29
Thursday September 2022
അള്ളും മുള്ളും

വി.ഡി സതീശനെക്കുറിച്ചു ഞാന്‍ വിശദീകരിക്കുമ്പോള്‍ത്തന്നെ ചാമക്കാലായുടെ മുഖം ദേഷ്യം കൊണ്ട് ചുവക്കുന്നത് ചില കോണ്‍ഗ്രസ് നേതാക്കള്‍ ശ്രദ്ധിച്ചിരുന്നു, പിന്നീട് അവര്‍ അതെന്നോടു പറയുകയും ചെയ്തു! വ്യക്തിപരമായി എന്നെ അധിക്ഷേപിക്കുന്ന ചാമക്കാലായെയാണു പിന്നെ കണ്ടത്; വി.ഡി സതീശനും ചാമക്കാലായും തമ്മിലെന്ത് ? – അള്ളും മുള്ളും പംങ്തിയില്‍ ജേക്കബ് ജോര്‍ജ്

ജേക്കബ് ജോര്‍ജ്
Monday, August 15, 2022

പ്രതിപക്ഷ നേതാവു വി.ഡി സതീശനെക്കുറിച്ചു നല്ലതെന്തെങ്കിലും പറഞ്ഞാല്‍ ചില കോണ്‍ഗ്രസുകാര്‍ക്കു കലിവരും. അവരുടെ മുഖം ചുവന്നു തുടുക്കും. രോഷത്തോടെ ഉറഞ്ഞു തുള്ളും.

ഇക്കഴിഞ്ഞ ദിവസം മനോരമ ന്യൂസിലെ എട്ടുമണി ചര്‍ച്ചയില്‍ സാന്ദര്‍ഭികമായാണ് ഞാന്‍ വി.ഡി സതീശനെക്കുറിച്ചു പറഞ്ഞത്. മന്ത്രിമാരുടെ പ്രവര്‍ത്തനം പോരെന്ന് ആക്ഷേപിച്ച് സി.പി.എം സംസ്ഥാന സമിതി യോഗത്തില്‍ നടന്ന വിശദമായ ചര്‍ച്ചയായിരുന്നു വിഷയം. പ്രവര്‍ത്തനം മെച്ചപ്പെടുത്താന്‍ പാര്‍ട്ടി നേതൃത്വം കര്‍ശന നിര്‍ദേശം കൊടുത്തു എന്നു കരുതി മന്ത്രിസഭയുടെ പ്രവര്‍ത്തനം മെച്ചപ്പെടുമോ എന്നതായിരുന്നു ‘മനോരമ’യുടെ ‘കൗണ്ടര്‍ പോയിന്‍റ് ‘ മുന്നോട്ടുവെച്ച ചോദ്യം. ചര്‍ച്ച നയിച്ചത് എം.എം റാഷിദ്.

ഒന്നാം പിണറായി സര്‍ക്കാരിന്‍റെ പിടിപ്പോ മികവോ രണ്ടാം പിണറായി സര്‍ക്കാരിനില്ല എന്ന വാദത്തെ പിന്താങ്ങിക്കൊണ്ടുതന്നെയായിരുന്നു എന്‍റെ തുടക്കം. ചരിത്രത്തിലൂടെ ഒന്നു കടന്നു വരാനും ഞാന്‍ ശ്രമിച്ചു. ഐക്യ കേരളത്തിന്‍റെ ആദ്യ സര്‍ക്കാരില്‍, ഇ.എം.എസ് മന്ത്രിസഭയില്‍ എത്ര പ്രഗത്ഭരായിരുന്നു മന്ത്രിമാര്‍ എന്ന കാര്യം ചൂണ്ടിക്കാട്ടിയായിരുന്നു തുടക്കം. പ്രൊഫ. ജോസഫ് മുണ്ടശേരി, വി.ആര്‍ കൃഷ്ണയ്യര്‍, ഡോ. എ.ആര്‍ മേനോന്‍, ടി.വി തോമസ്, കെ.ആര്‍ ഗൗരിയമ്മ എന്നിങ്ങനെ.

