മണിപ്പൂരിൽ സ്ത്രീകളെ നഗ്നരാക്കി നടത്തിയയാളുടെ വീട് സ്ത്രീകൾ തന്നെ കത്തിച്ചു ചാമ്പലാക്കി; കുടുംബാംഗങ്ങളെ ഗ്രാമത്തിൽ നിന്നും തുരത്തി; സ്ത്രീത്വത്തെ അപമാനിക്കുന്നവർക്ക് താക്കീതായി മീരാ പൈബിസ് സഘടന

മണിപ്പൂരിൽ സ്ത്രീകളെ നഗ്നരാക്കി നടത്തിയതിനു നേതൃത്വം നൽകിയ മുഖ്യപ്രതിയും മെയ്തെയി വിഭാഗ ക്കാരനുമായ "ഹുയിരേം ഹെരോദാസ് മെയ്തെയി" യുടെ തോബൽ ജില്ലയിലെ പേച്ചി ഗ്രാമത്തിലുള്ള വീട് കഴിഞ്ഞ ദിവസം മെയ്തെയി വിഭാഗക്കാരായ വനിതകൾ തന്നെ അഗ്നിക്കിരയാക്കി.

മാത്രവുമല്ല അയാളുടെ കുടുംബാംഗങ്ങളായ 5 പേരെയും സമുദായത്തിൽ നിന്നും ഗ്രാമത്തിൽ നിന്നും പുറത്താക്കിയതായി മെയ്തെയി വനിതാ സംഘടന യായ "മീരാ പൈബിസ്" (Meira Paibis) അറിയിച്ചു.

സ്ത്രീത്വത്തെ അപമാനിക്കുന്നവർ ആരായാലും മെയ്തെയി വിഭാഗം അത് അംഗീകരിക്കില്ലെന്നും ഈ നീചപ്രവർത്തി മണിപ്പൂരിൽ പ്രതിഷേധം നടത്തുന്ന മെയ്തെയി സമൂഹത്തിനുമുഴുവൻ അപമാനമാണെന്നും മീരാ പൈബിസ് സംഘടനാ ഭാരവാഹികൾ അറിയിച്ചു