നിങ്ങള്‍ ദേഷ്യം വരുമ്പോള്‍ മോശം വാക്കുകള്‍ പ്രയോഗിക്കുന്നവരാണോ? എങ്കില്‍ ആ വാക്കുകളിലുമുണ്ട് ചില ഗുണങ്ങള്‍; ഗവേഷകര്‍ പറയുന്നത് ഇങ്ങനെ...

ദേഷ്യം വരുമ്പോള്‍ മറ്റുള്ളവര്‍ക്കെതിരെ മോശമായ വാക്കുകള്‍ പ്രയോഗിക്കുന്നവരാണ് നമ്മളില്‍ പലരും. നമ്മിലെ നിരാശ മൂലമാണ് നാം പലരും എതിരാളിക്കു മേല്‍ മോശം പദപ്രയോഗം നടത്തിവരുന്നത്. ദോഷ്യപ്പെടുന്നതോ ശപിക്കുന്നതോ മോശം വാക്കുകള്‍ പ്രയോഗിക്കുന്നതോ നമ്മിലെ നിരാശ മറ്റുള്ളവര്‍ക്കു മേല്‍ പ്രകടിപ്പിക്കാനുള്ള ഉത്തമ മാര്‍ഗവുമാണ്.

എന്നാല്‍ ഇത്തരം പദങ്ങള്‍ പ്രയോഗിക്കുന്നത് തീര്‍ച്ചയായും സാമൂഹിക മര്യാദകളുടെ ലംഘനം തന്നെയാണ് . എന്നാല്‍ മോശം ഭാഷയും അധിക്ഷേപകരമായ വാക്കുകളും നമ്മുടെ മനസ്സിനെ ശാന്തമാക്കുന്നുവെന്ന് നിങ്ങള്‍ക്കറിയാമോ...

എന്നാല്‍ അത് ഒരു സത്യമാണെന്നാണ് ഗവേകര്‍ പറയുന്നത്. മോശം ഭാഷ നമ്മുടെ മനസ്സിന് ആശ്വാസം നല്‍കുമെന്നാണ് ഗവേഷകര്‍ പഠനം നടത്തി തെളിയിച്ചിരിക്കുന്നത് ..

മോശം വാക്കുകള്‍ പ്രയോഗിക്കുന്നത് നിരാശ ഒഴിവാക്കാനുള്ള മാര്‍ഗമാണെന്ന് അവര്‍ പറയുന്നു. നിങ്ങള്‍ അധിക്ഷേപകരമായ വാക്കുകള്‍ മറ്റുള്ളവര്‍ക്ക് മേല്‍ പ്രയോഗിക്കുകയും അത്തരം വാക്കുകള്‍ ഉപയോഗിച്ചതില്‍ നിങ്ങള്‍ക്ക് സ്വയം ലജ്ജ തോന്നാതിരിക്കുകയും ചെയ്യുന്നുണ്ടെങ്കില്‍ അതിന് അര്‍ത്ഥം നിങ്ങളുടെ മനസ്സിന് ആശ്വാസം ലഭിച്ചു എന്നാണത്രെ..

നമ്മളിൽ പലരും പൊതുവെ നമ്മുടെ ചങ്ങാതിമാരുടെ മുന്നിൽ അധിക്ഷേപകരമായ ഭാഷ ഉപയോഗിക്കുന്നു, അത് അവരെ ദേഷ്യം പിടിപ്പിക്കുന്നു. പക്ഷേ, അത്തരം വാക്കുകൾ ഉപയോഗിച്ചതിന് ശേഷം നിങ്ങൾക്ക് കുറച്ച് ആശ്വാസം ലഭിക്കുമെന്ന് നിങ്ങൾ എപ്പോഴെങ്കിലും ശ്രദ്ധിച്ചിട്ടുണ്ടോ?

ചെറുപ്പം മുതലെ മോശം ഭാഷ ഉപയോഗിക്കരുതെന്നാണ് നമ്മള്‍ പഠിക്കുന്നത്. കൗമാരപ്രായത്തിൽ, മോശം ഭാഷ ഉപയോഗിച്ചതിന് നമ്മില്‍ പലരെയും മാതാപിതാക്കള്‍ ശകാരിച്ചിട്ടുണ്ട്. ഇന്ന്, പലരും പരസ്യമായി അധിക്ഷേപകരമായ വാക്കുകൾ ഉപയോഗിക്കുന്നു. മാത്രമല്ല, സന്തോഷം പ്രകടിപ്പിക്കാൻ പലരും മോശം വാക്കുകൾ ഉപയോഗിക്കുന്നു.

മോശം ഭാഷ ഉപയോഗിക്കുന്നതിലൂടെ നിങ്ങളുടെ കോപം ഒരു പരിധിവരെ കുറയ്ക്കാൻ കഴിയുമെന്നും ഇത് നിങ്ങളുടെ മനസ്സിനെ പുതുമയുള്ളതാക്കുന്നുവെന്നും ഇപ്പോൾ ഗവേഷകർ തെളിയിച്ചിട്ടുണ്ട്. കീൻ യൂണിവേഴ്‌സിറ്റി നടത്തിയ ഗവേഷണത്തിൽ മോശം വാക്കുകൾ നമ്മുടെ മനസ്സിനെ ശാന്തമാക്കുന്നുവെന്ന് വെളിപ്പെടുത്തി.

പഠനമനുസരിച്ച് മോശം വാക്കുകൾ നമ്മുടെ പ്രശ്‌നങ്ങളെ നേരിടാനുള്ള കഴിവ് വർദ്ധിപ്പിക്കുന്നു.