1960 -ലെ പട്ടം മന്ത്രിസഭയും പ്രഗത്ഭരെക്കൊണ്ടു തിളങ്ങിയിരുന്നു. ആര്‍. ശങ്കര്‍, പി.ടി ചാക്കോ തുടങ്ങിയവര്‍. 1967 ല്‍ വീണ്ടും അധികാരത്തില്‍ വന്ന ഇ.എം.എസ് മന്ത്രിസഭയിലുണ്ടായിരുന്നത് എം.എന്‍ ഗോവിന്ദന്‍ നായര്‍, സി.എച്ച് മുഹമ്മദ് കോയ, ടി.കെ. ദിവാകരന്‍ എന്നിങ്ങനെയുള്ള പ്രമുഖര്‍.

കെ. കരുണാകരന്‍റെ പ്രവര്‍ത്തനരീതി ‘എ മാന്‍ ഇന്‍ എ ഹറി’ എന്ന ഇംഗ്ലീഷ് പ്രയോഗത്തെ അനുസ്മരിപ്പിക്കുന്ന തരത്തില്‍ വളരെ വേഗം സഞ്ചരിക്കുകയും വളരെ വേഗം തീരുമാനമെടുക്കുകയും ചെയ്യുന്ന ഒരു നേതാവിന്‍റേതായിരുന്നുവെന്നും ഞാന്‍ ചൂണ്ടിക്കാട്ടി.

രണ്ടാം തവണയും മുഖ്യമന്ത്രിയായ പിണറായി വിജയനെയും അങ്ങനെ വളരെ വേഗം തീരുമാനമെടുക്കുന്ന നേതാവെന്നും വിശേഷിപ്പിക്കാമെങ്കിലും മന്ത്രിമാര്‍ ആ വേഗത്തോടൊപ്പമെത്തുന്നില്ലെന്നു ഞാന്‍ വിശദീകരിച്ചു. സി.പി.എം സംസ്ഥാന സമിതി യോഗം രണ്ടാം പിണറായി സര്‍ക്കാരിലെ മന്ത്രിമാരുടെ പോരായ്മകളിലേയ്ക്കാണു വിരല്‍ ചൂണ്ടിയതെന്നും വൈകിട്ടത്തെ പത്രസമ്മേളനത്തില്‍ പാര്‍ട്ടി സെക്രട്ടറി കോടിയേരി ബാലകൃഷ്ണന്‍ അത് ഉറപ്പിച്ചു പറഞ്ഞുവെന്നും ഞാന്‍ വിശദീകരിച്ചു.

ഒരു മന്ത്രി വിചാരിച്ചാല്‍ കേരളം പോലൊരു സംസ്ഥാനത്ത് വലിയ കാര്യങ്ങള്‍ നടത്താനാവുമെന്നു വാദിക്കാനാണു ഞാന്‍ ശ്രദ്ധിച്ചത്. 2011 -ല്‍ ഉമ്മന്‍ ചാണ്ടി മുഖ്യമന്ത്രിയായപ്പോള്‍ ഒരു മന്ത്രിസ്ഥാനം കിട്ടുമെന്നു കരുതിയിരുന്ന വി.ഡി സതീശനെ അന്നു കണ്ട കാര്യവും ഞാന്‍ ചൂണ്ടിക്കാട്ടി. എം.എല്‍.എ ഹോസ്റ്റലിലെ മുറിയിലായിരുന്നു അദ്ദേഹത്തെ കണ്ടത്. സതീശനു മന്ത്രിസ്ഥാനം കിട്ടിയില്ലെന്ന് ഉറപ്പായിക്കഴിഞ്ഞിരുന്നു. സമുദായ നേതാവിന്‍റെ പിന്തുണ വാങ്ങാമെങ്കില്‍ നോക്കാമെന്നൊരു ഉപദേശം പാര്‍ട്ടിയില്‍ കേട്ടതായും സതീശന്‍ ചൂണ്ടിക്കാട്ടി. മന്ത്രിസ്ഥാനം കിട്ടാന്‍ സമുദായ നേതാക്കന്മാരുടെ പിന്നാലേ പോകാന്‍ സതീശന്‍ ഒരുക്കമല്ലായിരുന്നു.

