ഇലക്ട്രിക് വാഹന മോഡലുകൾക്ക് ആകർഷകമായ കിഴിവുകളുമായി ടാറ്റ മോട്ടോഴ്‌സ്

ടാറ്റ മോട്ടോഴ്‌സ്, രാജ്യത്തെ ഇലക്ട്രിക് വാഹന മോഡലുകളുടെ ശ്രേണിയിലെ വൈവിധ്യമാർന്ന വാഹനങ്ങൾക്ക് ആകർഷകമായ കിഴിവുകൾ നൽകി തരംഗമാകുന്നു. 2023-ൽ ഉൽപ്പാദിപ്പിക്കപ്പെട്ട കാറുകൾക്കാണ് കിഴിവുകൾ പ്രധാനമായും ലഭ്യമാകുന്നത്. നെക്സോൺ ഇവി, ടിയാഗോ ഇവി എന്നിവയുടെ ചില പുതിയ 2024 മോഡലുകളും കിഴിവുകളോടെ വാഗ്ദാനം ചെയ്യുന്നു.

പുതുതായി ലോഞ്ച് ചെയ്‍ത ടാറ്റ പഞ്ച് ഇവിക്ക് പുറമെ ടാറ്റയുടെ എല്ലാ ഇവി മോഡലുകൾക്കും ഈ കിഴിവുകളും ഓഫറുകളും വാഗ്ദാനം ചെയ്യുന്നു. ടാറ്റ നെക്‌സോൺ ഇവി 50,000 രൂപ കിഴിവോടെ ലഭ്യമാണ്. നെക്‌സോൺ ഇവിയുടെ പുതിയ ഫേസ്‌ലിഫ്റ്റ് മോഡലിന് ഈ കിഴിവ് ബാധകമാണ്. എന്നിരുന്നാലും 2023-ൽ നിർമ്മിക്കുന്ന യൂണിറ്റുകൾക്ക് മാത്രമാണ് ഇത് ബാധകം.

പുതിയ നെക്‌സോൺ ഇവിയുടെ 2024-ൽ നിർമ്മിച്ച യൂണിറ്റുകൾ 20,000 രൂപ കിഴിവിൽ ലഭ്യമാണ്. എന്നിരുന്നാലും, ഫെയ്‌സ്‌ലിഫ്റ്റ് മോഡലിൽ ക്യാഷ് ഡിസ്‌കൗണ്ടുകളോ എക്‌സ്‌ചേഞ്ച് ബോണസോ വാഗ്ദാനം ചെയ്യുന്നില്ല.ടാറ്റ നെക്‌സോൺ ഇവിയുടെ പ്രീ-ഫേസ്‌ലിഫ്റ്റ് മോഡലിൻ്റെ വിറ്റഴിക്കാത്ത 2023 യൂണിറ്റുകൾ വൻ കിഴിവോടെയാണ് വാഗ്ദാനം ചെയ്യുന്നത്.

നെക്‌സോൺ ഇവി പ്രൈം 2.30 ലക്ഷം രൂപ ക്യാഷ് ഡിസ്‌കൗണ്ടും 50,000 രൂപ എക്‌സ്‌ചേഞ്ച് ബോണസുമായി ലഭ്യമാണ്. നെക്‌സോൺ ഇവി മാക്‌സിന് 2.65 ലക്ഷം രൂപയുടെ ക്യാഷ് ഡിസ്‌കൗണ്ടും 50,000 രൂപ എക്‌സ്‌ചേഞ്ച് ബോണസും നൽകുന്നു. ഈ ഓഫറുകൾ സ്റ്റോക്ക് ലഭ്യതയ്ക്ക് വിധേയമാണ്.ടാറ്റ ടിയാഗോ ഇവി 65,000 രൂപ വരെ കിഴിവോടെ ലഭ്യമാണ്. ടിയാഗോ ഇ.വി യുടെ 2023 യൂണിറ്റുകൾക്ക് 50,000 രൂപയുടെ ക്യാഷ് ഡിസ്‌കൗണ്ടും 15,000 രൂപയുടെ എക്‌സ്‌ചേഞ്ച് ഓഫറും നൽകുന്നു.