26
Saturday November 2022

ഡോ. ബി.ആർ. ഷെട്ടിയുടെ ധനവിനിമയ സ്ഥാപനങ്ങള്‍ ഇനി ‘ഫിനേബ്ലർ’ എന്ന ഒറ്റ കുടക്കീഴിലേയ്ക്ക്. യുഎഇ എക്സ്ചേഞ്ച് ഇനി ‘യൂണിമണി’ ( unimoni ) യാകും. ലോഗോയിലും മാറ്റം. യുകെ ആസ്ഥാനമായി ലോക നമ്പര്‍ വണ്‍ ആകാനുള്ള നീക്കം !

Wednesday, April 25, 2018

ദുബായ്: രാജ്യാന്തര തലത്തിലെ പ്രമുഖ ധനവിനിമയ സ്ഥാപനമായ യുഎഇ എക്സ്ചേഞ്ച് ‘ഫിനേബ്ലർ’ എന്ന പേരിൽ ഒരു ഹോൾഡിങ് കമ്പനിയ്ക്ക് കീഴിലാക്കുന്നു . ഇതോടെ രാജ്യാന്തര തലത്തില്‍ ഏറ്റവും പ്രശസ്തമായ മണി ട്രാന്‍സ്ഫര്‍ കമ്പനിയായ യുഎഇ എക്സ്ചേഞ്ചിന്റെ പേരും ലോഗോയും മാറും .

ഫലത്തില്‍ യുഎഇയില്‍ ഒഴികെ എഇ എക്സ്ചേഞ്ച് യൂണിമണി ( unimoni ) എന്ന പേരിലാകും അറിയപ്പെടുക. യുഎഇയില്‍ പഴയ പേരില്‍ തന്നെയാകും സ്ഥാപനം അറിയപ്പെടുക.

യുഎഇ എക്സ്ചേഞ്ച് നിലവില്‍ യുഎഇ ആസ്ഥാനമായാണ് പ്രവർത്തിക്കുന്നതെങ്കില്‍ പുതിയ കമ്പനിയായ ‘ഫിനേബ്ലർ’ യുണൈറ്റഡ് കിങ്ഡം കേന്ദ്രമായായിട്ടായിരിക്കും നിലവില്‍ വരിക.

രാജ്യാന്തര തലത്തില്‍ ശ്രദ്ധേയനായ പ്രമുഖ പ്രവാസി സംരംഭകൻ ഡോ. ബി.ആർ. ഷെട്ടിയുടെ ഉടമസ്ഥതയിലുള്ള എല്ലാ ധനവിനിമയ സ്ഥാപനങ്ങളെയും ഒരു കുടക്കീഴിൽ കൊണ്ടുവരുന്നതിന്‍റെ ഭാഗമായാണ് പുതിയ മാറ്റങ്ങള്‍ .

‘യൂണിവേഴ്സൽ മണി’യെന്നതിന്റെ ചുരുക്കപ്പേരായിട്ടാണ് ‘യൂണിമണി’ ഉപയോഗിക്കുന്നത്. യുഎഇ എക്സ്ചേഞ്ചിന്റെ യശസ്സും സേവനമികവും പരിപാലിക്കുന്ന വിധം വിപുലമായ ധനവിനിമയ സേവന ശ്രേണിയാണ് ‘യൂണിമണി’യും ഉറപ്പുനൽകുന്നത്.

നിലവിലുള്ള യുഎഇ എക്സ്ചേഞ്ച്, ട്രാവലക്സ്, എക്സ്പ്രസ് മണി തുടങ്ങിയ തങ്ങളുടെ സാമ്പത്തിക വിനിമയ ബ്രാൻഡുകൾക്കിടയിൽ കൂടുതൽ ദിശാബോധവും ഏകോപനവും രൂപപ്പെടുത്തുകയാണ് ലക്ഷ്യമെന്ന് കമ്പനി ചെയര്‍മാന്‍ ബി ആര്‍ ഷെട്ടിയും എക്സിക്യൂട്ടീവ് ഡയറക്ടര്‍മാരായ ബിനയ് ഷെട്ടിയും പ്രമോദ് മങ്ങാട്ടും പറഞ്ഞു .

