ഇത് കാലിഫോര്‍ണിയയില്‍ കനത്ത നാശം വിതച്ച കാട്ടുതീ പകര്‍ന്ന നൊമ്പരക്കാഴ്ച; കാറിനുള്ളില്‍ വച്ച് പതിമൂന്നുകാരനും മുത്തശിയും വെന്തുമരിച്ചു; മടിയില്‍ അവരുടെ നായക്കുട്ടിയും

കാലിഫോര്‍ണിയ: കാലിഫോര്‍ണിയയില്‍ ഉഗ്രതാണ്ഡവമാടിയ കാട്ടുതീ പകര്‍ന്ന ഒടുവിലത്തെ നൊമ്പരക്കാഴ്ചയായി ഒരു പതിമൂന്നുകാരനും മുത്തശിയും. കാറിനുള്ളിലായിരുന്ന ഇരുവരും വെന്തുമരിക്കുകയായിരുന്നു. ഇവരുടെ മടിയില്‍ നിന്ന് വെന്തുമരിച്ച അവസ്ഥയില്‍ ഒരു നായക്കുട്ടിയെയും കണ്ടെത്തി.

ഒറിഗോണിലെ മരിയന്‍ കൗണ്ടിയിലാണ് ദാരുണ സംഭവം നടന്നത്. പതിമൂന്നുകാരന്‍ വ്യറ്റ് ടോഫ്, മുത്തശി പെഗി മോസോ (71) എന്നിവരാണ് മരിച്ചത്. ഇവരെ രക്ഷിക്കാന്‍ ശ്രമിച്ച മോസോയുടെ മകളായ എയ്ഞ്ചലോ, ഇവരുടെ ഭര്‍ത്താവ് ക്രിസ് ടോഫ് എന്നിവര്‍ക്ക് ഗുരുതര പരിക്കേറ്റു.

കാട്ടുതീയില്‍ നിന്ന് രക്ഷ തേടി ഇവര്‍ മറ്റൊരു സ്ഥലത്തേക്ക് പോകാന്‍ ശ്രമിക്കവേയാണ് അതിദാരുണമായ സംഭവം നടന്നത്.