്ത തരത്തില് നടത്താം.
- അന്നദാനം, സപ്താഹം, നവാഹം തുടങ്ങിയവ നടത്തരുത്.