ഉപയോക്താക്കൾക്ക് ഏറ്റവും മികച്ച സേവനങ്ങളും ആനുകൂല്യങ്ങളും നൽകുവാൻ പാകത്തിൽ നൂതനമായ സാങ്കേതിക സൗകര്യങ്ങളും ഉത്പന്നങ്ങളും ഉപയോഗപ്പെടുത്താനും ധനവിനിമയ വ്യവസായത്തിൽ ക്രിയാത്മകമായ സംഭാവനകൾ അവതരിപ്പിക്കാനും ഈ മേഖലയിൽ മികച്ച നിക്ഷേപവും ഏറ്റെടുക്കൽ നടപടികളും വർധിപ്പിക്കാനും ‘ഫിനേബ്ലർ’ ശ്രദ്ധയൂന്നും.

ഇതിനായി പ്രത്യേക ഗവേഷണ വികസന പ്രക്രിയകൾ തന്നെ ഏർപ്പെടുത്തും. പല ദശകങ്ങൾ കൊണ്ട് വിവിധ ബ്രാൻഡുകളിലൂടെ നേടിയ സത്‌കീർത്തിയും വൈദഗ്ധ്യവും പ്രശംസാർഹമായ പരിചയസമ്പത്തും ‘ഫിനേബ്ലർ’ വഴി തങ്ങളുടെ ബ്രാൻഡുകൾക്കിടയിൽ പകർത്തുകയും പങ്കിടുകയും ചെയ്യുന്നതോടൊപ്പം വ്യക്തിതലത്തിലും സ്ഥാപനമെന്ന നിലയിലും നിർബാധം ഇതിന്റെ ഗുണഫലങ്ങൾ സന്നിവേശിപ്പിക്കാനും ലക്ഷ്യമിടുന്നു – ഇവര്‍ പറഞ്ഞു .

നാൽപതിലേറെ വർഷങ്ങളിലെ വ്യവസായ പരിചയവും പതിനെട്ടായിരത്തിലേറെ ജീവനക്കാരും പ്രതിവർഷം 150 ദശലക്ഷം ഇടപാടുകളുമുള്ള ഘടക സ്ഥാപനങ്ങൾ മുഖേന ‘ഫിനേബ്ലർ’ ഹോൾഡിങ് കമ്പനിക്ക് തുടക്കത്തിൽ തന്നെ ആകർഷകമായ ആഗോളമുഖം കൈവന്നിരിക്കുന്നു.

ശാഖാശൃംഖലയിലൂടെയും ഏജന്റ്മാരിലൂടെയും ഡിജിറ്റൽ ചാനലുകളിലൂടെയും മൊത്തത്തിൽ ഏകദേശം ഒരു ബില്യൺ ജീവിതങ്ങളെയാണ് ‘ഫിനേബ്ലർ’ ബ്രാൻഡുകൾ സഹായിക്കുന്നത്. 45 രാജ്യങ്ങളിൽ നേരിട്ടും 165 രാജ്യങ്ങളിൽ ശ്രുംഖലകൾ വഴിയും യുഎഇ എക്സ്ചേഞ്ച്, ട്രാവലക്സ്, എക്സ്പ്രസ് മണി തുടങ്ങിയ ഘടക സ്ഥാപനങ്ങൾ സേവനം നൽകിവരുന്നു.

പുതിയ സാങ്കേതിക നേട്ടങ്ങളെ ധനകാര്യ സേവനങ്ങൾക്കായി വിനിയോഗിച്ചും കൂടുതൽ ഉദ്ഗ്രഥനം നടത്തിയും സമ്പദ്ഘടനയെ ശക്തമാക്കുകയാവും ‘ഫിനേബ്ലർ’ മുന്നോട്ടുവെക്കുന്ന വളർച്ചയുടെ മുഖ്യനയം.

