'ബ്രാൻഡ് ഡിസൈൻ ലാംഗ്വേജിന്' 2024 ലെ കാർ ഡിസൈൻ അവാർഡ് നേടി കിയ

കിയ 'ബ്രാൻഡ് ഡിസൈൻ ലാംഗ്വേജിന്' 2024 ലെ കാർ ഡിസൈൻ അവാർഡ് നേടി. 2021-ൽ കിയ അതിൻ്റെ പുതിയ ഡിസൈൻ ഫിലോസഫി, 'ഓപ്പോസിറ്റ്സ് യുണൈറ്റഡ്' അവതരിപ്പിച്ചു. ദൈനംദിന ജീവിതത്തിൽ അഭിമുഖീകരിക്കുന്ന വിരുദ്ധ ശക്തികളിൽ നിന്ന് പ്രചോദനം ഉൾക്കൊണ്ട് പുതിയ കാഴ്ചപ്പാടുകളും ആശയങ്ങളും സൃഷ്‍ടിക്കുക എന്ന ലക്ഷ്യത്തോടെ ടെൻഷൻ, യോജിപ്പ്, ചലനാത്മകത എന്നിവയിലാണ് ഡിസൈൻ ആശയം നിർമ്മിച്ചിരിക്കുന്നത്.

അടുത്തിടെ ശ്രദ്ധ ആകർഷിച്ച ഏറ്റവും പുതിയ കിയ വാഹനങ്ങളിലൊന്നാണ് EV9. ലോകത്തിലെ ഏറ്റവും മികച്ച മൂന്ന് ഓട്ടോമോട്ടീവ് ബഹുമതികളിൽ രണ്ടെണ്ണം, "2024 വേൾഡ് കാർ ഓഫ് ദ ഇയർ", "2024 നോർത്ത് അമേരിക്കൻ കാർ, യൂട്ടിലിറ്റി ആൻഡ് ട്രക്ക് ഓഫ് ദ ഇയർ" എന്നിവ ഇതിന് ലഭിച്ചു. iF ഡിസൈൻ അവാർഡുകളിൽ EV9 സമ്മാനം നേടിയിരുന്നു.

ഡിസൈനിൻ്റെ ശക്തി പ്രയോജനപ്പെടുത്താൻ കിയ ഡിസൈൻ ശ്രമിക്കുന്നുവെന്നും ആളുകളുടെ ജീവിതം എളുപ്പവും മികച്ചതുമാക്കാൻ ശ്രമിക്കുന്നുവെന്നും  കിയ പറഞ്ഞു. പ്രസക്തവും അർത്ഥപൂർണ്ണവുമായ രൂപകൽപ്പനയിലൂടെ വ്യവസായത്തെ മാറ്റാൻ ശ്രമിക്കുന്ന കമ്പനിയുടെ ലോകമെമ്പാടുമുള്ള ടീമിലെ എണ്ണമറ്റ വ്യക്തികളുടെ അഭിനിവേശവും അർപ്പണബോധവും ഈ അവാർഡ് അംഗീകരിക്കുന്നുവെന്നും അദ്ദേഹം അഭിപ്രായപ്പെട്ടു.

കിയ ഇന്ത്യയിൽ ഒരു പുതിയ എസ്‌യുവി മോഡൽ അവതരിപ്പിക്കാൻ ഒരുങ്ങുകയാണ്. ബ്രാൻഡിൻ്റെ ലൈനപ്പിൽ കിയ സോനെറ്റിനും കിയ സെൽറ്റോസിനും ഇടയിലാണ് ക്ലാവിസ് എന്ന് വിളിക്കപ്പെടുന്ന ഈ പുതിയ കിയ എസ്‌യുവി സ്ഥാനം പിടിക്കുക.  ക്ലാവിസ് ഇതിനകം തന്നെ ഇന്ത്യൻ റോഡുകളിൽ പരീക്ഷണം നടത്തിയിട്ടുണ്ട്.