25
Tuesday January 2022
കേരളം

പിണറായി-കോടിയേരി കൂട്ടുകെട്ടുപോലെയെന്നു പറയാവുന്ന ഒരു കൂട്ടുകെട്ടാണ് കോണ്‍ഗ്രസിലെ എ.കെ. ആന്‍റണി-ഉമ്മന്‍ ചാണ്ടി കൂട്ടുകെട്ട്‌; അവര്‍ ഒന്നിച്ചുനിന്ന് കരുണാകരനെ എതിര്‍ത്തു, ഒടുവില്‍ മറിച്ചിട്ടു; പിണറായി വിജയനും കോടിയേരി ബാലകൃഷ്ണനും ഒറ്റകൈ ആയി നില്‍ക്കുന്നത് ഭരണ തുടര്‍ച്ചയ്ക്കു വഴിയൊരുക്കി; കോടിയേരിയുടെ തിരിച്ചുവരവില്‍ ഒരു വലിയ രാഷ്ട്രീയമുണ്ട്, കോണ്‍ഗ്രസുകാര്‍ പഠിക്കേണ്ട വലിയ പാഠങ്ങളും ഇതിലുണ്ട്-അള്ളും മുള്ളും പങ്തിയില്‍ ജേക്കബ് ജോര്‍ജ്

ജേക്കബ് ജോര്‍ജ്
Saturday, December 4, 2021

പിണറായി വിജയനും കോടിയേരി ബാലകൃഷ്ണനും. ഒരാള്‍ കേരളത്തിലെ ഇടതുപക്ഷ സര്‍ക്കാരിന്‍റെ മുഖ്യമന്ത്രി, മറ്റേയാള്‍ സി.പി.എം സംസ്ഥാന സെക്രട്ടറി. അസുഖത്തെ തുടര്‍ന്ന് ഒരു വര്‍ഷത്തോളം ചുമതലയില്‍ നിന്നും മാറി നിന്നിരുന്ന കോടിയേരി പാര്‍ട്ടി സെക്രട്ടറി സ്ഥാനത്തേയ്ക്കു മടങ്ങിവന്നതിനേപ്പറ്റി ‘മാതൃഭൂമി ന്യൂസ് ‘ വെള്ളിയാഴ്ച (ഡിസംബര്‍ 3, 2021) രാത്രി എട്ടു മണിക്കു നടത്തിയ ‘സൂപ്പര്‍ പ്രൈം ടൈം’ ചര്‍ച്ച മുഖ്യമന്ത്രി പിണറായി വിജയനും പാര്‍ട്ടി സെക്രട്ടറി കോടിയേരി ബാലകൃഷ്ണനും തമ്മിലുള്ള ബന്ധത്തിലേയ്ക്ക് കടന്നു ചെല്ലുന്നതായിരുന്നു. സൂഷ്മമായ നിരീക്ഷണത്തിലൂടെ എന്‍.എം പിയേഴ്സണ്‍ ഈ ബന്ധത്തിന് ജനാധിപത്യപരമായൊരു കാഴ്ചപ്പാട് അവതരിപ്പിച്ചു.

‘വീക്ഷണം’ ദിനപത്രത്തിന്‍റെ മുന്‍ റസിഡന്‍റ് എഡിറ്റര്‍ എന്‍. ശ്രീകുമാറാണ് പിണറായിക്ക് ഒരു മേലധികാരിയുടെ പ്രതിഛായ ചാര്‍ത്തിക്കൊടുത്തത്. മുന്‍ സര്‍ക്കാരിന്‍റെ കാലത്ത് ഒരു ഔദ്യോഗിക ചടങ്ങില്‍ മാധ്യമപ്രവര്‍ത്തകരോട് ‘കടക്കൂ പൂറത്ത് ‘ എന്ന് ആക്രോശിച്ച പിണറായിയുടെ രൗദ്ര മുഖവും തൊട്ടടുത്ത് ഓഛാനിച്ചുനിന്ന കോടിയേരിയുടെയും മുഖഭാവവും വിവരിക്കുകയും ചെയ്തു ശ്രീകുമാര്‍.

