വീണ എസ് നായർ മുല്ലപ്പള്ളി രാമചന്ദ്രനെ കണ്ടു; വട്ടിയൂർക്കാവിലെ വോട്ടർമാരിൽ വിശ്വാസമുണ്ട്, വീഴ്ചയുണ്ടെങ്കിൽ കെപിസിസി അന്വേഷിക്കുമെന്ന് ഉറപ്പുനൽകിയെന്ന് വീണ; പോസ്റ്ററുകള്‍ ആക്രിക്കടയില്‍ വിറ്റ സംഭവം അന്വേഷിക്കാന്‍ പ്രത്യേക സമിതി

തിരുവനന്തപുരം: വട്ടിയൂർക്കാവിലെ യുഡിഎഫ് സ്ഥാനാർഥി വീണ എസ് നായർ കെപിസിസി അധ്യക്ഷൻ മുല്ലപ്പള്ളി രാമചന്ദ്രനെ കണ്ടു. വീഴ്ചയുണ്ടെങ്കിൽ കെപിസിസി അന്വേഷിക്കുമെന്ന് ഉറപ്പുനൽകിയെന്ന് വീണ പറഞ്ഞു. വട്ടിയൂർക്കാവിലെ വോട്ടർമാരിൽ വിശ്വാസമുണ്ട്.

ബിജെപിക്ക് വോട്ടുവിറ്റെന്ന ആരോപണം സിപിഎമ്മിന്റെ മാത്രമാണെന്നും മുല്ലപ്പള്ളിയെ കണ്ടശേഷം വീണ മാധ്യമങ്ങളോട് പറഞ്ഞു.പോസ്റ്ററുകള്‍ ആക്രിക്കടയില്‍ വിറ്റ സംഭവം അന്വേഷിക്കാന്‍ പ്രത്യേക സമിതി രൂപീകരിച്ചെന്ന് മുല്ലപ്പള്ളി രാമചന്ദ്രന്‍​ വ്യക്തമാക്കി‍.

സീനിയര്‍ ജനറല്‍ സെക്രട്ടറി ജോണ്‍സണ്‍ എബ്രഹാമാണ് സമിതി അധ്യക്ഷന്‍. മുതിര്‍ന്ന നേതാക്കളുടെ അസാന്നിദ്ധ്യം അടക്കം പരിശോധിച്ച് എത്രയും വേഗം റിപ്പോര്‍ട്ട് നല്‍കാന്‍ നിര്‍ദേശിച്ചെന്നും മുല്ലപ്പള്ളി പറഞ്ഞു.