ആ പ്രായത്തില്‍ ഒരു മന്ത്രിസ്ഥാനം കിട്ടുക ഒരു വലിയ കാര്യം തന്നെയായിരുന്നുവെന്ന് സതീശന്‍ അന്നു പറഞ്ഞ കാര്യം ഞാന്‍ ഓര്‍മിച്ചു. ഓടിനടക്കാനും കാര്യങ്ങള്‍ ആഴത്തില്‍ പഠിക്കാനും കഴിയുന്ന സമയം. “ഒരു കോഴി വളര്‍ത്തല്‍ വകുപ്പു കിട്ടിയിരുന്നെങ്കില്‍ ആ വകുപ്പു ഞാന്‍ വലിയൊരു വകുപ്പായി മാറ്റുമായിരുന്നു”, സതീശന്‍ നിരാശയോടെ പറഞ്ഞ കാര്യം ഞാന്‍ വിവരിച്ചു. മന്ത്രിസ്ഥാനം ആഗ്രഹിക്കുന്ന രാഷ്ട്രീയ നേതാക്കള്‍ക്ക് ഇങ്ങനെയൊരു താല്‍പ്പര്യമാണു വേണ്ടതെന്നു വിവരിക്കാനാണ് സതീശന്‍റെ വാക്കുകള്‍ ഞാന്‍ പറഞ്ഞത്.

പക്ഷെ അത് എന്നോടൊപ്പമിരുന്ന ജ്യോതികുമാര്‍ ചാമക്കാലായെ രോഷാകുലനാക്കുമെന്നു ഞാന്‍ കരുതിയില്ല. വി.ഡി സതീശനെക്കുറിച്ചു ഞാന്‍ വിശദീകരിക്കുമ്പോള്‍ത്തന്നെ ചാമക്കാലായുടെ മുഖം ദേഷ്യം കൊണ്ട് ചുവക്കുന്നത് ചില കോണ്‍ഗ്രസ് നേതാക്കള്‍ ശ്രദ്ധിച്ചിരുന്നു. പിന്നീട് അവര്‍ അതെന്നോടു പറയുകയും ചെയ്തു.

വ്യക്തിപരമായി എന്നെ അധിക്ഷേപിക്കുന്ന ചാമക്കാലായെയാണു പിന്നെ കണ്ടത്. കേരള നിയമസഭയുടെ സഭാ ടിവിയില്‍ എനിക്കു പങ്കുണ്ടെന്നും മറ്റുമൊക്കെയായി ചാമക്കാലാ പിറുപിറുത്തുകൊണ്ടേയിരുന്നു.

വി.ഡി സതീശനനും ജ്യോതികുമാര്‍ ചാമക്കാലായും തമ്മിലെന്ത് എന്ന് എനിക്കപ്പോള്‍ത്തന്നെ ചോദിക്കാമായിരുന്നു. സമയം വൈകിക്കഴിഞ്ഞിരുന്നതിനാല്‍ റാഷിദിനെ ബുദ്ധിമുട്ടിക്കാന്‍ ഞാനൊരുങ്ങിയില്ല. ഒരു പ്രത്യേക രാഷ്ട്രീയ സാഹചര്യത്തില്‍ നിരാശപ്പെട്ടുപോയ വി.ഡി സതീശന്‍ ആ ദിവസം എന്നോടു പറഞ്ഞ വാചകം ഇന്നത്തെ സാഹചര്യത്തില്‍ അതിമനോഹരമായി ഞാന്‍ അവതരിപ്പിച്ചത് ചാമക്കാലായ്ക്കു പിടിക്കാതെ പോയതെന്ത് ?

വി.ഡി സതീശനെക്കുറിച്ചു ഞാന്‍ പറഞ്ഞ നല്ല വാക്കുകളില്‍ ചാമക്കാലായുടെ യജമാനന്‍റെ പേരും മുഴച്ചുനില്‍ക്കുന്നുണ്ടെന്നു കോണ്‍ഗ്രസുകാര്‍ക്കറിയാം. ഒരല്പം യജമാനസ്നേഹം പ്രകടിപ്പിച്ചെന്നേയുള്ളു ചാമക്കാലാ.