നാളെയിലേക്കു നോക്കുന്ന ഉപയോക്താക്കൾക്ക് ധനവിനിമയ വ്യവസായത്തിൽ അവരുടെ പ്രതീക്ഷകൾക്കൊത്ത സേവനം അപ്പപ്പോൾ നല്കുന്നതിനാണ് ‘ഫിനേബ്ലർ’ ലക്ഷ്യമാക്കുന്നതെന്നും നാല്പതാണ്ടുകളിലൂടെ തങ്ങൾ ആർജ്ജിച്ച ജനവിശ്വാസവും സ്വീകാരവുമാണ് നിരന്തരമായ നവീകരണത്തിന്റെ ഊർജ്ജമെന്നും ‘ഫിനേബ്ലർ’ സ്ഥാപകനും ചെയർമാനുമായ ഡോ. ബി.ആർ.ഷെട്ടി പറഞ്ഞു.

ഗവേഷണത്തിനും സാങ്കേതികവത്കരണത്തിനും വലിയ നിക്ഷേപം നടത്തിക്കൊണ്ട് തങ്ങളുടെ ബ്രാൻഡുകളിൽ വിപ്ലവകരമായ സേവന സൗകര്യങ്ങൾ ആവിഷ്കരിക്കുവാനും സദാ നിരതമാകുന്ന ഒരു ഉപഭോക്തൃ സമൂഹത്തെ സൃഷ്ടിക്കുവാനും തങ്ങൾ ബദ്ധശ്രദ്ധരാണെന്നും അദ്ദേഹം കൂട്ടിച്ചേർത്തു.

ഉപഭോക്താക്കളെ ശാക്തീകരിക്കുന്ന വിധത്തിൽ മൂല്യവത്തും സൗകര്യപ്രദവുമായ സേവനങ്ങൾ ഉറപ്പുവരുത്തണമെങ്കിൽ കാലോചിതമായ സാങ്കേതിക നവീകരണങ്ങൾ അനിവാര്യമാണെന്നും ആ നേട്ടം കൈവരിക്കാൻ ഉതകുന്ന വലിയ നിക്ഷേപങ്ങളാണ് തങ്ങളുടെ നെറ്റ്‌വർക്ക് സ്ഥാപനങ്ങളിൽ ഏർപ്പെടുത്തുന്നതെന്നും ‘ഫിനേബ്ലർ’ എക്സിക്യൂട്ടീവ് ഡയറക്ടർ ബിനയ് ഷെട്ടി വ്യക്തമാക്കി.

ഫലത്തിൽ ജീവനക്കാരിലും പ്രക്രിയകളിലും സാങ്കേതികതയിലും സമൂലമായ മികവ് ഇതുവഴി സാധ്യമാണെന്നും അദ്ദേഹം പറഞ്ഞു. ഇതിനായി യുഎഇ എക്സ്ചേഞ്ച്, ട്രാവലക്സ്, എക്സ്പ്രസ് മണി തുടങ്ങിയ ഘടക സ്ഥാപനങ്ങളിൽ ‘ഇന്നൊവേഷൻ ഹബ്’ (ഐ – ഹബ്) സ്ഥാപിക്കുമെന്നും ഇവ വ്യവസായത്തിലെ പുതുപ്രവണതകളും സാധ്യതകളും കണ്ടെത്തി നവീന പരിപാടികൾ നടപ്പാക്കുമെന്നും അദ്ദേഹം സൂചിപ്പിച്ചു.

യുഎഇ എക്സ്ചേഞ്ച് പ്രഖ്യാപിച്ച 250 – 300 മില്യൺ ഡോളറിന്റെ ഇൻവെസ്റ്റ്മെന്റ് ആൻഡ് അക്വീസിഷൻ പ്ലാനുകൾ മികച്ച നേട്ടങ്ങൾ കൊണ്ടുവരുമെന്നും ബിനയ് ഷെട്ടി പ്രത്യാശ പ്രകടിപ്പിച്ചു.

