ആലപ്പുഴ: കുട്ടികളുമായി കടലില് ചാടി ആത്മഹത്യചെയ്യാന് എത്തിയ വീട്ടമ്മയെ ടൂറിസം പൊലീസും കോസ്റ്റല് വാര്ഡന്മാരും ചേര്ന്ന് രക്ഷിച്ചു. വ്യാഴാഴ്ച വൈകീട്ട് 3.45ഓടെ അഞ്ചുവയസ്സുള്ള പെണ്കുട്ടിയും രണ്ട് വയസ്സുള്ള ആണ്കുട്ടിയുമായാണ് 32 വയസ്സുള്ള വീട്ടമ്മ ആത്മഹത്യ ചെയ്യാന് എത്തിയത്.
കുടുംബ പ്രശ്നത്തെതുടര്ന്ന് വനിത സെല്ലില് കൗണ്സലിങ്ങിന് എത്തിയ വീട്ടമ്മ, അവിടെനിന്ന് ബീച്ചിലെത്തി ആത്മഹത്യക്ക് ശ്രമിക്കുകയായിരുന്നു.
ടൂറിസം പൊലീസ് സ്ഥലത്തെത്തി ഇവരെ പിന്തിരിപ്പിച്ചു. യുവതിയെയും കുട്ടികളെയും പൊലീസിന്റെ നേതൃത്വത്തില് വനിത സെല്ലില് എത്തിച്ച് കൗണ്സലിങ്ങിനുശേഷം ഭര്ത്താവുമായി ചര്ച്ച നടത്തി വീട്ടിലേക്ക് പറഞ്ഞയച്ചതായി ടൂറിസം എസ്.ഐ സി. രാജേഷ് അറിയിച്ചു.