ശ്രീകുമാര്‍ ഉന്നയിച്ച പ്രധാന ആക്ഷേപം തിരുവല്ലയ്ക്കടുത്ത് പെരിങ്ങര സി.പി.എം ലോക്കല്‍ കമ്മിറ്റി സെക്രട്ടറി സന്ദീപിനെ ബി.ജെ.പിക്കാര്‍ കൊലപ്പെടുത്തിയിട്ട് പാര്‍ട്ടിയുടെ നിലപാടല്ല മുഖ്യമന്ത്രി സ്വീകരിച്ചതെന്നായിരുന്നു. കൊലപാതകത്തിനു പിന്നില്‍ ബി.ജെ.പി – ആര്‍.എസ്.എസ് സംഘമാണെന്ന് ഉറപ്പിച്ചു പറയാന്‍ കോടിയേരി തയ്യാറായപ്പോള്‍ പിണറായി അതിനു ശ്രമിച്ചില്ലെന്നു ചൂണ്ടിക്കാട്ടിയ ശ്രീകുമാര്‍ മുഖ്യമന്ത്രി പാര്‍ട്ടിക്കും പാര്‍ട്ടി സെക്രട്ടറിക്കും അതീതനാണെന്നു പറഞ്ഞുവെയ്ക്കുകയായിരുന്നു.

സര്‍ക്കാരും സംഘടനയും വേറേ വേറെയാണെന്നു പറഞ്ഞ് പിയേഴ്സണ്‍ എതിര്‍ത്തു. “മുഖ്യമന്ത്രി കേരളത്തിലെ എല്ലാ വിഭാഗം ജനങ്ങളുടെയും മുഖ്യമന്ത്രിയാണ്. പാര്‍ട്ടി സെക്രട്ടറി സംഘടനയുടെ നേതാവാണ്. ഈ വ്യത്യാസം ഇവരുടെ സംസാരത്തിലും ഇടപെടലിലും ഉണ്ടാവണം. പിണറായി സംസാരിച്ചത് ഒരു മുഖ്യമന്ത്രിയെന്ന നിലയ്ക്കാണ്”, പിയേഴ്സണ്‍ വിശദീകരിച്ചു.

വെള്ളിയാഴ്ചത്തെ പതിവ് സെക്രട്ടേറിയറ്റ് യോഗത്തിലാണ് സി.പി.എം നേതൃത്വം കോടിയേരി ബാലകൃഷ്ണനെ വിണ്ടും പാര്‍ട്ടി സെക്രട്ടറിയായി നിയോഗിച്ചത്. ഉച്ചയോടെ ‘മാതൃഭൂമി’യിലെ ഹാഷിമിന്‍റെ ഫോണ്‍. വൈകിട്ടത്തെ ചര്‍ച്ചയ്ക്കുള്ള ക്ഷണമാണ്. സന്ദീപിന്‍റെ കൊലപാതകം സംസ്ഥാനത്തൊട്ടാകെ സി.പി.എം പ്രവര്‍ത്തകരെയും നേതാക്കളെയും മുറിവേല്‍പ്പിച്ച ദിവസം. ചില പ്രമുഖ ചാനലുകളില്‍ അതുതന്നെയായിരുന്നു ചര്‍ച്ചാ വിഷയം.

‘മാതൃഭൂമി’യില്‍ ഇതേച്ചൊല്ലി പ്രതിഷേധിച്ചുകൊണ്ടായിരുന്നു ചര്‍ച്ചയില്‍ പങ്കെടുത്ത ലാല്‍കുമാറിന്‍റെ തുടക്കം. സി.പി.എമ്മിന്‍റെ ഒരു യുവ നേതാവിനെ ആര്‍.എസ്.എസുകാര്‍ അരുംകൊല ചെയ്ത ദിവസം അതു ചര്‍ച്ചയെക്കെടുക്കാതിരുന്നത് ഒട്ടും ഭംഗിയായില്ലെന്നുതന്നെ ലാല്‍കുമാര്‍ അരിശത്തോടെ പറഞ്ഞു. മുഖ്യമന്ത്രിയുടെ ‘കടക്കൂ പുറത്ത് ‘ പ്രയോഗവും അദ്ദേഹത്തിനിഷ്ടപ്പെട്ടില്ല. “മുഖ്യമന്ത്രി പങ്കെടുത്ത ആ ചടങ്ങില്‍ മാധ്യമ പ്രവര്‍ത്തകര്‍ക്കു ക്ഷണമുണ്ടായിരുന്നില്ല. മാധ്യമ പ്രവര്‍ത്തകര്‍ അറിയേണ്ടാത്ത ചടങ്ങുകളില്‍ അവര്‍ കടക്കേണ്ടതില്ല”, ലാല്‍കുമാര്‍ അഭിപ്രായപ്പെട്ടു.