പണവിനിമയ രംഗത്തെ വിവിധ സേവനവിഭാഗങ്ങളിൽ ഉപയോക്താക്കളുടെ നിറഞ്ഞ സ്വീകാരം ഏറ്റുവാങ്ങിയ യുഎഇ എക്സ്ചേഞ്ച്, ട്രാവലക്സ്, എക്സ്പ്രസ് മണി തുടങ്ങിയ ഘടക സ്ഥാപനങ്ങൾ വഴി തങ്ങൾ മാറ്റുരച്ചു നേടിയ പരിചയ സമ്പത്താണ് ഇപ്പോൾ യു.കെ. കേന്ദ്രമായി ഒരു ഹോൾഡിങ് കമ്പനിക്കു പ്രേരണയായതെന്നും ‘ഫിനേബ്ലർ’ ആവിഷ്കരിക്കുന്ന ഐ – ഹബുകൾ വഴി സ്വയം നവീകരിക്കുക മാത്രമല്ല, ഉചിതമായ പങ്കാളിത്തത്തിലൂടെയും വിജ്ഞാന സഹകരണത്തിലൂടെയും പ്രസ്തുത വ്യവസായത്തെ ഗുണപരമായി ഉയർത്തുകയുമാണ് ഉദ്ദേശ്യമെന്ന് ‘ഫിനേബ്ലർ’ എക്സിക്യൂട്ടീവ് ഡയറക്ടർ പ്രമോദ് മങ്ങാട്ട് വിശദീകരിച്ചു.

വിവരസാങ്കേതിക വിദ്യയുടെ ഈ വിപ്ലവകാലത്ത് നിക്ഷേപം ഫലവത്താക്കാനും ഉപഭോക്തൃ സേവനം കുറ്റമറ്റതാക്കാനും പ്രാപ്തിയും പ്രയോഗവും നന്നായി വിനിയോഗിക്കാനും അതിലൂടെ ധനവിനിമയ രംഗത്തെ ആശ്രയിക്കുന്ന ജനങ്ങൾക്ക് എളുപ്പവും നേട്ടവും സാധ്യമാക്കാനുമാണ് ‘ഫിനേബ്ലർ’ ഊന്നൽ നൽകുകയെന്ന് അദ്ദേഹം പറഞ്ഞു.

സ്ഥാപനങ്ങളോ ഉത്പന്നങ്ങളോ ഏറ്റെടുക്കുമ്പോഴും പുതിയ നിക്ഷേപാവസരങ്ങൾ കണ്ടെത്തുമ്പോഴും ഇതേ സമീപനമാണ് തങ്ങൾ പിന്തുടരുന്നത്.

യുഎഇ ഒഴികെയുള്ള സ്ഥലങ്ങളിൽ പ്രവർത്തിക്കുന്ന യുഎഇ എക്സ്ചേഞ്ച് സ്ഥാപനങ്ങളെ ‘യൂണിമണി’ എന്ന പുതിയ നാമത്തിൽ ഏകരൂപത്തിൽ അവതരിപ്പിക്കുമെന്നും ‘ഫിനേബ്ലർ’ സാരഥികൾ പ്രഖ്യാപിച്ചു.

Related Posts

More News

സാഹിത്യകാരനും ചെറുകഥാകൃത്തുമായ സതീഷ് ബാബു പയ്യന്നൂരിന്റെ നിര്യാണത്തില്‍ എഐസിസി ജനറല്‍ സെക്രട്ടറി കെ.സി.വേണുഗോപാല്‍ എംപി അനുശോചിച്ചു. കഥാകൃത്ത്, നോവലിസ്റ്റ്,തിരക്കഥാകൃത്ത് എന്നി നിലകളില്‍ കഴിവ് തെളിയിച്ച അതുല്യ പ്രതിഭയായിരുന്നു സതീഷ് ബാബു.പയ്യന്നൂര്‍ കോളേജില്‍ പഠിക്കുന്ന കാലം മുതല്‍ തനിക്ക് സതീഷ് ബാബുവിനെ അറിയാം. അന്ന് തുടങ്ങിയ സൗഹൃദം ഇക്കാലത്തോളം ഞങ്ങളിരുവരും തുടര്‍ന്ന് പോന്നിരുന്നു. കേരള സാഹിത്യ അക്കാദമിയിലും കേരള ചലച്ചിത്ര അക്കാദമിയിലും അംഗമായി പ്രവര്‍ത്തിച്ച അദ്ദേഹം നിരവധി ടെലിവിഷന്‍ ചിത്രങ്ങളും ഡോക്യൂമെന്ററികളും സംവിധാനം ചെയ്തിട്ടുണ്ട്. സതീഷിന്റെ നിര്യാണം ഞെട്ടലോടെയാണ് […]

