കൊച്ചി: ടൂവീലര്‍-ത്രീവീലര്‍ വിഭാഗത്തിലെ മുന്‍നിര ആഗോള വാഹന നിര്‍മാതാക്കളായ ടിവിഎസ് മോട്ടോര്‍ കമ്പനി (ടിവിഎസ്എം) ഇന്ത്യന്‍ മോട്ടോര്‍സ്‌പോര്‍ട്ട് മേഖല ശക്തിപ്പെടുത്തുന്നതിനായി പെട്രോണാസ് ലൂബ്രിക്കന്റ്‌സ് ഇന്റര്‍നാഷണലുമായുള്ള (പിഎല്‍ഐ) പങ്കാളിത്തം വിപുലീകരിച്ചു.
രാജ്യത്തെ ലൂബ്രിക്കന്റ് വിപണിയില്‍ പിഎല്‍ഐയുടെ സ്ഥാനം ശക്തിപ്പെടുത്തുന്നതിനൊപ്പം ഇന്ത്യയില്‍ മോട്ടോര്‍സ്‌പോര്‍ട്ട് പ്രോത്സാഹിപ്പിക്കുന്നതിനുള്ള രണ്ട് കമ്പനികളുടെയും പങ്കിട്ട പ്രതിബദ്ധത വീണ്ടും ഉറപ്പിക്കുന്നതാണ് ഈ പങ്കാളിത്തം.
പങ്കാളിത്തത്തിന്റെ ഭാഗമായി അടുത്ത മൂന്ന് വര്‍ഷത്തേക്ക് കൂടി രാജ്യത്തെ ആദ്യത്തെ ഫാക്ടറി റേസിങ് ടീമായ ടിവിഎസ് റേസിങിന്റെ ടൈറ്റില്‍ സ്‌പോണ്‍സറായി പിഎല്‍ഐ തുടരും. ഇന്ത്യന്‍ നാഷണല്‍ സൂപ്പര്‍ക്രോസ് ചാമ്പ്യന്‍ഷിപ്പ് (ഐഎന്‍എസ്‌സി), ഇന്ത്യന്‍ നാഷണല്‍ റാലി ചാമ്പ്യന്‍ഷിപ്പ് (ഐഎന്‍ആര്‍സി), ഇന്ത്യന്‍ നാഷണല്‍ മോട്ടോര്‍സൈക്കിള്‍ റേസിങ് ചാമ്പ്യന്‍ഷിപ്പ് (ഐഎന്‍എംആര്‍സി) എന്നിവയില്‍ ടിവിഎസ് റേസിങ് ടീമിന്റെ പങ്കാളിത്തത്തെ ഈ സഹകരണം പിന്തുണയ്ക്കും.
2022-23 സീസണിലുടനീളം ടിവിഎസ് റേസിങിന്റെ ടൈറ്റില്‍ സ്‌പോണ്‍സറായിരുന്നു പെട്രോണാസ്. പങ്കാളിത്തത്തിന്റെ ഭാഗമായി ടിവിഎസ് മോട്ടോര്‍ കമ്പനിയുടെ വിപുലമായ ഡീലര്‍ഷിപ്പ് ശൃംഖലയിലേക്കുള്ള ആഫ്റ്റര്‍-മാര്‍ക്കറ്റ് ഓയിലുകളുടെ ഔദ്യോഗിക വിതരണക്കാരായും പിഎല്‍ഐ തുടരും.
മികച്ച പ്രകടനമുള്ള ടിവിഎസ് മോട്ടോര്‍സൈക്കിളുകള്‍ക്കായി രൂപകല്‍പന ചെയ്ത പ്രീമിയം സെമി, ഫുള്‍ സിന്തറ്റിക് ലൂബ്രിക്കന്റുകളാണ് പെട്രോണാസ് ടിവിഎസ് ട്രൂ4 ഉല്‍പന്ന ശ്രേണി വാഗ്ദാനം ചെയ്യന്നത്. എഞ്ചിന്‍ കാര്യക്ഷമതയും ആയുസും വര്‍ധിപ്പിക്കാനും ഇത് സഹായകരമാവും.
Follow Us/sathyam/media/media_files/2025/03/13/9v0d30L2xSB1K8imtoPQ.jpg)
/sathyam/media/agency_attachments/5VspLzgrB7PML1PH6Ix6.png)
