'ഉക്രൈന്‍ മണ്ണില്‍ അതിക്രമം ചെയ്ത ഒരാളെയും ശിക്ഷിക്കാതെ വിടില്ല; സ്ത്രീകളും കുട്ടികളും ഉള്‍പ്പെടെ നൂറുകണക്കിന് ആളുകളുടെ ജീവന്‍ അപഹരിച്ച യുദ്ധത്തില്‍ ക്രൂരതകള്‍ ചെയ്ത എല്ലാവരെയും ശിക്ഷിക്കും. ഞങ്ങള്‍ ഒന്നു മറക്കുകയുമില്ല, ക്ഷമിക്കുകയുമില്ല; സെലന്‍സ്‌കി

കീവ്‌: ഉക്രൈനില്‍ നാശം വിതച്ച എല്ലാവരേയും ശിക്ഷിക്കുമെന്ന് ഉക്രൈന്‍ പ്രസിഡന്റ് വ്‌ളാഡിമിര്‍ സെലന്‍സ്‌കി. സ്ത്രീകളും കുട്ടികളും ഉള്‍പ്പെടെ നൂറുകണക്കിന് ആളുകളുടെ ജീവന്‍ അപഹരിച്ച യുദ്ധത്തില്‍ ക്രൂരതകള്‍ ചെയ്ത എല്ലാവരെയും ശിക്ഷിക്കും. ഞങ്ങള്‍ ഒന്നു മറക്കുകയുമില്ല, ക്ഷമിക്കുകയുമില്ല’, സെലന്‍സ്‌കി പറഞ്ഞു.

‘ഇത് കൊലപാതകമാണ്. ആസൂത്രിത കൊലപാതകം. ഞങ്ങള്‍ ക്ഷമിക്കില്ല, മറക്കില്ല. ഞങ്ങളുടെ മണ്ണില്‍ ഈ യുദ്ധത്തില്‍ അതിക്രമം ചെയ്ത എല്ലാവരെയും ശിക്ഷിക്കും’, അദ്ദേഹം പറഞ്ഞു.

ശവക്കുഴിയല്ലാതെ ഈ ഭൂമിയില്‍ ശാന്തമായ ഒരു സ്ഥലമുണ്ടാകില്ലെന്ന് സെലന്‍സ്‌കി പറഞ്ഞു. ഉക്രൈനില്‍ ഷെല്ലാക്രമണം രൂക്ഷമായതിന് പിന്നാലെയാണ് സെലന്‍സ്‌കി രോഷം അറിയച്ചിരിക്കുന്നത്.