നഴ്സുമാരുടെ അവകാശ നിഷേധത്തിനെതിരെ മുൻ മുഖ്യമന്ത്രി ഉമ്മൻ ചാണ്ടിക്ക് യു എൻ എ നിവേദനം നൽകി

ന്യൂസ് ബ്യൂറോ, ഡല്‍ഹി
Friday, January 24, 2020

ന്യൂഡല്‍ഹി: നഴ്സുമാരുടെ അവകാശ നിഷേധത്തിനെതിരെ മുൻ മുഖ്യമന്ത്രി ഉമ്മൻ ചാണ്ടിക്ക് യു എൻ എ നിവേദനം നൽകി. വിഷയം സർക്കാരിന്റെ ശ്രദ്ധയിൽപ്പെടുത്തി അടിയന്തിര ഇടപെടൽ നടത്താമെന്ന് അദ്ദേഹം യു എൻ എ യ്ക്കു ഉറപ്പ് നൽകി .

കേരള ആരോഗ്യവകുപ്പിൽ സ്റ്റാഫ്‌ നഴ്‌സ്‌ നിയമനത്തിനായി പിഎസ്സിഅപേക്ഷ ക്ഷണിച്ചിട്ടുണ്ട്. എന്നാൽ അടിസ്ഥാന യോഗ്യതകളിൽ ഒന്ന് പ്ലസ് ടു സയൻസ് വിഷയങ്ങളിൽ പാസ്സ് ആയിരിക്കുക എന്നതും മറ്റൊന്ന് കേരള നഴ്സിംഗ് കൗൺസിൽ രജിസ്‌ട്രേഷൻ ഉണ്ടായിരിക്കുക എന്നതുമാണ്.

എന്നാൽ ഇന്ത്യയിൽ പലയിടത്തും ജനറൽ നഴ്സിംഗ് കോഴ്സ് പഠിക്കാൻ പ്ലസ് ടു സയൻസ് നിർബന്ധമില്ല. ആയതിനാൽ ധാരാളം കുട്ടികൾ പ്ലസ്ടുവിന് സയൻസ് ഇത്തരവിഷയങ്ങൾ പഠിച്ച് പിന്നീട് ജനറൽ നഴ്സിംഗ് പഠിച്ചവരായി ഉണ്ട്. കേരളത്തിലെ എന്നാൽ ഇവർക്കാർക്കും കേരള സർക്കാർ ജോലിക്ക് അപേക്ഷിക്കാൻ കഴിയാത്ത അവസ്ഥയാണ് നിലവിൽ ഉള്ളത്.

അതുപോലെ തന്നെ ഇന്ത്യയിലെ ഏതെങ്കിലും ഒരു സംസ്ഥാനത്തെ നഴ്സിംഗ് കൗൺസിലിൽ രജിസ്റ്റർ ചെയ്താൽ ഇന്ത്യയിൽ എവിടെ വേണമെങ്കിലും ജോലി ചെയ്യാം എന്ന സുപ്രീം കോടതി ഉത്തരവിന് വിരുദ്ധമാണ് സ്റ്റാഫ്‌ നഴ്‌സ്‌ പോസ്റ്റിന് അപേക്ഷിക്കാൻ കേരള നഴ്സിംഗ് കൗൺസിൽ രജിസ്‌ട്രേഷൻ വേണം എന്ന നിബന്ധന. ഇതുമൂലം ആയിരക്കണക്കിന് പേർക്കാണ് അപേക്ഷിക്കാൻ കഴിയാതെ പോകുന്നത്…

കേരളത്തിൽ 2007 ന് മുൻപ് വരെ സ്റ്റാഫ്‌ നഴ്‌സ്‌ പോസ്റ്റിലേക്ക് അപേക്ഷിക്കാൻ പ്ലസ്ടു സയൻസ് നിർബന്ധമല്ലായിരുന്നു. കേരള നഴ്സിംഗ് കൗൺസിൽ രജിസ്‌ട്രേഷനും നിർബന്ധമില്ലായിരുന്നു. പ്ലസ് ടു സയൻസ് പഠിക്കാത്ത നിരവധി പേർ 2007 ന് മുൻപ് സർവീസിൽ കയറി സുസ്ത്യർഹമായ സേവനം കാഴ്ച വയ്ക്കുന്നുണ്ട്. കൂടാതെ ലോകത്ത് ഒരിടത്തും കേന്ദ്രത്തിലും ഇന്ത്യയിലെ മറ്റ് സംസ്ഥാനങ്ങളിലും പ്ലസ് ടുവിന് സയൻസ് പഠിച്ചിരിക്കണം എന്നൊരു നിബന്ധന സ്റ്റാഫ്‌ നഴ്‌സ്‌ ജോലിക്ക് അപേക്ഷിക്കാനായി ആവശ്യമില്ല.. കേരളത്തിൽ തന്നെ ഇഎസ്ഐ, ശ്രീചിത്ര, ആര്‍സിസി എന്നിവിടങ്ങളിലും ഓൾ ഇന്ത്യ ഇൻസ്റ്റിട്യൂട്ടിലും അമേരിക്കയിലും ഇംഗ്ളണ്ടിലും ഒക്കെ പ്ലസ് ടു സയൻസ് പഠിക്കാത്ത ധാരാളം നഴ്സുമാർ ജോലി ചെയ്യുന്നുണ്ട്.

ആയതിനാൽ മേൽപ്പറഞ്ഞ നിബന്ധനകൾ വിവേചനവും ഭരണഘടനാ വിരുദ്ധവുമാണ് എന്നും അടിയന്തിരമായി ഇവ പിൻവലിച്ച് എല്ലാ വിഭാഗം പ്ലസ് ടു കഴിഞ്ഞവർക്കും ഏത് സംസ്ഥാനത്തെ നഴ്സിംഗ് കൗൺസിൽ രജിസ്ട്രേഷൻ ഉള്ളവർക്കും സ്റ്റാഫ്‌ നഴ്‌സ്‌ പോസ്റ്റിലേക്ക് അപേക്ഷിക്കാൻ അവസരം നൽകണമെന്നും യു എൻ എ ആവശ്യപ്പെട്ടു . ഇക്കാര്യത്തിൽ അടിയന്തിര ഇടപെടൽ ആവശ്യപ്പെട്ട് യു എൻ എ കേരളാ മുഖ്യമന്ത്രിയ്ക്കും , ആരോഗ്യ മന്ത്രിക്കും കത്തയച്ചിരുന്നു.

×