More News

ബിനോയ് കോടിയേരിക്കെതിരായ ലൈംഗിക പീഡനക്കേസ് ബോംബെ ഹൈക്കോടതിയില്‍ ഒത്തുതീര്‍പ്പായി. എല്ലാ കേസുകളും പിന്‍വലിച്ചതായും വിചാരണക്കോടതിയിലെ നിയമനടപടികള്‍ അവസാനിപ്പിച്ചതായും ബിഹാര്‍ സ്വദേശിനി വ്യക്തമാക്കുകയും ചെയ്തു കഴിഞ്ഞു. കുട്ടിയുടെ ജീവിതച്ചെലവിനും പഠനത്തിനുമായി 80 ലക്ഷം രൂപ ബിനോയ് യുവതിക്കു കൈമാറിയെന്നാണ് പുറത്തു വരുന്ന വിവരം.  പണം കൈമാറിയ വിവരം ബിനോയ് കോടതിയെ ബോധ്യപ്പെടുത്തുകയും ചെയ്തതോടെയാണ് കേസിൻ്റെ കാര്യത്തിൽ തീരുമാനമായത്. അതേസമയം 80 ലക്ഷം രൂപയല്ല കെെമാറിയതെന്നും അതിൽ കൂടുതലുണ്ടെന്നും സ്ഥിരീകരിക്കാത്ത റിപ്പോർട്ടുകളും പുറത്തു വരുന്നുണ്ട്. യുവതിക്ക് പണം നൽകിയതിൻ്റെ രേഖകൾ […]

മമ്മൂട്ടി – ബി. ഉണ്ണികൃഷ്ണൻ ചിത്രം ക്രിസ്റ്റഫർ ചിത്രീകരണം പൂർത്തിയായി. 79 ദിവസത്തെ ചിത്രീകരണത്തിനു ശേഷം സെപ്റ്റംബർ 29ന് പുലർച്ചെ രണ്ട് മണിക്ക് ചിത്രീകരണം പൂർത്തിയാക്കി. 65 ദിവസത്തോളമായിരുന്നു സിനിമയിൽ മമ്മൂട്ടിയുടെ ചിത്രീകരണം നീണ്ടുനിന്നത്. ഈ അടുത്ത കാലത്ത് ഇറങ്ങുന്ന മമ്മൂട്ടിയുടെ ഏറ്റവും വലിയ ബിഗ് ബജറ്റ് ചിത്രം നിർമിക്കുന്നത് ആർ.ഡി. ഇലുമിനേഷൻസ് ആണ്. ബയോഗ്രാഫി ഓഫ് എ വിജിലൻറ് കോപ്പ് എന്ന ടാഗ്‌ലൈനിൽ ഇറങ്ങുന്ന ഈ ആക്‌ഷൻ ത്രില്ലർ ചിത്രത്തിന്റെ തിരക്കഥ ഒരുക്കുന്നത് ഉദയ കൃഷ്ണയാണ്. […]

തിരുവനന്തപുരം: മുഖ്യമന്ത്രി കണ്ണൂർ വിസി നിയമനത്തിൽ ഇടപെട്ടിട്ടില്ലെന്ന് പ്രോസിക്യൂഷൻ. വിസി നിയമനത്തിന് സ്വതന്ത്ര ചുമതലയില്ലാത്ത ഗവർണറെ എന്തിന് സ്വാധീനിക്കണമെന്ന് പ്രോസിക്യൂഷൻ ചോദിച്ചു. എന്നാൽ സ്വന്തം ജില്ലാക്കാരനായി മുഖ്യമന്ത്രി ഇടപെട്ടെന്ന് ഹർജിക്കാരനായ കോണ്‍ഗ്രസ് നേതാവ് ജ്യോതികുമാർ ചാമക്കാല കോടതിയിൽ പറഞ്ഞു. കേസ് ഒക്ടോബർ 22ലേക്ക് മാറ്റി. കണ്ണൂർ വിസിയായി ഗോപിനാഥ് രവീന്ദ്രനെ നിയമിക്കാനായി മുഖ്യമന്ത്രി സമ്മർദം ചെലുത്തിയെന്ന് ഗവർണർ ആരിഫ്മുഹമ്മദ് ഖാൻ വെളിപ്പെടുത്തിയിരുന്നു. ഇതിന്റെ അടിസ്ഥാനത്തിലാണ് ചാമക്കാല ഹർജി നൽകിയത്.