പക്ഷെ ഹാഷിം പ്രതികരണവുമായി ഇടപെട്ടു. മുഖ്യമന്ത്രി പങ്കെടുക്കുന്ന ചടങ്ങ് എങ്ങനെ സ്വകാര്യ ചടങ്ങാവുമെന്നായിരുന്നു ഹാഷിമിന്‍റെ ചോദ്യം. പ്രതികരിക്കാന്‍ എന്നെ ക്ഷണിക്കുകയും ചെയ്തു ഹാഷിം.

ക്ഷണിക്കപ്പെടാതെ മാധ്യമപ്രവര്‍ത്തകര്‍. എങ്ങും പോകരുതെന്ന ലാല്‍കുമാറിന്‍റെ അഭിപ്രായത്തോടു യോജിക്കാന്‍ എനിക്കായില്ല. ദീര്‍ഘകാലം കേരള പത്രപ്രവര്‍ത്തക യൂണിയന്‍ പ്രവര്‍ത്തകനും ഭാരവാഹിയുമൊക്കെയായിരുന്നിട്ടുള്ള എനിക്ക് ലാല്‍കുമാറിനെ എതിര്‍ക്കാതെ തരമില്ലായിരുന്നു.

മാധ്യമ പ്രവര്‍ത്തകരെ ക്ഷണിച്ചുവരുത്തി കൊടുക്കേണ്ട ഒന്നല്ല വാര്‍ത്ത എന്ന കാര്യം ലാല്‍കുമാറിനറിയില്ലായിരിക്കാം. വാര്‍ത്ത കിട്ടാന്‍ മോഷണം നടത്തിയാലും കുഴപ്പമില്ലെന്നായി ഞാന്‍. “വാര്‍ത്ത വേണമെങ്കില്‍ മോഷ്ടിച്ചും കൈക്കലാക്കാം. പത്രപ്രവര്‍ത്തകനെന്ന നിലയ്ക്ക് ഞാന്‍ എത്രയോ തവണ വാര്‍ത്ത മോഷ്ടിച്ചിട്ടുണ്ട്. സെക്രട്ടേറിയറ്റില്‍ നിന്നു ചോര്‍ത്തിയിട്ടുണ്ട്. ഉദ്യോഗസ്ഥര്‍ രഹസ്യമായി വിവരങ്ങള്‍ തന്നിട്ടുണ്ട്. ഇവിടെയൊന്നും ക്ഷണം എന്ന വാക്കിനു പ്രസക്തിയില്ല”, ഞാന്‍ വിശദീകരിച്ചു.

ഹാഷിം കോടിയേരി വിഷയം ചര്‍ച്ചയ്ക്കെടുത്തതിനെ ഞാന്‍ ന്യായീകരിച്ചു. തിരുവല്ലയില്‍ സി.പി.എം യുവ നേതാവു കൊല്ലപ്പെട്ടതില്‍ ലാല്‍കുമാര്‍ അനുഭവിക്കുന്ന വേദന ഉള്‍ക്കൊണ്ടു തന്നെ.

