ഇന്ത്യയിൽ റെനോയുടെ ഏറ്റവും കൂടുതൽ വിറ്റഴിക്കപ്പെടുന്ന കാറായി ട്രൈബർ

റെനോയുടെ ഏറ്റവും കൂടുതൽ വിറ്റഴിക്കപ്പെടുന്ന കാറാണ് ട്രൈബർ. കമ്പനിയുടെ മൊത്തം വിൽപ്പനയിൽ ട്രൈബറിൻ്റെ വിഹിതം 50 ശതമാനത്തിൽ  കൂടുതലാണ്. ഇന്ത്യൻ വിപണിയിൽ ഇതിന് ആവശ്യക്കാരേറെയാണ്. പക്ഷേ രാജ്യത്തിന് പുറത്ത് ഇതിന് ആവശ്യക്കാരില്ല എന്നാണ് റിപ്പോര്‍ട്ടുകൾ. അതേസമയം കിഗറിനും ക്വിഡിനും ട്രൈബറിനേക്കാൾ ഡിമാൻഡാണ്.

മാർച്ചിൽ ട്രൈബറിൻ്റെ ഒരു യൂണിറ്റ് പോലും കയറ്റുമതി ചെയ്തില്ല എന്നറിയുമ്പോൾ നിങ്ങൾ ആശ്ചര്യപ്പെടും. എന്നാൽ ഇതേമാസം 656 യൂണിറ്റ് കിഗറും 181 യൂണിറ്റ് ക്വിഡും കയറ്റുമതി ചെയ്തു. കയറ്റുമതി ചെയ്ത കാറുകളിൽ ഹ്യൂണ്ടായ് വെർണ ഒന്നാം സ്ഥാനത്ത് തുടരുന്നു. കഴിഞ്ഞമാസം 2247 ട്രൈബറുകളെ റെനോ ആഭ്യന്തര വിപണിയിൽ വിറ്റിരുന്നു.

കിഗറിന്‍റെ 1050 യൂണിറ്റുകളും ക്വിഡിന്‍റെ 928 യൂണിറ്റുകളും ഇവിടെ വിറ്റു എന്നാണ് കണക്കുകൾ. അതേസമയം 2023 മാർച്ചിൽ 1,507 യൂണിറ്റ് ട്രൈബർ കയറ്റുമതി ചെയ്തിരുന്നു എന്നതും ആശ്ചര്യകരമാണ്. കഴിഞ്ഞ മാസം ഒരു യൂണിറ്റ് പോലും കപ്പലേറി പോയില്ല എന്നത് അതുകൊണ്ടുതന്നെ അമ്പരപ്പിക്കുന്നു. ഇന്ത്യൻ വിപണിയിൽ മാരുതി എർട്ടിഗയോടാണ് ട്രൈബർ മത്സരിക്കുന്നത്. ഏഴ് സീറ്റുള്ള എംപിവിയാണ് ട്രൈബർ.

ഇന്ത്യയിലെ ഏറ്റവും വിലകുറഞ്ഞ 7 സീറ്റർ എംപിവി കൂടിയാണിത്. ഇതിൻ്റെ പ്രാരംഭ വില 5,99,500 രൂപയാണ്. ഈ കാറിൽ കാഷ് ബാക്ക്, എക്സ്ചേഞ്ച്, സ്ക്രാപ്പേജ്, ലോയൽറ്റി, റഫറൽ, കോർപ്പറേറ്റ്, ഗ്രാമീണ ഓഫറുകൾ എന്നിവ കമ്പനി വാഗ്ദാനം ചെയ്യുന്നു. ഈ കാറിൻ്റെ എക്‌സ് ഷോറൂം വില 5,99,500 രൂപയാണ്. ഇതിൻ്റെ ടോപ്പ് ട്രിമ്മിൻ്റെ വില 8,97,500 രൂപയാണ്. ഇത് മൊത്തം എട്ട് ട്രിമ്മുകളിൽ വാങ്ങാം.