വയനാട് : പ്രധാനമന്ത്രി നരേന്ദ്രമോദിക്കെതിരെ രൂക്ഷവിമര്ശനവുമായി വയനാട് എംപി രാഹുല്ഗാന്ധി. രാജ്യത്ത് സ്ത്രീകള് സുരക്ഷിതരല്ലെന്നും ഇന്ത്യ ലോകത്തിന് മുന്നില് ബലാത്സംഗത്തിന്റെ തലസ്ഥാനമായിമാറിയെന്നും രാഹുല് ആഞ്ഞടിച്ചു.
യുപിയില് ബിജെപി എംഎല്എ ബലാത്സംഗകേസില് ഉള്പ്പെട്ടിട്ടും പ്രധാനമന്ത്രി ഒരക്ഷരം മിണ്ടിയില്ല. പ്രധാനമന്ത്രിയുടെ രാഷ്ട്രീയജീവിതം മുഴുവന് വിഭജനം, അക്രമം, പക എന്നിവയില് അധിഷ്ടിതമാണെന്നും എവിടേയും മതം പറയുന്ന മോദി, മത ഗ്രന്ഥങ്ങളെങ്കിലും വായിക്കണമെന്നും രാഹുല് വയനാട്ടില് പറഞ്ഞു.