ഇന്നത്തെ ദിവസം കൊടിയേരിയുടേതാണെന്ന് ഞാന്‍ വ്യക്തമായി പറഞ്ഞു. അതിനു കാരണങ്ങളും നിരത്തി. “അസുഖം കടുത്തപ്പോഴാണ് കോടിയേരി സെക്രട്ടറി സ്ഥാനത്തുനിന്നും വിട്ടുനിന്നത്. അപ്പോഴും നിര്‍ണായക തീരുമാനങ്ങളെടുക്കുമ്പോള്‍ നേതൃത്വത്തില്‍ കോടിയേരിയുടെ സാന്നിദ്ധ്യമുണ്ടായിരുന്നു. പഞ്ചായത്ത് തെരഞ്ഞെടുപ്പിലും നിയമസഭാ തെരഞ്ഞെടുപ്പിലും സ്ഥാനാര്‍ത്ഥി നിര്‍ണയം തൊട്ടുള്ള കാര്യങ്ങളില്‍ കോടിയേരി ശക്തമായി ഇടപെട്ടിരുന്നു. രണ്ടിലും പാര്‍ട്ടി വലിയ നേട്ടം നേടി. സംസ്ഥാനത്ത് പാര്‍ട്ടിക്കു ഭരണത്തുടര്‍ച്ച സമ്മാനിച്ച നേതാവാണു കോടിയേരിയെന്നോര്‍ക്കണം”, ഞാന്‍ പറഞ്ഞുവച്ചു.

എന്‍റെ ‘മാതൃഭൂമി’ക്കാലവും ഞാന്‍ വിവരിച്ചു. എണ്‍പതുകളില്‍ ടി. വേണുഗോപാലന്‍ ആയിരുന്നു തിരുവനന്തപുരത്ത് ഞങ്ങളുടെ ന്യൂസ് എഡിറ്റര്‍. സംഭവങ്ങളും വാര്‍ത്തകളും പത്രത്താളുകളില്‍ വലിയ ഉത്സവമാക്കിയിരുന്ന വലിയ പത്രപ്രവര്‍ത്തകനായിരുന്നു ഞങ്ങളുടെ വേണുവേട്ടന്‍. ടി.എന്‍ ഗോപകുമാര്‍, എം.ജി രാധാകൃഷ്ണന്‍, സണ്ണിക്കുട്ടി എബ്രഹാം, ജ്യോതിര്‍ഘോഷ്, ടി. ശശിമോഹന്‍ എന്നിങ്ങനെ ഒരു പ്രമുഖ യുവ നിരയെ പരിശീലിപ്പിച്ചു വളര്‍ത്തിയെടുത്ത വലിയ ഗുരു.

അന്ന് വേണുവേട്ടന്‍റെ രീതിയിലും ഞാന്‍ വിവരിച്ചു. “സി.ഐ.ടി.യുവിന്‍റെ ഒരു വലിയ സമ്മേളനമാണെങ്കില്‍ ‘മാതൃഭൂമി’യുടെ ഒന്നാം പേജില്‍ ചുവപ്പിന്‍റെ പ്രളയമാകും. ഒരു ചുവപ്പന്‍ പത്രം. ബി.ജെ.പിയുടെ ഒരു മഹാ സംഭവമാണെങ്കില്‍ ഇന്നൊരു കാവിപ്പത്രമാകട്ടെ എന്നു പറഞ്ഞ് വേണുവേട്ടന്‍ ഉഷാറാകും. ഇന്നു കോടിയേരിയുടെ തിരിച്ചുവരവിന്‍റെ ദിവസമാണ്. ഹാഷിം അതൊരാഘാഷമാക്കിയെന്നു മാത്രം”, ഞാന്‍ അഭിപ്രായപ്പെട്ടു.

എങ്കിലും ശ്രീകുമാറിന് സങ്കടം. കോടിയേരി പിണറായിക്ക് അടിപ്പെട്ടുതന്നെ കഴിയുന്നതില്‍. പിണറായി-കോടിയേരി കൂട്ടുകെട്ട് ഒരു വിന്നിങ്ങ് കോംബിനേഷനാണെന്ന് എന്‍റെ അഭിപ്രായം. പിയേഴ്സണും ഇതേ അഭിപ്രായമാണു ചൂണ്ടിക്കാട്ടിയത്.