പോപ്പുലര്‍ ഫ്രണ്ട് ഹര്‍ത്താലിലെ ആക്രണത്തില്‍ കടുത്ത നടപടികളുമായി ഹൈക്കോടതി. ഹര്‍ത്താല്‍ ദിനത്തെ അത്രിക്രമങ്ങളില്‍ കേരളത്തിലെ മുഴുവന്‍ കേസിലും പിഎഫ്‌ഐ ജനറല്‍ സെക്രട്ടറി അബ്ദുള്‍ സത്താറിനെ മുഴുവന്‍ കേസിലും പ്രതി ചേര്‍ക്കാന്‍ സര്‍ക്കാരിനോട് ഹൈക്കോടതി നിര്‍ദ്ദേശിച്ചു. അബ്ദുര്‍ സത്താറായിരുന്നു ഹര്‍ത്താലിന് ആഹ്വാനം ചെയ്തത്. ഹര്‍ത്താലിലെ അക്രമ സംഭവങ്ങളില്‍ നഷ്ടപരിഹാരം ഈടാക്കാന്‍ ഉത്തരവിടാമെന്നും ഹൈക്കോടതി ഡിവിഷന്‍ ബെഞ്ച് നിര്‍ദ്ദേശിച്ചു. നഷ്ടപരിഹാരത്തുക കെട്ടിവച്ചേ ജാമ്യം നല്‍കാവൂ. ഇക്കാര്യത്തില്‍ എല്ലാ മജിസ്‌ട്രേട്ട് കോടതികള്‍ക്കും നിര്‍ദേശം നല്‍കുമെന്നും ഹൈക്കോടതി വ്യക്തമാക്കി. പോപ്പുലര്‍ ഫ്രണ്ട് അഞ്ചുകോടി […]

കോഴിക്കോട് : കേന്ദ്രസർക്കാർ നിരോധിച്ചെങ്കിലും പുതിയ രൂപത്തിലും ഭാവത്തിലും അവതരിക്കാൻ പോപ്പുലർ ഫ്രണ്ട് ഒരുക്കം തുടങ്ങി. മനുഷ്യാവകാശ, സന്നദ്ധ പ്രവർത്തന സംഘടനയുടെ രൂപത്തിലാവും പോപ്പുലർ ഫ്രണ്ടിന്റെ അടുത്ത വരവ്. സംസ്ഥാനത്തെ പ്രമുഖ മനുഷ്യാവകാശ പ്രവർത്തകരെ മുന്നിൽ നിർത്തിക്കൊണ്ടായിരിക്കും പുതിയ മുഖംമൂടിയണിഞ്ഞ് പോപ്പുലർ ഫ്രണ്ട് എത്തുക. പോപ്പുലർ ഫ്രണ്ടിന്റെ ദേശീയ, സംസ്ഥാന നേതാക്കളും രണ്ടാം നിര നേതാക്കളുമെല്ലാം ജയിലിലാണ്. ഓഫീസുകൾ മുദ്ര വയ്ക്കുകയും ചെയ്യുന്നു. ഇതിനിടയിലും മുൻകൂട്ടി ആസൂത്രണം ചെയ്ത പുതിയ സംഘടനയുടെ രൂപീകരണ നടപടികൾ പുരോഗമിക്കുകയാണ്. ഇപ്പോഴുള്ള […]

ഇടയ്ക്ക് മോഡലിംഗും ചെയ്യാറുള്ള അഹാന വെറൈറ്റി ആയിട്ടുള്ള ഫോട്ടോഷൂട്ടുകളും നടത്താറുണ്ട്. ഇപ്പോഴിതാ പാടത്ത് പാറിനടക്കുന്ന ഒരു പറവയെ പോലെ തോന്നിപ്പിക്കുന്ന രീതിയിലുള്ള ഒരു മനോഹരമായ ഷൂട്ട് നടത്തിയിരിക്കുകയാണ് അഹാന. ജിക്സൺ ഫ്രാൻസിസ് എന്ന ഫോട്ടോഗ്രാഫറാണ് ചിത്രങ്ങൾ എടുത്തത്. ലൈഫ് ഓഫ് കളേഴ്സിന്റെ തൂവെള്ള നിറത്തിലെ ഔട്ട്ഫിറ്റാണ് അഹാന ധരിച്ചത്. സാംസൺ ലെയാണ് മേക്കപ്പ്. ടോവിനോ തോമസിന്റെ നായികയായി ലുക്കാ എന്ന ചിത്രത്തിൽ അഭിനയിച്ച അഹാന മലയാളത്തിൽ ഒരുപാട് ആരാധകരുള്ള ഒരു യുവനടിയായി മാറുകയും ചെയ്തു. നിഹാരിക ബാനർജി […]

