നിത്യജീവിതത്തില് വളരെ പ്രധാനപ്പെട്ട സ്ഥാനമാണ് പച്ചക്കറികള്ക്ക്. പ്രതിദിനം പ്രായപൂര്ത്തിയായ ഒരാള് 85 ഗ്രാം പഴങ്ങള് 300 ഗ്രാം പച്ചക്കറികള് കഴിക്കണമെന്നാണ് പോഷകമൂല്യ വിദഗ്ധരുടെ നിര്ദ്ദേശം.
അടുക്കളത്തോട്ടംനമ്മുടെ ആവശ്യങ്ങള്ക്കുള്ള പച്ചക്കറികള്, ലഭ്യമായ ശുദ്ധജലം, അടുക്കള, കുളിമുറിയില് നിന്നുള്ള പാഴ്ജലം എന്നിവ ഉപയോഗിച്ച് നമ്മുടെ അടുക്കളത്തോട്ടത്തില് ഉണ്ടാക്കിയെടുക്കാം.
ഉപയോഗിക്കാത്ത ജലം കെട്ടിക്കിടക്കുന്നത് തടയാനും, വീടിനുപിന്നിലുള്ള ചെറിയ കൃഷിയിടത്തില് നിന്ന് നമുക്കാവശ്യമായ പച്ചക്കറികള് ലഭ്യമാക്കുവാനും, പരിസര മലിനീകരണം ഒഴിവാക്കാനും, കീടങ്ങളെ നിയന്ത്രിക്കാനും, രാസവളം പ്രയോഗിക്കാതെ നല്ല പച്ചക്കറി ലഭിക്കാനും കഴിയുന്നു. ഈ സുരക്ഷാ മാര്ഗ്ഗത്തിലൂടെ രാസവള പ്രയോഗത്തിലൂടെ പച്ചക്കറികളിലുണ്ടാവുന്ന വിഷാംശം തടയാനും കഴിയും.
മാറ്റി നടാനുള്ള വിളകളായി തക്കാളി, വഴുതനങ്ങ, മുളക് എന്നിവ ചെറിയ തടങ്ങളിലോ, ചെടിച്ചട്ടിയിലോ ഒരു മാസം മുമ്പുതന്നെ നടാം. വിതച്ചതിനുശേഷം, മേല്മണ്ണുകൊണ്ട് മൂടി, 250 ഗ്രാം വേപ്പിന് പിണ്ണാക്ക് വിതറുന്നത് ഉറുമ്പുശല്യം ഒഴിവാക്കും.
വിതച്ച് 30 ദിവസം കഴിഞ്ഞ് (തക്കാളിക്ക്) 40-45 ദിവസം കഴിഞ്ഞ് വഴുതന, മുളക്, സവാള എന്നിവ ചെറുതടങ്ങളില് നിന്ന് മാറ്റി അരികില് നടാം. തക്കാളി, വഴുതന, മുളക് 30-456 സെ.മീ. അകലത്തിലും, സവാളയ്ക്ക് 10 സെ.മീ. അകലത്തില് വരമ്പിന്റെ ഇരുവശത്തും നടാം. നട്ട ഉടന് തന്നെ നന്നായി നനക്കണം. തുടര്ന്ന് മൂന്നാം ദിവസവും ആദ്യഘട്ടത്തില് തൈകള് രണ്ട് ദിവസത്തിലൊരിക്കല് നനയ്ക്കണം. പിന്നീട് നാല് ദിവസത്തിലൊരിക്കല് നനയ്ക്കണം.