കാന്ബറ: കൊളോണിയല് ആധിപത്യത്തിന്റെ ഓര്മകളില് നിന്ന് മുക്തമാകാനുള്ള ഓസ്ട്രേലിയന് ശ്രമങ്ങളിലേക്ക് ഒരു ചെറിയ ചുവട് കൂടി. എലിസബത്ത് രാജ്ഞിയുടെ ചിത്രവുമായി അച്ചടിച്ചിരുന്ന 5 ഡോളര് നോട്ട് ഇനി അച്ചടിക്കുമ്പോള് പുതിയ ബ്രിട്ടീഷ് രാജാവ് ചാള്സിന്റെ ചിത്രം പതിക്കില്ല.
ബ്രിട്ടിഷ് രാജാധികാരിയുടെ ചിത്രം നോട്ടില് അച്ചടിക്കുന്ന പതിവനുസരിച്ച് രാജ്ഞിയുടെ പിന്ഗാമിയായ ചാള്സ് രാജാവിനെയാണ് ഇനി ഇറക്കുന്ന 5 ഡോളര് നോട്ടില് ഉള്പ്പെടുത്തേണ്ടത്. എന്നാല്, അങ്ങനെ ചെയ്യാന് ഉദ്ദേശിക്കുന്നില്ലെന്നാണ് ഓസ്ട്രേലിയന് റിസര്വ് ബാങ്കിന്റെ പ്രഖ്യാപനം. പകരം തദ്ദേശീയ ചരിത്രവും സംസ്കാരവും പ്രതിഫലിക്കുന്ന പുതിയ രൂപകല്പന വരും.