രാജ്യത്തെ സെഡാൻ വിഭാഗത്തിൽ മാരുതി ഡിസയറിന് ഏകപക്ഷീയമായ ആധിപത്യം

വിൽപ്പനയിൽ നിരവധി ജനപ്രിയ ഹാച്ച്ബാക്കുകളെയും വിലകുറഞ്ഞ എസ്‌യുവികളെയും മാരുതി ഡിസയർ മറികടന്നു. കഴിഞ്ഞ മാസം, അതായത് 2024 ജനുവരിയിൽ, 15,965 യൂണിറ്റ് ഡിസയർ വിറ്റു. ഈ മികച്ച വിൽപ്പനയോടെ, മികച്ച 10 കാറുകളുടെ പട്ടികയിൽ ഇത് രണ്ടാം സ്ഥാനത്തും തുടർന്നു. മാരുതിയുടെ സ്വിഫ്റ്റ്, ബലേനോ തുടങ്ങിയ മോഡലുകളും ഡിസയറിനു മുന്നിൽ പതറിപ്പോയി.

അതേസമയം, ടാറ്റ നെക്സോൺ, ടാറ്റ പഞ്ച് തുടങ്ങിയ മോഡലുകളും വിറച്ചു. ഡിസയറിന്‍റെ വിൽപ്പന കണക്കുകൾ നോക്കാം. മാരുതി ഡിസയറിന്‍റെ വിൽപ്പനയെക്കുറിച്ച് പറയുകയാണെങ്കിൽ, കഴിഞ്ഞ ആറ് മാസത്തിനിടെ ഈ സെഡാന്‍റെ 13000ത്തിൽ അധികം യൂണിറ്റുകൾ ഓരോ മാസവും വിറ്റഴിക്കപ്പെട്ടു. അതേസമയം, 2023 നവംബറിലും 2023 ഡിസംബറിലും ഏകദേശം 16,000 യൂണിറ്റുകൾ വിറ്റു.

2023 ഓഗസ്റ്റിൽ 13,293 യൂണിറ്റുകളും, 2023 സെപ്റ്റംബറിൽ 13,880 യൂണിറ്റുകളും, 2023 ഒക്ടോബറിൽ 14,699 യൂണിറ്റുകളും, 2023 നവംബറിൽ 15,965 യൂണിറ്റുകളും, 2023 ഡിസംബറിൽ 14,012 യൂണിറ്റുകളും 2024 ജനുവരിയിൽ 15,9625 യൂണിറ്റുകളും വിറ്റു. ഇന്ത്യൻ വിപണിയിൽ ഹ്യൂണ്ടായിയുടെ ഓറയും വെർണയും ഹോണ്ടയുടെ സിറ്റിയും അമേസും ടാറ്റയുടെ ടിഗോറും വിൽപ്പനയിൽ ഡിസയറിനോട് അടുത്തില്ല.

നാല് മീറ്ററിൽ താഴെയുള്ള കോംപാക്റ്റ് സെഡാനാണ് മാരുതി ഡിസയർ. സിഎൻജി മോഡലിന് ആരുടെ ഡിമാൻഡ് കൂടുതലാണ്. ഇതിന്‍റെ മൈലേജ് 31.12 കി.മീ/കിലോ. 76 bhp കരുത്തും 98.5 Nm ടോർക്കും ഉത്പാദിപ്പിക്കുന്ന 1.2 ലിറ്റർ K12C ഡ്യുവൽജെറ്റ് എഞ്ചിനാണ് ഇതിനുള്ളത്. ഇതിന്‍റെ സിഎൻജി വേരിയന്‍റിന്‍റെ വില 8.22 ലക്ഷം രൂപ മുതലാണ്. ഏഴ് ഇഞ്ച് സ്മാർട്ട്‌പ്ലേ ടച്ച്‌സ്‌ക്രീൻ ഇൻഫോടെയ്ൻമെന്‍റ് സിസ്റ്റമാണ് ഡിസയറിന്. ആൻഡ്രോയിഡ് ഓട്ടോ, ആപ്പിൾ കാർ പ്ലേ, മിറർ ലിങ്ക് തുടങ്ങിയവയെ ഈ സിസ്റ്റം പിന്തുണയ്ക്കുന്നു.