കോണ്‍ഗ്രസിലെ കാര്യവും ഞാന്‍ വിശദീകരിച്ചു. “കെ. കരുണാകരന്‍ മുഖ്യമന്ത്രിയായിരുന്നപ്പോള്‍ എ.കെ. ആന്‍റണി ഒരിക്കല്‍പോലും സ്വൈര്യം കൊടുത്തിട്ടില്ലെന്ന കാര്യം ഞാന്‍ ചൂണ്ടിക്കാട്ടി. ഉമ്മന്‍ ചാണ്ടി മുഖ്യമന്ത്രിയായപ്പോള്‍ വി.എം. സുധീരനെ കെ.പി.സി.സി അധ്യക്ഷനായി ഹൈക്കമാന്‍റ് നിയമിച്ചു. സുധിരനും പ്രതിപക്ഷ നേതാവിനെപ്പോലെയാണ് നീങ്ങിയത്. സര്‍ക്കാര്‍ തകരുകയും ചെയ്തു. 1960 -ലെ കോണ്‍ഗ്രസ് സര്‍ക്കാരിന്‍റെ കാലത്തും ഇതുപോലെ പ്രശ്നങ്ങളുണ്ടായി. ഗവണ്‍മെന്‍റ് തകരുകയും ചെയ്തു,” ഞാന്‍ വിശദീകരിച്ചു.

പിണറായി-കോടിയേരി കൂട്ടുകെട്ടുപോലെയെന്നു പറയാവുന്ന ഒരു കൂട്ടുകെട്ടാണ് കോണ്‍ഗ്രസിലെ എ.കെ. ആന്‍റണി-ഉമ്മന്‍ ചാണ്ടി കൂട്ടുകെട്ടെന്നു ഞാന്‍ ചൂണ്ടിക്കാട്ടി. രണ്ടുപേരും ആന്‍റണി പക്ഷത്തായിരുന്നു. അവര്‍ ഒന്നിച്ചുനിന്ന് കരുണാകരനെ എതിര്‍ത്തു. ഒടുവില്‍ മറിച്ചിട്ടു.

പിണറായി വിജയനും കോടിയേരി ബാലകൃഷ്ണനും ഒറ്റകൈ ആയി നില്‍ക്കുന്നത് ഭരണ തുടര്‍ച്ചയ്ക്കു വഴിയൊരുക്കി. കോടിയേരിയുടെ തിരിച്ചുവരവില്‍ ഒരു വലിയ രാഷ്ട്രീയമുണ്ട്. കോണ്‍ഗ്രസുകാര്‍ പഠിക്കേണ്ട വലിയ പാഠങ്ങളും ഇതിലുണ്ട്.

More News

ഡൽഹി: തലസ്ഥാനമായ ഡൽഹിയുടെ എക്സൈസ് നയം ഏറെ നാളായി ചർച്ചയിലാണ്. എല്ലാ വാർഡുകളിലും മദ്യശാലകൾ തുറക്കുന്നതിനെതിരെ നേരത്തെ എതിർപ്പുണ്ടായിരുന്നു. ഇപ്പോഴിതാ ഈ നയത്തിന്റെ പുതിയ ചട്ടം വന്നിരിക്കുന്നു. ഡൽഹിയിലെ മദ്യപാനികൾക്ക് ഇതൊരു സന്തോഷവാർത്തയായിരിക്കുമെങ്കിലും രാഷ്ട്രീയ പാർട്ടികൾ പ്രതിഷേധവുമായി രംഗത്തെത്തിയിട്ടുണ്ട്. യഥാർത്ഥത്തിൽ, ഡൽഹി സർക്കാർ അതിന്റെ പുതിയ എക്സൈസ് നയത്തിന് കീഴിൽ ഡ്രൈ ഡേകളുടെ എണ്ണം കുറച്ചു. നേരത്തെ, സംസ്ഥാനത്ത് ഒരു വർഷത്തിൽ 21 ഡ്രൈ ഡേകൾ ഉണ്ടായിരുന്നു. അതായത്, ഇത്രയും ദിവസം മദ്യശാലകൾ അടഞ്ഞുകിടന്നു. എന്നാൽ ഇപ്പോൾ […]

