ഡൽഹി: ഇന്ത്യയിലേക്കുള്ള യാത്രയിലാണെന്ന് അമേരിക്കൻ പ്രസിഡന്റ് ഡോണൾഡ് ട്രംപ്. ഏതാനും മണിക്കൂറിനുള്ളിൽ എല്ലാവരെയും കാണാമെന്നും ട്രംപ് ട്വീറ്റ് ചെയ്തു. ഹിന്ദിയിലാണ് അമേരിക്കൻ പ്രസിഡന്റിന്റെ ട്വീറ്റ്.
ട്രംപ് ഇന്ന് ഉച്ചയ്ക്കാണ് ഇന്ത്യയിലെത്തുന്നത്. രണ്ടുദിവസത്തെ സന്ദർശനത്തിനാണ് ട്രംപ് എത്തുന്നത്. ട്രംപിനൊപ്പം ഭാര്യ മെലാനിയ, മകൾ ഇവാങ്ക, ഇവാങ്കയുടെ ഭർത്താവ് ജാരേദ് കുഷ്നെർ എന്നിവരും ഉന്നത ഉദ്യോഗസ്ഥരും എത്തുന്നുണ്ട്.
അമേരിക്കൻ പ്രസിഡന്റായശേഷം ആദ്യമായാണ് ട്രംപ് ഇന്ത്യ സന്ദർശിക്കുന്നത്. ഇന്ത്യയിൽ സന്ദർശനം നടത്തുന്ന ഏഴാമത്തെ അമേരിക്കൻ പ്രസിഡന്റാണ് ട്രംപ്.