മഴക്കാലത്ത് യാത്ര ചെയ്യുമ്പോൾ ശ്രദ്ധിക്കേണ്ട കാര്യങ്ങൾ

കാലാവസ്ഥ

യാത്ര ആരംഭിക്കുന്നതിന് മുമ്പും, യാത്രയ്ക്കിടയിലെ നിശ്ചിതമായ ഇടവേളകളിൽ കാലാവസ്ഥ മുന്നറിയിപ്പുകൾ നോക്കാൻ മറക്കരുത്. അപകട മുന്നറിയിപ്പുകൾ ഉണ്ടെങ്കിൽ യാത്ര തത്ക്കാലം നിർത്തി വെക്കണം.

സ്ഥലം
സ്ഥലം തെരഞ്ഞെടുക്കുമ്പോൾ മഴയത്ത് അപകടങ്ങൾ ഉണ്ടാകാൻ സാധ്യത കുറവുള്ള സ്ഥലങ്ങൾ തെരഞ്ഞെടുക്കണം. അതിനാൽ തന്നെ മലയോര പ്രദേശങ്ങളും, പ്രളയ സാധ്യതയുള്ള പ്രദേശങ്ങളൂം ഒഴിവാക്കി വേണം സ്ഥലം തെരഞ്ഞെടുക്കാൻ,

റോഡുകൾ
റോഡിന് പ്രശ്നമില്ലെന്ന് ഉറപ്പാക്കിയിട്ട് മാത്രമേ യാത്ര ചെയ്യാൻ പാടുള്ളൂ. കൂടാതെ രാത്രിയിൽ ഉള്ള യാത്രകൾ പരമാവധി ഒഴിവാക്കണം. കൂടാതെ കുണ്ടും കുഴിയുമുള്ള വഴികളിലൂടെ യാത്ര ചെയ്യാതിരിക്കാനും ശ്രദ്ധിക്കണം.

വസ്ത്രങ്ങൾ
ആവശ്യം ഉള്ളതിനേക്കാൾ കുറച്ചധികം വസ്ത്രങ്ങൾ കയ്യിൽ കരുതാൻ മറക്കരുത്. കൂടാതെ നനഞ്ഞാൽ പെട്ടെന്ന് ഉണങ്ങുന്ന തരത്തിലുള്ള വസ്ത്രങ്ങൾ കൊണ്ട് പോകാൻ. എന്നാൽ തണുപ്പ് അകറ്റാൻ കഴിയുന്ന വസ്ത്രങ്ങളും കരുതണം.

ഭക്ഷണം
ഭക്ഷണം പരമാവധി കൈയിൽ കരുതണം. പുറത്ത് നിന്ന് ഭക്ഷണം കഴിക്കുമ്പോൾ നല്ല റസ്റ്റോറന്റുകൾ നോക്കി തെരഞ്ഞെടുത്ത് വേണം ഭക്ഷണം കഴിക്കാൻ. മഴ സമയത്ത് ഭക്ഷ്യ വിഷബാധ ഉണ്ടാകാനുള്ള സാധ്യത കൂടുതലാണ്.

വെള്ളം
കുടിക്കാനുള്ള വെള്ളം കൈയിൽ കരുതണം. റസ്റ്റോറന്റുകളിൽ നിന്ന് വെള്ളം കുടിക്കുമ്പോൾ തിളപ്പിച്ച വെള്ളമോ കുപ്പി വെള്ളമോ വാങ്ങി കുടിക്കാൻ പ്രത്യേകം ശ്രദ്ധിക്കണം. ഇത് അസുഖങ്ങൾ ഒഴിവാക്കാൻ സഹായിക്കും.

വാട്ടർ പ്രൂഫ് ബാഗ്
മഴക്കാലത്ത് യാത്ര ചെയ്യുമ്പോൾ നിങ്ങളുടെ സാധനങ്ങൾ നനയാതെ സൂക്ഷിക്കാൻ വാട്ടർ പ്രൂഫ് ബാഗുകൾ തന്നെ ഉപയോഗിക്കാൻ ശ്രദ്ധിക്കണം.

ഇലക്ട്രോണിക് ഉപകരണങ്ങൾ
ഇലക്ട്രോണിക് ഉപകരണങ്ങൾ നനഞ്ഞ് കേടാകാതിരിക്കാൻ അവയ്ക്ക് പ്രത്യേകം വാട്ടർ പ്രൂഫ് കവറുകൾ ഉപയോഗിക്കണം. ക്യാമറയ്ക്ക് പ്രത്യേകം വാട്ടർ പ്രൂഫ് ബാഗുകൾ വാങ്ങാനും മറക്കരുത്.

മരുന്നുകൾ
മഴക്കാലം രോഗങ്ങളുടെ കൂടി സമയമാണ്. അതിനാൽ തന്നെ മഴക്കാലത്ത് യാത്ര ചെയ്യുമ്പോൾ പനി, ജലദോഷം, ദേഹാസ്വാസ്ഥ്യങ്ങൾ തുടങ്ങിയവയ്ക്കുള്ള മരുന്നുകൾ എടുക്കാൻ മറക്കരുത്.