ലഖ്‌നൗ: ഉത്തർപ്രദേശിലെ നിരാലംബരായ മൃഗങ്ങളെ അഭയകേന്ദ്രത്തിലെത്തിക്കണമെന്ന കര്‍ശന നിര്‍ദേശവുമായി യോഗി സര്‍ക്കാര്‍. അടുത്തയാഴ്ച മുതൽ എല്ലാ ജില്ലകളിലും ഇത് പരിശോധിക്കും. ചീഫ് ഡെവലപ്‌മെന്റ് ഓഫീസർ (സിഡിഒ), ചീഫ് വെറ്ററിനറി ഓഫീസർ (സിവിഒ), ജില്ലാ പഞ്ചായത്ത് രാജ് ഓഫീസർ (ഡിപിആർഒ) എന്നിവരെ ഇക്കാര്യം സംബന്ധിച്ച്‌ ചുമതലപ്പെടുത്തിയിട്ടുണ്ട്. ആരോഗ്യ സൗകര്യങ്ങളുടെ അഭാവം മൂലം മൃഗങ്ങൾ ചത്താൽ ജില്ലയിലെ സി.വി.ഒ.യും ഡെപ്യൂട്ടി സി.വി.ഒ.യും ഉത്തരവാദിയായിരിക്കുമെന്നും ചീഫ് സെക്രട്ടറി ദുർഗാശങ്കർ മിശ്ര ഉത്തരവിട്ടിട്ടുണ്ട്. പുതുവർഷത്തിൽ നിരാലംബരായ മൃഗങ്ങളെ അഭയകേന്ദ്രത്തിലെത്തിക്കുമെന്ന പ്രചാരണം ചീഫ് സെക്രട്ടറി […]

മുണ്ടൂർ: പാലക്കാട് ജില്ലയുടെ വന മേഖലയിൽ നിത്യേന പുലികളുടെ സാന്നിധ്യം. കല്ലടിക്കോട് പറക്കലടിയിൽ ഇന്ന് പുലർച്ചെ ചത്ത നിലയിൽ കാണപ്പെട്ട പുലിക്കുട്ടിയുടെ ജഡം വനപാലകർ കല്ലടിക്കോട് മേലേ പയ്യേനിയിലുള്ള ഫോറസ്റ്റ് ഓഫീസിൽ എത്തിച്ചു. മലയിലേക്കുള്ള വഴിമധ്യേ പറക്കലടി പ്രദേശത്ത് സ്വകാര്യ വ്യക്തിയുടെ തോട്ടത്തിൽ നാട്ടുകാരാണ് പുലിയെ ചത്ത നിലയിൽ കണ്ടത്. പിന്നീട് റേഞ്ച് ഓഫിസിലെത്തിച്ച് വനപാലകരുടെ നിരീക്ഷണത്തിലാക്കി. ഭക്ഷണം കിട്ടാതെ അവശ നിലയിലായതാണ് മരണ കാരണം എന്നറിയുന്നു. പോസ്റ്റ്മോർട്ടത്തിനു ശേഷം ജഡം പ്രോട്ടോക്കോൾ പ്രകാരം ദഹിപ്പിച്ചേക്കും. ഒലവക്കോട് ഉമ്മിനിയിൽ […]

മണ്ണാർക്കാട്: പ്രണവ്‌ മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്ത ‘ഹൃദയം’ പ്രേക്ഷക ഹൃദയം കീഴടക്കുന്നു. വീടു വിട്ടു പഠിക്കാനായി പോകുന്നവരുടെ ഹൃദയമാണിത്. പഴയ കാലത്തിന്റെ ഓർമകളും, വേദനകളും,സന്തോഷവും, കണ്ണീരും, കളിചിരികളുമെല്ലാം ഹൃദയത്തിൽ സൂക്ഷിക്കുന്ന ഓരോരുത്തരുടെയും ഹൃദയമാണ്. ഒരിക്കലെങ്കിലും പ്രണയിച്ചിട്ടുള്ള,പ്രണയം നഷ്ടപ്പെട്ടിട്ടുള്ള,വീണ്ടും പ്രണയിച്ചിട്ടുള്ള എല്ലാവരുടെയും ഹൃദയമാണ്. ആരും നഷ്ടപ്പെടുത്തേണ്ടാത്ത,ആർക്കും നഷ്ടപ്പെടേണ്ടാത്ത,നഷ്ടപ്പെട്ടാലും തിരിച്ചു കിട്ടണമെന്ന് തോന്നുന്ന ഹൃദയമാണ്. എല്ലാ മേഖലയിലും സിനിമ മികച്ചു നിന്നുവെന്നാണ് ചിത്രം കണ്ട യുവജനങ്ങളുടെ പ്രതികരണം. ഹൃദയം സിനിമയുടെ പ്രധാന ആകർഷണം ചിത്രത്തിലെ ഗാനങ്ങൾ […]

