ആപ്പ് ഡൗണ്‍ലോഡ് ചെയ്യാന്‍ വൈകി; അച്ഛന്‍ മകനെ കുത്തിപ്പരിക്കേല്‍പ്പിച്ചു

ഡല്‍ഹി: മൊബൈല്‍ ആപ്പ് ഡൗണ്‍ലോഡ് ചെയ്യാന്‍ വൈകിയതിനെത്തുടര്‍ന്നുണ്ടായ തര്‍ക്കത്തില്‍ അച്ഛന്‍ മകനെ കുത്തിപ്പരിക്കേല്‍പ്പിച്ചു. ഡല്‍ഹിയിലെ മധു വിഹാറിലാണ് കഴിഞ്ഞ ദിവസം സംഭവം നടന്നത്.

കേന്ദ്ര സര്‍വീസില്‍ നിന്ന് വിരമിച്ച 64 കാരനായ അശോക് സിങാണ് 23 വയസുള്ള മകന്‍ ആദിത്യ സിങിനെ കത്തികൊണ്ട് കുത്തിയത്.

അശോക് സിങ്ങും ഭാര്യയും തമ്മില്‍ മൊബൈല്‍ ആപ്പ് ഡൗണ്‍ലോഡ് ചെയ്യുന്നതുമായി ബന്ധപ്പെട്ടുണ്ടായ തര്‍ക്കമാണ് അക്രമത്തില്‍ കലാശിച്ചതെന്ന് പൊലീസ് അറിയിച്ചു.

ഇയാള്‍ക്കെതിരെ പൊലീസ് ഐ.പി.സി 324 പ്രകാരം കേസെടുത്തു. വാരിയെല്ലിന് മുകളില്‍ രണ്ട് കുത്തുകളേറ്റ മകനെ ആശുപത്രിയില്‍ പ്രവേശിപ്പിച്ചു.