ഫോക്സ്വാഗൺ തങ്ങളുടെ ആദ്യത്തെ ഇലക്ട്രിക് കോംപാക്ട് എസ്യുവിയായ ID.4 മോഡലിനെ സെപ്റ്റംബർ 23 ന് എസ്യുവി ആഗോളതലത്തിൽ അവതരിപ്പിക്കും.500 കിലോമീറ്ററാണ് ID.4 ഇലക്ട്രിക് എസ്യുവിയുടെ മൈലേജായി കമ്പനി അവകാശപ്പെടുന്നത്.
ഫോക്സ്വാഗൺ ID കുടുംബത്തിൽ നിന്ന് വിപണിയിലെത്തുന്ന രണ്ടാമത്തെ മോഡലാണിത് എന്നതും ശ്രദ്ധേയമാണ്. ഇലക്ട്രിക് വാഹനങ്ങൾക്കായി ജർമൻ ഗ്രൂപ്പ് വികസിപ്പിച്ച MEB മോഡുലാർ പ്ലാറ്റ്ഫോമിലാണ് വാഹനം ഒരുങ്ങുന്നത്.
വിൽപ്പനയ്ക്ക് എത്തുന്ന ആദ്യ നാളുകളിൽ റിയർ-വീൽ ഡ്രൈവ് ഉപയോഗിച്ച് മാത്രമാകും എസ്യുവി ലഭ്യമാവുക. പിന്നീടാകും ഇലക്ട്രിക് ഓൾ-വീൽ ഡ്രൈവ് പതിപ്പിനെ കമ്പനി അവതരിപ്പിക്കുക. രൂപകൽപ്പനയിലേക്ക് നോക്കിയാൽ ID.4-ന്റെ പുറംമോടി ഒരു സാധാരണ ക്രോസ്ഓവർ ശൈലിയിലാണ് ഒരുങ്ങിയിരിക്കുന്നത്. മുൻവശം ഒരു ബോൾഡർ അപ്പീലാണ് അവതരിപ്പിക്കുന്നത്.
രണ്ട് വശങ്ങളിലുമായി എൽഇഡി പ്രൊജക്ടർ ഹെഡ്ലാമ്പുകൾ കൊണ്ട് പൂർത്തിയാക്കിയിരിക്കുന്നു.