ഓർക്കാപ്പുറത്ത് മതിൽ പൊളിഞ്ഞുവീണു. കുഞ്ഞിനെ സുരക്ഷിതയാക്കിയ അമ്മയുടെ വീഡിയോ ആണ് ഇപ്പോള്‍ വൈറലാകുന്നത്‌. ഐഎഫ്എസ് ഓഫീസറായ സുശാന്ത നന്ദയാണ് വീഡിയോ ട്വിറ്ററിൽ പങ്കുവച്ചിരിക്കുന്നത്. അതില്‍ 'ഈ ലോകത്തിന് അമ്മമാരെ ആവശ്യമുണ്ട്' എന്നാണ് അടിക്കുറിപ്പ് നല്‍കിയിരിക്കുന്നത്.
/sathyam/media/post_attachments/wJATL85IuOZNYwV6u7Au.jpg "publive-image")
വീഡിയോയില്‍ ഒരു അമ്മയും കുഞ്ഞും ഒരു ചുമരിനടുത്ത് ഇരിക്കുന്നത് കാണാം. എന്നാല്‍, പെട്ടെന്ന് ആ അമ്മ ചുമരിലേക്ക് നോക്കുകയാണ്. അത് വീഴുന്നതാണ് അമ്മ കാണുന്നത്. എന്നാല്‍, പെട്ടെന്ന് തന്നെ ആ അമ്മ തന്‍റെ കുഞ്ഞിനെ പൊത്തിപ്പിടിച്ച് പരിക്കേല്‍ക്കാതെ സൂക്ഷിക്കുന്നത് കാണാം. പിന്നീട്, ആ മതില്‍ അമ്മയുടെ ദേഹത്തേക്ക് വീഴുകയാണ്. അപ്പോഴും അമ്മ കുട്ടിയെ സുരക്ഷിതമാക്കി നിര്‍ത്തിയിരിക്കുകയാണ്.
പെട്ടെന്ന് അച്ഛനെത്തി കുട്ടിയെ എടുത്ത് പോകുന്നു. പിന്നീട്, അമ്മ ആ പൊട്ടിപ്പൊളിഞ്ഞ ഇഷ്ടിക്കക്കഷ്ണങ്ങള്‍ക്കിടയില്‍ നിന്നും പുറത്ത് കടക്കുന്നത് കാണാം. വലിയ പരിക്കേറ്റിട്ടില്ല എന്നാണ് വീഡിയോയില്‍ നിന്നും മനസിലാവുന്നത്. നിരവധി പേരാണ് വീഡിയോ കണ്ടതും ഷെയര്‍ ചെയ്തതും.
/sathyam/media/agency_attachments/5VspLzgrB7PML1PH6Ix6.png)
Follow Us