വനിതാ കണ്‍കെട്ടു നിയമം, പ​ത്തു വ​ർ​ഷം ക​ഴി​ഞ്ഞു ന​ട​പ്പാ​കു​ന്ന നി​യ​മം പാ​സാ​ക്കാ​ൻ ജ​ന​പ്ര​തി​നി​ധി​ക​ളെ പോ​ലും ഇ​രു​ട്ടി​ൽ നി​ർ​ത്തി പ്ര​ത്യേ​ക സമ്മേ​ള​നം വി​ളി​ച്ച​തു​ത​ന്നെ രാ​ഷ്‌​ട്രീ​യ​ലാ​ക്കോടെ, ലോ​ക്സ​ഭ​യി​ലെ​യും രാ​ജ്യ​സ​ഭ​യി​ലെ​യും ഗാ​ല​റി​ക​ളി​ൽ ബി​ജെ​പി​യു​ടെ നേ​തൃ​ത്വ​ത്തി​ൽ സി​നി​മാന​ടി​മാ​ർ അ​ട​ക്കം സ്ത്രീ​ക​ളെ പ്ര​ത്യേ​ക ബ​സു​ക​ളി​ൽ എ​ത്തി​ച്ച​തു മു​ൻ​കൂ​ട്ടി ആ​സൂ​ത്ര​ണം ചെ​യ്തി​ട്ടാ​ണെ​ന്നു വ്യ​ക്തം, ജോ​ർ​ജ് ക​ള്ളി​വ​യ​ലി​ൽ എഴുതുന്നു

ഒ​റ്റ​നോ​ട്ട​ത്തി​ലും കേ​ന്ദ്ര​സ​ർ​ക്കാ​രി​ന്‍റെ പ്ര​ചാ​ര​ണ​ത്തി​ലും ച​രി​ത്ര​നേ​ട്ട​മാ​ണു വ​നി​താ സം​വ​ര​ണ നി​യ​മം. ബി​ല്ലി​ന്‍റെ ച​ർ​ച്ചാ​വേ​ള​യി​ൽ പ്ര​തി​പ​ക്ഷ നേ​താ​ക്ക​ൾ ചൂ​ണ്ടി​ക്കാ​ട്ടി​യ​തുപോ​ലെ പാ​ർ​ല​മെ​ന്‍റി​ൽ പാ​സാ​യ ബി​ല്ലി​ൽ പ​ല കു​ടു​ക്കു​ക​ളു​മു​ണ്ട്. ഒ​രു ത​രം ക​ണ്‍കെ​ട്ട്. നി​യ​മം ന​ട​പ്പാ​ക്കു​ന്ന​തു നീ​ട്ടാ​നാ​യി ത​ന്ത്ര​പൂ​ർ​വം ഉ​ൾ​പ്പെ​ടു​ത്തി​യ ര​ണ്ടു വ്യ​വ​സ്ഥ​ക​ളാ​ണു പ്ര​ധാ​നം, പ്ര​ത്യേ​കി​ച്ച് അ​ഞ്ചാം ക്ലോ​സ്. അ​ടു​ത്ത സെ​ൻ​സ​സും മ​ണ്ഡ​ല പു​ന​ർ​നി​ർ​ണ​യ​വും പൂ​ർ​ത്തി​യാ​ക്കി​യ ശേ​ഷം വ​നി​താ സം​വ​ര​ണം ന​ട​പ്പാ​കു​മെ​ന്നാ​ണി​ത്. മൂ​ന്നി​ൽ ര​ണ്ടി​ലേ​റെ ഭൂ​രി​പ​ക്ഷ​ത്തോ​ടെ 2014ലും 2019​ലും അ​ധി​കാ​ര​ത്തി​ലേ​റി​യ ന​രേ​ന്ദ്ര മോ​ദി സ​ർ​ക്കാ​രി​ന്‍റെ കാ​ലാ​വ​ധി തീ​രു​ന്ന​തി​നു തൊ​ട്ടു​മു​ന്പു കൊ​ണ്ടു​വ​ന്ന നി​യ​മ​മാ​ണു പ​ത്തു വ​ർ​ഷം ക​ഴി​ഞ്ഞു ന​ട​പ്പാ​ക്കാ​ൻ ല​ക്ഷ്യ​മി​ട്ട​ത്! 

