സംസ്ഥാനത്ത് സ്വർണവില കുറഞ്ഞു, പവന് 240 രൂപയുടെ ഇടിവ്

കൊച്ചി; സംസ്ഥാനത്ത് ഇന്ന് സ്വർണവില കുറഞ്ഞു. തുടർച്ചയായ രണ്ടാം ദിനമാണ് സ്വർണവിലയിൽ ഇടിവുണ്ടാകുന്നത്. ഒരു പവൻ സ്വർണത്തിന് 240 രൂപ കുറഞ്ഞു. ഇതോടെ രണ്ട് ദിവസംകൊണ്ട് 320 രൂപ കുറഞ്ഞ് സ്വർണവില 44,000 ത്തിന് താഴെ എത്തി. ഒരു പവൻ സ്വർണത്തിന് 43,760 രൂപയാണ് ഇന്നത്തെ വില.

ഒരു ഗ്രാം 22 കാരറ്റ് സ്വർണത്തിന് 30 രൂപ കുറഞ്ഞ് 5470 രൂപയാണ് വില. ഒരു ഗ്രാം 18 കാരറ്റ് സ്വർണത്തിന് 20 രൂപ കുറഞ്ഞ് 4543 രൂപയായി.

സംസ്ഥാനത്ത് വെള്ളിയുടെ വിലയും കുറഞ്ഞു. ഒരു പവൻ സ്വർണത്തിന് രണ്ട് രൂപ കുറഞ്ഞ് 78 രൂപയായി. ഹാൾമാർക്ക് വെള്ളിയുടെ വിലയിൽ മാറ്റമില്ല. 103 രൂപയാണ് വിപണി വില.