ഡല്‍ഹി: റിപ്പബ്ലിക് ദിനം ഇന്ത്യൻ പൗരന്മാർക്ക് അഭിമാനത്തിന്റെ ദിനമാണ്. വരാനിരിക്കുന്ന തലമുറകളുടെ സ്വതന്ത്രമായ ഭാവിക്ക് വേണ്ടി ജീവൻ ബലിയർപ്പിച്ച മഹത്തായ സ്വാതന്ത്ര്യ സമര സേനാനികളുടെയും നേതാക്കളുടെയും ത്യാഗങ്ങളെ സ്മരിക്കുന്ന ദിനമാണിത്. അത്തരം ത്യാഗങ്ങളിൽ നാം അഭിമാനിക്കുകയും നമ്മുടെ സ്വാതന്ത്ര്യം ശരിയായി ഉപയോഗിക്കുകയും വേണം. കാരണം സ്വാതന്ത്ര്യം ഒരിക്കലും നൽകില്ല, അത് എടുക്കപ്പെടുന്നു. ഈ റിപ്പബ്ലിക് ദിനത്തിൽ വാട്‌സ്ആപ്പിലും ഫെയ്‌സ്ബുക്കിലും ഇത്തരം സന്ദേശങ്ങൾ അയച്ചുകൊണ്ട് നിങ്ങളുടെ സുഹൃത്തുക്കളെയും കുടുംബാംഗങ്ങളെയും അഭിനന്ദിക്കാം. 1. നമ്മുടെ രാജ്യം ലോകത്തിലെ ഏറ്റവും മഹത്തായ […]

കൊച്ചി: വാദ്ധ്വാനി ഫൗണ്ടേഷനും ദേശീയ സംരംഭക നെറ്റ്‌വർക്കും (എന്‍ഇഎന്‍) വാദ്ധ്വാനി ടേക്ക്ഓഫ് പരിപാടി പ്രഖ്യാപിച്ചു. തിരഞ്ഞെടുക്കപ്പെടുന്ന സ്റ്റാര്‍ട്ടപ്പുകള്‍ക്കും സംരംഭകര്‍ക്കും ആഗോള സാങ്കേതിക നവീകരണത്തിന്റെയും സംരംഭകത്വത്തിന്റെയും കേന്ദ്രമായ സിലിക്കണ്‍ വാലിയിലേയ്ക്ക് സൗജന്യ യാത്ര ഒരുക്കുന്ന പരിപാടിയാണ് വാദ്ധ്വാനി ടേക്ക്ഓഫ്. ആഗോള സംരംഭകരുമായുള്ള നെറ്റ്വര്‍ക്കിംഗ് എക്സ്പോഷര്‍, ബിസിനസ് ലീഡേഴ്‌സിന്റെയും സംംരംഭകരുടെയും മെന്റര്‍ഷിപ്പ്, നിക്ഷേപകര്‍ക്കുമുമ്പില്‍ ആശയങ്ങള്‍ അവതരിപ്പിക്കുന്നതിനുള്ള സുവര്‍ണ്ണാവസരം എന്നിവയിലൂടെ സിലിക്കണ്‍ വാലിയിലെ പ്രസിദ്ധമായ സംരംഭകത്വ വ്യവസ്ഥയെ അടുത്തറിയാന്‍ തിരഞ്ഞെടുക്കപ്പെട്ടവര്‍ക്ക് വാദ്ധ്വാനി ടേക്ക്ഓഫ് പ്രോഗ്രാം അവസരം നല്‍കുന്നു. ഇന്ത്യന്‍ സ്റ്റാര്‍ട്ടപ്പ് ഇക്കോസിസ്റ്റം […]