അ​ടു​ത്ത ലോ​ക്സ​ഭാ തെ​ര​ഞ്ഞെ​ടു​പ്പി​ലും 2026 മേ​യി​ൽ ന​ട​ക്കേ​ണ്ട കേ​ര​ള നി​യ​മ​സ​ഭാ തെ​ര​ഞ്ഞെ​ടു​പ്പി​ലും സ്ത്രീ​ക​ൾ​ക്ക് സം​വ​ര​ണം കി​ട്ടി​ല്ല. പി​ന്നീ​ട് 2029ലെ ​പൊ​തുതെ​ര​ഞ്ഞെ​ടു​പ്പി​ൽ വ​നി​ത​ക​ൾ​ക്കു മൂ​ന്നി​ലൊ​ന്നു സീ​റ്റു​ക​ൾ കി​ട്ടു​മോ​യെ​ന്ന​തി​നു​പോ​ലും വ്യ​ക്ത​മാ​യ ഉ​റ​പ്പി​ല്ല. 1993ൽ 73, 74 ​ഭ​ര​ണ​ഘ​ട​നാ ഭേ​ദ​ഗ​തി​ക​ൾ പാ​സാ​ക്കി​യ​പ്പോ​ൾ ത്രി​ത​ല പ​ഞ്ചാ​യ​ത്തു​ക​ളി​ൽ മൂ​ന്നി​ലൊ​ന്നു സീ​റ്റു​ക​ൾ വ​നി​ത​ക​ൾ​ക്കാ​യി സം​വ​ര​ണം ചെ​യ്യു​ക​യും ഉ​ട​ൻ ന​ട​പ്പി​ലാ​ക്കു​ക​യും ചെ​യ്തി​രു​ന്നു. 

വ​നി​താ സം​വ​ര​ണ​ത്തി​നാ​യു​ള്ള 128-ാം ഭ​ര​ണ​ഘ​ട​നാ ഭേ​ദ​ഗ​തി ബി​ൽ നി​യ​മം ആ​കു​ന്ന തീ​യ​തി മു​ത​ൽ 15 വ​ർ​ഷ​ത്തേ​ക്കു മാ​ത്ര​മാ​ണു വ​നി​താ സം​വ​ര​ണ​മെ​ന്നും വ്യ​വ​സ്ഥ​യു​ണ്ട്. വ​നി​താ സം​വ​ര​ണ നി​യ​മ​ത്തി​ന്‍റെ വി​ജ്ഞാ​പ​നം ഉ​ട​നെ ഇ​റ​ക്കി​യാ​ൽ 2034ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ൽ പോ​ലും ബാ​ധ​ക​മാ​കി​ല്ല. അ​ങ്ങി​നെ​യെ​ങ്കി​ൽ 2029ലെ ​ഒ​രു പൊ​തു​തെ​ര​ഞ്ഞെ​ടു​പ്പി​ൽ മാ​ത്ര​മാ​യി ചു​രു​ങ്ങും. പാ​ർ​ല​മെ​ന്‍റി​ൽ പി​ന്നീ​ട് നി​യ​മം പാ​സാ​ക്കി​യാ​ൽ മാ​ത്ര​മേ 15 വ​ർ​ഷ കാ​ലാ​വ​ധി നീ​ട്ടാ​നാ​കൂ.

പ​ത്തു വ​ർ​ഷം ക​ഴി​ഞ്ഞു ന​ട​പ്പാ​കു​ന്ന നി​യ​മം പാ​സാ​ക്കാ​ൻ ജ​ന​പ്ര​തി​നി​ധി​ക​ളെ പോ​ലും ഇ​രു​ട്ടി​ൽ നി​ർ​ത്തി പ്ര​ത്യേ​ക സ​മ്മേ​ള​നം വി​ളി​ച്ച​തു​ത​ന്നെ രാ​ഷ്‌​ട്രീ​യ​ലാ​ക്കോടെയാ​ണ്. ലോ​ക്സ​ഭ​യി​ലെ​യും രാ​ജ്യ​സ​ഭ​യി​ലെ​യും ഗാ​ല​റി​ക​ളി​ൽ ബി​ജെ​പി​യു​ടെ നേ​തൃ​ത്വ​ത്തി​ൽ സി​നി​മാന​ടി​മാ​ർ അ​ട​ക്കം സ്ത്രീ​ക​ളെ പ്ര​ത്യേ​ക ബ​സു​ക​ളി​ൽ എ​ത്തി​ച്ച​തു മു​ൻ​കൂ​ട്ടി ആ​സൂ​ത്ര​ണം ചെ​യ്തി​ട്ടാ​ണെ​ന്നു വ്യ​ക്തം. ഇ​വ​രി​ൽ ചി​ല​ർ ഗാ​ല​റി​യി​ലി​രു​ന്നു മു​ദ്രാ​വാ​ക്യം വി​ളി​ച്ചി​ട്ടും ന​ട​പ​ടി​യു​ണ്ടാ​യി​ല്ല. മ​ഹി​ളാ മോ​ർ​ച്ച​ക്കാ​രെ നേ​ര​ത്തേ ക്ഷ​ണി​ച്ച​പ്പോ​ഴും ബി​ൽ അ​വ​ത​രി​പ്പി​ച്ച​പ്പോ​ൾ മാ​ത്ര​മാ​ണ് എം​പി​മാ​രെ അ​റി​യി​ച്ച​ത്. പാ​ർ​ല​മെ​ന്‍റ​റി ജ​നാ​ധി​പ​ത്യ​ത്തി​ന്‍റെ അ​ന്തഃ​സ​ത്ത​യ്ക്കു വി​രു​ദ്ധ​വും ജ​നാ​ധി​പ​ത്യവി​രു​ദ്ധ​വു​മാ​ണി​ത്.