തന്റെ സുരക്ഷ കുറച്ചത് അറിഞ്ഞത് പത്രത്തിലൂടെ; ഇടിച്ച് താഴ്ത്താനാണ് ശ്രമമെങ്കിൽ നടക്കട്ടെ. സുരക്ഷയിൽ ചീഫ് വിപ്പിൻ്റെയും താഴെയായി പ്രതിപക്ഷ നേതാവ്, എങ്കിലും പരാതിയില്ല; ഔദ്യോഗിക വസതിയും കാറും ചോദിച്ചാല്‍ മടക്കി നല്‍കാന്‍ തയാറാണെന്നും പരിഹസിച്ച് വി.ഡി.സതീശൻ

തിരുവനന്തപുരം: തന്റെ സുരക്ഷ കുറച്ചത് പത്രത്തിലൂടെയാണ് അറിഞ്ഞതെന്ന് പ്രതിപക്ഷ നേതാവ് വി.ഡി.സതീശൻ. തന്നെ ഇടിച്ച് താഴ്ത്താനാണ് ശ്രമമെങ്കിൽ നടക്കട്ടെ. സുരക്ഷയിൽ ചീഫ് വിപ്പിൻ്റെയും താഴെയായി ഇപ്പോൾ പ്രതിപക്ഷ നേതാവ്.

എങ്കിലും തനിക്ക് പരാതിയില്ല. ഔദ്യോഗിക വസതിയും കാറും ചോദിച്ചാല്‍ മടക്കി നല്‍കാന്‍ തയാറാണെന്നും പരിഹസിച്ചു. മണിചെയിന്‍ തട്ടിപ്പില്‍ പങ്കെന്ന പി.വി.അന്‍വറിന്റെ ആരോപണം മുഖ്യമന്ത്രിക്ക് അന്വേഷിക്കാമെന്നും സതീശന്‍ പറഞ്ഞു.