കൊല്ലം: അഞ്ചലില് ഉത്രയെ പാമ്പ് കടിപ്പിച്ച് കൊന്ന കേസില് പ്രതിയായ ഭര്ത്താവ് സൂരജിന്റെ അമ്മയേയും സഹോദരിയേയും അറസ്റ്റു ചെയ്തേക്കുമെന്ന് സൂചന. ഇരുവരോടും നാളെ ക്രൈംബ്രാഞ്ച് ഓഫീസിൽ ഹാജരാകാൻ ആവശ്യപ്പെട്ടിട്ടുണ്ട്. സൂരജിന്റെ അച്ഛനെ അറസ്റ്റ് ചെയ്തിരുന്നു.
മണിക്കൂറുകൾ നീണ്ട ചോദ്യം ചെയ്യലിനൊടുവിലാണ് സുരേന്ദ്രനെ അറസ്റ്റു ചെയ്തത്. നേരത്തെ, ഉത്രയുടെ സ്വര്ണാഭരണങ്ങള് വീടിനടുത്തുള്ള റബര് തോട്ടത്തില് കണ്ടെത്തി. 37 പവൻ തൂക്കമുള്ള രണ്ട് പൊതികളിലാക്കി കുഴിച്ചിട്ട നിലയിലായിരുന്നു.
സൂരജിന്റെ വീട്ടില് രാത്രിയില് ക്രൈം ബ്രാഞ്ച് നടത്തിയ തെളിവെടുപ്പിനിടയിലാണ് സ്വര്ണാഭരണങ്ങള് കണ്ടെത്തിയത്. സുരേന്ദ്രനാണ് സ്വര്ണം കാണിച്ചുകൊടുത്തത്. രാത്രി എട്ട് മണിയോടെയാണ് ക്രൈം ബ്രാഞ്ച് സംഘം സൂരജിന്റെ വീട്ടില് എത്തിച്ചേര്ന്നത്. സമീപപ്രദേശങ്ങളിലടക്കം തിരച്ചില് നടത്തിയിരുന്നു.
ഒടുവില് വീടിന് സമീപത്തെ റബര് തോട്ടത്തില് രണ്ടിടങ്ങളിലായി മണ്ണില് കുഴിച്ചിട്ട സ്വര്ണാഭരണങ്ങള് സുരേന്ദ്രന് കാട്ടിക്കൊടുക്കുകയായിരുന്നു. കൊലപാതകത്തിന് മുൻപ് ലോക്കറിൽ നിന്നെടുത്ത സ്വർണമാണ് ഇന്ന് കണ്ടെടുത്തതെന്നാണ് സൂചന. സൂരജിന്റെ കുടുംബാംഗങ്ങളുടെ ബാങ്ക് ലോക്കറുകളും പരിശോധിക്കും. സൂരജ് മുന്പും പാമ്പിനെ വീട്ടില് കൊണ്ടുവന്നിട്ടുണ്ടെന്ന് അച്ഛൻ മൊഴി നൽകി.
കഴിഞ്ഞ ദിവസം നടത്തിയ ചോദ്യം ചെയ്യലില് കൊര്യങ്ങള് പിതാവിനും അറിയാം എന്ന രീതിയില് സൂരജ് മൊഴിനല്കിരുന്നു.