റിക്ടർ സ്കെയിലിൽ 6.3 രേഖപ്പെടുത്തിയ ശക്തിയേറിയ ഭൂകമ്പത്തില്‍ അഫ്ഗാനില്‍ പൊലിഞ്ഞത് 3000ത്തോളം ജീവനുകള്‍; ആഹാരസാധനങ്ങൾ, വസ്ത്രം, ടെന്റുകൾ, കുടിവെള്ളം, മരുന്ന് ഇവയാണ് അത്യാവശ്യമായി അവിടേക്ക് എത്തേണ്ടത്; ഇസ്രായേൽ - ഹമാസ് യുദ്ധത്തിൽ എല്ലാവരും മറന്ന അഫ്‌ഗാൻ ഭൂകമ്പത്തെ കുറിച്ച്‌...

പടിഞ്ഞാറൻ അഫ്ഗാൻ ഗ്രാമങ്ങളിൽ വലിയ നാശനഷ്ടം വിതച്ച ശക്തിയേറിയ ഭൂകമ്പത്തില്‍ ഇതുവരെ 3000 ആളുകളാണ് കൊല്ലപ്പെട്ടത്. 3250 വീടുകൾ പൂർണ്ണമായോ ഭാഗികമായോ തകർന്നു. ഇസ്രായേൽ - ഹമാസ് യുദ്ധത്തിൽ എല്ലാവരും മറന്ന അഫ്‌ഗാൻ ഭൂകമ്പം

റിക്ടർ സ്കെയിലിൽ 6.3 രേഖപ്പെടുത്തിയ ശക്തിയേറിയ ഭൂകമ്പം പടിഞ്ഞാറൻ അഫ്ഗാൻ ഗ്രാമങ്ങളിൽ വലിയ നാശനഷ്ടമാണ് വിതച്ചത്. ഹെറാത്ത് ടൗണിൽ നിന്നും 40 കിലോമീറ്റർ അകലെയായിരുന്നു പ്രഭവകേന്ദ്രം. 6 തുടർചലനങ്ങൾ കൂടുതൽ ആഘാതമായി മാറപ്പെട്ടു.

ഇതുവരെ 3000 ആളുകളാണ് കൊല്ലപ്പെട്ടത്. 3250 വീടുകൾ പൂർണ്ണമായോ ഭാഗികമായോ തകർന്നു. 10000 ത്തിലധികം ആളുകളാണ് പരുക്കേറ്റു കഴിയുന്നത്.

ഇതുവരെ യുനിസെഫ് മാത്രമാണ് സഹായവുമായി എത്തിയിട്ടുള്ളത്. ഇന്ത്യ മെഡിക്കൽ ടീമിനെ അയക്കുമെന്ന് പ്രഖ്യാപിച്ചിട്ടുണ്ട്.

ആഹാരസാധനങ്ങൾ, വസ്ത്രം, ടെന്റുകൾ, കുടിവെള്ളം, മരുന്നുകൾ ഇവയാണ് അത്യാവശ്യമായി അവിടേക്ക് എത്തേണ്ടത്. രാജ്യം പ്രതിദിനം ദാരിദ്ര്യത്തിലേക്ക് കൂപ്പുകുത്തുമ്പോൾ സാമ്പത്തിക ബാധ്യതയിൽ നട്ടം തിരിയുന്ന താലിബാൻ ഭരണകൂടത്തിനുമുന്നിൽ ഇത്തരം അപ്രതീക്ഷിത വിപത്തുകളിൽനിന്നും കരകയറാൻ വിദേശസഹായം തേടുകയല്ലാതെ മറ്റു മാർഗ്ഗമൊന്നുമില്ല.