കാമറൂണ്‍:  കാമറൂണിൽ ഫുട്ബോൾ മത്സരത്തിനിടെയുണ്ടായ തിക്കിലും തിരക്കിലും പെട്ട് നിരവധി പേർ മരിക്കുകയും പരിക്കേൽക്കുകയും ചെയ്തതായി റിപ്പോർട്ടുണ്ട്. ആഫ്രിക്ക കപ്പ് ഓഫ് നേഷൻസ് ഫുട്ബോൾ ടൂർണമെന്റിനിടെയാണ് സംഭവം. സ്‌റ്റേഡിയത്തിന് പുറത്തുള്ള പ്രവേശന കവാടത്തിൽ പെട്ടെന്ന് തിക്കിലും തിരക്കും ഉണ്ടായതായാണ് ഏറ്റവും പുതിയ വിവരം. ഈ അപകടത്തിൽ ഇതുവരെ 6 പേർ മരിച്ചു. അതേ സമയം അപകടത്തിൽ 40ലധികം പേർക്ക് പരിക്കേറ്റിട്ടുണ്ടെന്നാണ് വിവരം. BREAKING: Number of footballsupporters feared dead afterstampede during AFCON match pic.twitter.com/2VD6n58xJ1 […]

ആലപ്പുഴ: പ്രാതിനിധ്യ വോട്ടവകാശം ഹൈക്കോടതി റദ്ദാക്കിയ സാഹചര്യത്തില്‍ എസ്എന്‍ഡിപി യോഗം തെരഞ്ഞെടുപ്പും പൊതുയോഗവും മാറ്റിവെച്ചു. അടുത്ത മാസം അഞ്ചിന് നടത്താനിരുന്ന തിരഞ്ഞെടുപ്പ് ഇനി ഒരു അറിയിപ്പുണ്ടാകുന്നത് വരെ മാറ്റി വെച്ചതായി ചീഫ് റിട്ടേണിംഗ് ഓഫീസര്‍ ബി.ജി.ഹരീന്ദ്രനാഥ് അറിയിച്ചു. എസ് എന്‍ ഡി പി യോഗം തെരഞ്ഞെടുപ്പില്‍ പ്രാതിനിധ്യ വോട്ടവകാശം ഹൈക്കോടതി റദ്ദാക്കിയതോടെ മുഴുവന്‍ സ്ഥിരാംഗങ്ങള്‍ക്കും പുതിയ ഭരണ സമിതിയെ തെരഞ്ഞെടുക്കാന്‍ ഇനി മുതല്‍ വോട്ടുചെയ്യാം. നിലവില്‍ ഇരുനൂറ് അംഗങ്ങള്‍ക്ക് ഒരാളെന്ന നിലയ്ക്കായിരുന്നു പ്രാതിനിധ്യവോട്ടവകാശമുള്ളത്. ഒരു ശാഖയില്‍ 600 […]

വാരാണസി: നിയമസഭാ തിരഞ്ഞെടുപ്പ്‌ കണക്കിലെടുത്ത് കന്റോൺമെന്റ് ഏരിയയിലെ ഹോട്ടൽ ഡി പാരീസിൽ ബിജെപിയുടെ മീഡിയ സെന്റർ നിർമ്മിക്കുന്നു. മീഡിയ സെന്ററിന്റെ ഒരുക്കങ്ങൾ ഇപ്പോൾ അവസാന ഘട്ടത്തിലാണ്, അത്യാധുനിക സൗകര്യങ്ങളുള്ള ഈ മീഡിയ സെന്ററിൽ ഒരു സ്റ്റുഡിയോയും നിർമ്മിക്കുന്നു. തിങ്കളാഴ്ച ബിജെപി കാശി മേഖലാ പ്രസിഡന്റ് മഹേഷ് ചന്ദ് ശ്രീവാസ്തവ, ദേശീയ വക്താവ് കെകെ ശർമ എന്നിവർ മീഡിയ സെന്റർ പരിശോധിച്ച് പാർട്ടി പ്രവർത്തകരുമായി കൂടിക്കാഴ്ച നടത്തി. കൊറോണ കാരണം എല്ലാ നിയന്ത്രണങ്ങൾക്കും നടുവിലാണ് ഇത്തവണ നിയമസഭാ തിരഞ്ഞെടുപ്പ് […]

error: Content is protected !!