ഹോണ്ട സിറ്റി VX, ZX വേരിയന്റുകൾക്ക് വിപുലീകൃത വാറന്റി ആനുകൂല്യങ്ങൾ

ഹോണ്ട സിറ്റിയും അമേസും വാങ്ങുന്നവർക്ക് 88,600 രൂപ വരെയുള്ള വിവിധ ആനുകൂല്യങ്ങൾ നൽകുന്നു. ആനുകൂല്യങ്ങളിൽ ക്യാഷ് ഡിസ്‍കണ്ട്, കോർപ്പറേറ്റ് കിഴിവ്, വിപുലീകൃത വാറന്‍റി, എക്സ്ചേഞ്ച് ബോണസ്, സൗജന്യ ആക്‌സസറികൾ എന്നിവ ഉൾപ്പെടുന്നു. പരമാവധി 88,600 രൂപ വരെയാണ് ഹോണ്ട സിറ്റിക്ക് ലഭിക്കുന്നത്. 25,000 രൂപ ക്യാഷ് ഡിസ്‌കൗണ്ട്, 5,000 രൂപ കോർപ്പറേറ്റ് ഡിസ്‌കൗണ്ട്, 15,000 രൂപ കാർ എക്‌സ്‌ചേഞ്ച് ബോണസ്, 6,000 രൂപ ഹോണ്ട കാർ എക്‌സ്‌ചേഞ്ച് ബോണസ് എന്നിവയാണ് ആനുകൂല്യങ്ങൾ.

ഹോണ്ട തങ്ങളുടെ ഉപഭോക്താക്കൾക്ക് 4,000 രൂപയുടെ ലോയൽറ്റി ബോണസ് വാഗ്ദാനം ചെയ്യുന്നു. 26,947 രൂപ വിലയുള്ള കോംപ്ലിമെന്ററി ആക്‌സസറികൾ തിരഞ്ഞെടുക്കാനും കഴിയും. 20,000 രൂപ വിലമതിക്കുന്ന പ്രത്യേക കോർപ്പറേറ്റ് കിഴിവും ഓട്ടോമൊബൈൽ നിർമ്മാതാവ് വാഗ്ദാനം ചെയ്യുന്നു. പുതിയ എലഗന്റ് പതിപ്പിന് പ്രത്യേക കിഴിവ് ബാധകമല്ല. പക്ഷേ, ഇതിന് 10,000 രൂപയുടെ കാർ എക്‌സ്‌ചേഞ്ച് ബോണസും 40,000 രൂപയുടെ സ്‌പെഷ്യൽ എഡിഷൻ ആനുകൂല്യവും ലഭിക്കും.

VX, ZX വേരിയന്റുകൾക്ക് 13,651 രൂപയുടെ വിപുലീകൃത വാറന്റി ആനുകൂല്യങ്ങളുണ്ട്. 7.13 ലക്ഷം മുതൽ 9.98 ലക്ഷം രൂപ വരെ വിലയുള്ള ഹോണ്ട അമേസിന് 72,000 രൂപ വരെ കിഴിവ് ലഭിക്കുന്നു. 72,000 രൂപയുടെ ആനുകൂല്യങ്ങളിൽ 30,000 രൂപയുടെ ക്യാഷ് കിഴിവ് അല്ലെങ്കിൽ എസ് വേരിയന്റിന് 36,246 രൂപ വിലമതിക്കുന്ന കോംപ്ലിമെന്ററി ആക്‌സസറികൾ ഉൾപ്പെടുന്നു. അതേസമയം ഇ വേരിയന്റിന് 10,000 രൂപ ക്യാഷ് കിഴിവ് അല്ലെങ്കിൽ 12,349 രൂപയുടെ സൗജന്യ ആക്‌സസറികൾ വാഗ്ദാനം ചെയ്യുന്നു.

അമേസ് VX വേരിയന്റ് 20,000 രൂപ ക്യാഷ് ഡിസ്‌കൗണ്ട് അല്ലെങ്കിൽ 24,346 രൂപ വിലയുള്ള സൗജന്യ ആക്‌സസറികളോടെ വാങ്ങാം. 15,000 രൂപയുടെ കാർ എക്‌സ്‌ചേഞ്ച് ബോണസ്, 20,000 രൂപയുടെ സ്‌പെഷ്യലൈസ്‍ഡ് കോർപ്പറേറ്റ് ഡിസ്‌കൗണ്ട്, 3,000 രൂപയുടെ കോർപ്പറേറ്റ് ഡിസ്‌കൗണ്ട്, 4,000 രൂപയുടെ കസ്റ്റമർ ലോയൽറ്റി ബോണസ് എന്നിവയും അമേസ് സെഡാന് ലഭ്യമാണ്. കാറിന്റെ എലൈറ്റ് പതിപ്പിന് പ്രത്യേക കോർപ്പറേറ്റ് കിഴിവ് ബാധകമല്ല.