കൊച്ചി: ഗെയിമിംഗ് തൊഴിലവസരങ്ങളില്‍ യുവജനങ്ങള്‍ക്ക് താല്പര്യം വര്‍ദ്ധിക്കുന്നതായി എച്ച് പി പഠന റിപ്പോര്‍ട്ട്. എച്ച് പി ഇന്ത്യ 14 ഇന്ത്യന്‍ നഗരങ്ങളിലെ 2000ത്തിലധികം പേരെ പങ്കെടുപ്പിച്ച് നടത്തിയ ഗെയിമിംഗ് ലാന്‍ഡ്‌സ്‌കേപ്പ് പഠനം 2022 രണ്ടാം പതിപ്പിലാണ് ഈ കണ്ടെത്തല്‍. പഠനമനുസരിച്ച്, ഗെയിമിംഗ് ഗൗരവമായി കാണുന്ന മൂന്നില്‍ രണ്ട് ഭാഗവും ഗെയിമിംഗ് ഒരു മുഴുവന്‍ സമയ അല്ലെങ്കില്‍ പാര്‍ട്ട് ടൈം കരിയര്‍ ആയി തെരഞ്ഞെടുക്കാന്‍ ആഗ്രഹിക്കുന്നു. സര്‍വേയില്‍ പങ്കെടുത്ത 56 ശതമാനം വനിതാ ഗെയിമര്‍മാരും ഗെയിമിംഗ് ഒരു കരിയര്‍ […]

ഡല്‍ഹി: ഡല്‍ഹി ആരോഗ്യമന്ത്രി സത്യേന്ദ്ര ജെയിനിന്‍റെ തിഹാര്‍ ജയിലിനകത്തെ മൂന്നാം വീഡിയോ പുറത്ത്. സസ്പെന്‍‍ഡ് ചെയ്യപ്പെട്ട ജയില്‍ സൂപ്രണ്ട് അജിത് കുമാർ സെല്ലിലെത്തി മന്ത്രിയെ കാണുന്ന ദൃശ്യങ്ങളാണ് പുറത്ത് വിട്ടത്. സെപ്റ്റംബര്‍ 12 ലെ ദൃശ്യങ്ങളാണ് പുറത്തുവന്നത്. ഈ മാസം ആദ്യമാണ് സത്യേന്ദ്ര ജെയിനിന് ജയിലില്‍ കൂടുതൽ സൗകര്യങ്ങള്‍ ചെയ്തുകൊടുത്തുവെന്നാരോപിച്ച് അജിത് കുമാറിനെ സസ്പെന്‍ഡ് ചെയ്തത്. മാധ്യമ വിചാരണയാണ് നടക്കുന്നതെന്നും ജയില്‍ വീഡിയോകള്‍ പുറത്തുവിടുന്നത് അന്വേഷിക്കണമെന്നും ആവശ്യപ്പെട്ട് സത്യേന്ദ്ര ജെയിന്‍ ഹൈക്കോടതിയെ സമീപിച്ചിരുന്നു. കൂടുതല്‍ ദൃശ്യങ്ങള്‍ പുറത്തുവന്നതിന് […]

രാമപുരം: രാമപുരം ഗവ: ആശുപത്രിയിൽ ഒ.പി. വിഭാഗത്തിൽ അധിക സേവനം ലഭ്യമാക്കുന്നതിനായി രാമപുരം ഗ്രാമപഞ്ചായത്ത് ഡോക്ടറെ നിയമിച്ചു. ഗ്രാമസഭകളിലെ നാളുകളായിട്ടുള്ള ആവശ്യത്തിനാണ് ഇതോടെ പരിഹാരമായത്. ഗ്രാമ പഞ്ചായത്തിൽ കഴിഞ്ഞ ജൂലൈ 27 ന് പുതിയ ഭരണസംവിധാനം നിലവിൽ വന്നതിന് ശേഷം വാർഷിക പദ്ധതിയിൽ പണം വകയിരുത്തിയാണ് ഡോക്ടറെ നിയമിച്ചത്. ഇതോടെ ഉച്ചകഴിഞ്ഞ് 1 മണി മുതൽ വൈകുന്നരം 6 മണി വരെ ഡോക്ടറുടെ സേവനം ലഭ്യമാകും. ഡോക്ടറെ നിയമിക്കുന്നതിന് മുൻകൈ എടുത്ത ഗ്രാമ പഞ്ചായത്ത് പ്രസിഡൻറ് ഷൈനി സന്തോഷ്, […]