കുവൈറ്റ്: കുവൈറ്റ് പ്രവാസമവസാനിപ്പിച്ചു നാട്ടിലേക്ക് പോകുന്ന ഫോക്കസ് കുവൈറ്റ് അഡ്ഹോക്ക് കമ്മറ്റി അംഗവും യൂണിറ്റ് മൂന്നിലെ സജീവ അംഗവുമായ കെ. ഇ.ഒ. കൺസൾട്ടന്റിലെ സീനിയർ ഡ്രാഫ്റ്റ്സ്മാനുമായ മാഹി സ്വദേശി സതീഷ് കുമാറിന് ഫോക്കസ് കുവൈറ്റ് യാത്രയയപ്പ് നൽകി. യൂണിറ്റ് കൺവീനർ എബ്രഹമിന്റെ അദ്ധ്യക്ഷതയിൽ കൂടിയ യോഗത്തിൽ പ്രസിഡന്റ് സലിം രാജ്, ജനറൽ സെക്രട്ടറി ഡാനിയേൽ തോമസ്, മുതിർന്ന അംഗം രതീഷ് കുമാർ , രവീന്ദ്രൻ എന്നിവർ ആശംസകളർപ്പിച്ചു. എക്സ്ക്യൂട്ടീവ് അംഗം സാബു തോമസ് സ്വാഗതവും, ജോ: കൺവീനർ […]

ഒന്നിച്ചു നിന്നാല്‍ കേരളം ആര് ഭരിക്കണമെന്ന് ഈഴവ സമുദായത്തിന് തീരുമാനിക്കാനാകുമെന്ന് എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍. ഏത് സര്‍ക്കാര്‍ വന്നാലും ഈഴവരോട് അവഗണനയാണെന്നും വോട്ട് ബാങ്കായവര്‍ക്ക് പണം വാരിക്കോരികൊടുക്കാന്‍ രാഷ്ട്രീയട്രീയ നേതൃത്വം തയ്യാറാകുന്നെന്നും വെളളാപ്പളളി കുറ്റപ്പെടുത്തി. മതം പറയുന്നവര്‍ മതേതരത്വത്തില്‍ ഊന്നിനില്‍ക്കുന്ന എസ്എന്‍ഡിപിയെക്കാള്‍ മുകളില്‍ എത്തുന്നു. ഭരണം നിലനിര്‍ത്തുന്നതിനായി ആദര്‍ശം മാറ്റിവെച്ച് ഇടതുപക്ഷം സംഘടിത മതശക്തികളെ പിന്തുണയ്ക്കുകയാണ്. തിരഞ്ഞെടുപ്പ് വരുമ്പോള്‍ ജനറല്‍ സീറ്റില്‍ മുസ്ലീം അല്ലാത്ത ഒരാളെ മത്സരിപ്പിക്കാന്‍ ലീഗ് തയ്യാറാകുന്നില്ല. എന്നാല്‍ ലീഗ് […]

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യയെ നിരോധിച്ച കേന്ദ്ര ഉത്തരവിന്‍റെ അടിസ്ഥാനത്തിൽ തുടർ നടപടിക്കുള്ള സംസ്ഥാന സർക്കാർ ഉത്തരവിറക്കി. യുഎപിഎ നിയമനുസരിച്ച് തുടർ നടപടി സ്വീകരിക്കാൻ എസ്പിമാർക്കും ജില്ലാ കളക്ടർമാർക്കും അധികാരം നൽകി കൊണ്ടാണ് ഉത്തരവ്. ആഭ്യന്തര സെക്രട്ടറിയാണ് ഉത്തരവിറക്കിയത്. ഡിജിപി വിശദമായ സർക്കുലർ പുറത്തിറക്കും. പിഎഫ്ഐ ഓഫീസുകള്‍ സീല്‍ ചെയ്യുന്നതുള്‍പ്പടെയുള്ള നടപടികള്‍ ഇന്ന് തുടങ്ങും. അതേസമയം, പോപ്പുലർ ഫ്രണ്ടിന്റെ നിരോധന സാഹചര്യത്തിൽ സംസ്ഥാനങ്ങളിൽ ഏർപ്പെടുത്തിയ സുരക്ഷ തുടരും. പോപ്പുലർ ഫ്രണ്ടിന്റെ ഓഫീസുകൾ അടക്കമുള്ള മേഖലകളിൽ നിരീക്ഷണം തുടരും. […]

error: Content is protected !!