എസ്‌യുവികളുടെ പുതുക്കിയ മോഡലുകൾ 2023 ജനുവരി 13- ന് ആരംഭിക്കാനിരിക്കുന്ന ദില്ലി ഓട്ടോ എക്‌സ്‌പോയിൽ പ്രദർശിപ്പിക്കുമെന്ന് പ്രതീക്ഷിക്കുന്നു . എഞ്ചിൻ സജ്ജീകരണം നിലവിലേത് തുടരുമ്പോൾ അവയുടെ ബാഹ്യ രൂപത്തിലും ഇന്റീരിയറിലും ശ്രദ്ധേയമായ മാറ്റങ്ങൾ വരുത്തും എന്നാണ് റിപ്പോര്‍ട്ടുകള്‍. 2023 ടാറ്റ ഹാരിയർ, സഫാരി ഫെയ്‌സ്‌ലിഫ്റ്റുകൾ അവയുടെ അവസാന പരീക്ഷണ ഘട്ടത്തിലാണ്. അൽപ്പം അപ്‌ഡേറ്റ് ചെയ്‌ത ഫ്രണ്ട് ഗ്രിൽ, ഹോറിസോണ്ടൽ സ്ലാറ്റുകളോട് കൂടിയ എയർ ഡാം, ഇന്റഗ്രേറ്റഡ് റഡാർ, എൽഇഡി ഡിആർഎല്ലുകൾക്കൊപ്പം പുതുതായി രൂപകൽപ്പന ചെയ്‌ത എൽഇഡി ഹെഡ്‌ലാമ്പുകൾ […]

ഇടുക്കി : നാരകക്കാനത്ത് വീട്ടമ്മയെ ഗ്യാസ് തുറന്ന് വിട്ട് തീകൊളുത്തിക്കൊന്ന കേസിൽ പ്രതി പിടിയിൽ. കുമ്പിടിയമാക്കൽ ചിന്നമ്മ ആന്റണിയെ കൊലപ്പെടുത്തിയ അയൽവാസിയായ സജി എന്ന് വിളിക്കുന്ന വെട്ടിയാങ്കൽ തോമസ് വർഗീസാണ് പൊലീസിന്റെ പിടിയിലായത്. മോഷണം തടഞ്ഞപ്പോഴാണ് ചിന്നമ്മയെ കൊലപ്പെടുത്തിയതെന്നാണ് ഇയാൾ പൊലീസിനോട് സമ്മതിച്ചത്. വെട്ടു കത്തിയുടെ പുറകു വശം കൊണ്ട് തലക്ക് അടിച്ചുവീഴ്ത്തി. അതിന് ശേഷം വാക്കത്തി കൊണ്ട് വെട്ടി, ജീവനോടെ കത്തിച്ചു കൊലപ്പെടുത്തുകയായിരുന്നു. വീട്ടിൽ നിന്നും മോഷ്ടിച്ച വളയും മാലയും പണയം വച്ചു. കമ്പത്ത് നിന്നാണ് […]

ഇടുക്കി: ദേവികുളം മുൻ എംഎൽഎ എസ് രാജേന്ദ്രന് എം എം മണിയുടെ മറുപടി. നോട്ടീസ് കൊടുത്തതിന് പിന്നിൽ തനാണെന്ന് പറയുന്നത് അസംബന്ധവും പോക്രിത്തരവുമാണെന്ന് എം എം മണി വിമര്‍ശിച്ചു. അത് എന്റെ പണിയല്ല. താൻ അങ്ങനെ ആരോടും ചെയ്യാറില്ലെന്നും അദ്ദേഹം പറഞ്ഞു. എസ് രാജേന്ദ്രൻ ഭൂമി കയ്യെറിയതാണോ എന്ന് തീരുമാനിക്കേണ്ടത് റവന്യു വകുപ്പാണ്. പഴയ എംഎൽഎ സ്ഥാനം ഉപയോഗിച്ച് വല്ല തട്ടിപ്പും നടത്തിയോ എന്ന് റവന്യു വകുപ്പാണ് തീരുമാനിക്കേണ്ടത്. താൻ അങ്ങനെ ഒന്നും പറഞ്ഞിട്ടുമില്ല, ഇനിയൊട്ട് പറയുകയുമില്ലെന്ന് […]

ഡല്‍ഹി: ശ്രദ്ധയുടെ മൃതദേഹം ഫ്രിഡ്ജിലിരിക്കെ കാമുകൻ അഫ്താബ് പൂനാവാല ഫ്ലാറ്റിലേക്ക് ക്ഷണിച്ച സ്ത്രീ ഡോക്ടറാണെന്ന് പൊലീസ് കണ്ടെത്തി. ഡേറ്റിങ് ആപ്പിലൂടെ പരിചയപ്പെട്ട സ്ത്രീയെയാണ് അഫ്താബ് ഫ്ലാറ്റിലേക്ക് ക്ഷണിച്ചത്. ഈ സമയം ശ്രദ്ധയുടെ മൃതദേഹം 35 കഷ്ണങ്ങളാക്കി ഫ്രിഡ്ജിൽ സൂക്ഷിച്ചിട്ടുണ്ടായിരുന്നു. ‘ബംബിൾ’ എന്ന ഡേറ്റിങ് ആപ്പിലൂടെയാണ് ക്ലിനിക്കൽ സൈക്കോളജിസ്റ്റായ യുവതിയുമായി അഫ്താബ് പരിചപ്പെടുന്നത്. പിന്നീട് ഇവരെ ഫ്ലാറ്റിലേക്ക് ക്ഷണിച്ചു. യുവതിയില്‍ നിന്ന് പൊലീസ് വിവരങ്ങള്‍ തേടി. ഡേറ്റിങ് ആപ്പ് അധികൃതരുമായും പൊലീസ് ബന്ധപ്പെട്ടിട്ടുണ്ട്. ആപ് വഴി അഫ്താബ് നിരവധി […]

വിറ്റാമിൻ ഡി കൂടുതലായും സൂര്യവെളിച്ചം തട്ടുന്നതിലൂടെ നമ്മുടെ ശരീരത്തിൽ ഉത്പാദിപ്പിക്കുന്നതാണ്. രണ്ട് തരത്തിലുള്ള വിറ്റാമിൻ ഡി ഉണ്ട്. വിറ്റാമിൻ ഡി 2 സസ്യഭക്ഷണത്തിൽ കാണപ്പെടുന്നു. വിറ്റാമിൻ ഡി 3 മൃഗങ്ങൾ ഉണ്ടാക്കുന്ന ഭക്ഷണങ്ങളിൽ കാണപ്പെടുന്നു. വിറ്റാമിൻ ഡി 3 ആരോഗ്യകരമായ വളർച്ചക്കും വികാസത്തിനും സഹായകരമായതിനാൽ കുട്ടികളുടെ ഏറ്റവും പ്രധാനപ്പെട്ട പോഷകങ്ങളിലൊന്നാണ്. കുട്ടികളുടെ ആരോഗ്യത്തിന് വിറ്റാമിൻ ഡി നൽകുന്ന നിരവധി ഗുണങ്ങളിൽ ചിലത് ഇതാ.. 1. പ്രതിരോധശേഷി വർധിപ്പിക്കുന്നു ശരീരത്തിൽ, കോശങ്ങളുടെ പ്രവർത്തനം നിയന്ത്രിക്കുന്നതിനും പ്രതിരോധശേഷി വികസിപ്പിക്കുന്നതിനും രോഗ പ്രതിരോധം […]

error: Content is protected !!