ശ്വാസകോശത്തിന്‍റെ ആകൃതിയിൽ നെക്ലേസ്; റെഡ് കാര്‍പറ്റില്‍ തിളങ്ങി ബെല്ല ഹഡീഡ്

ചുവപ്പ് പരവതാനിയിൽ കറുപ്പില്‍ തിളങ്ങിയ അമേരിക്കൻ സൂപ്പർ മോഡൽ ബെല്ല ഹഡീഡിന് പിന്നാലെയാണിപ്പോൾ ഫാഷൻ ലോകം. 74–ാമത് കാൻസ് ഫിലം ഫെസ്റ്റിവലിന് എത്തിയപ്പോൾ ബെല്ല അണിഞ്ഞ നെക്ലേസ് ആണ് ഇതിനു കാരണം.

മനുഷ്യരുടെ ശ്വാസകോശത്തിന്റെ ആകൃതിയിലാണ് ഈ നെക്ലേസ് ഡിസൈന്‍ ചെയ്തിരിക്കുന്നത്. അതും മാറിടം മറയ്ക്കുന്ന രീതിയിലാണ് നെക്ലേസ് ശരീരത്തില്‍ കിടക്കുന്നത്.

സ്വര്‍ണ്ണ നിറത്തിലുള്ളതാണ് ഈ നെക്ലേസ്. എന്തായാലും സംഭവം ഫാഷന്‍ ലോകത്തിന്‍റെ കയ്യടി നേടി കഴിഞ്ഞു. ഇറ്റാലിയൻ ആഡംബര ഫാഷൻ ബ്രാൻഡായ 'Schiaparelli' ഒരുക്കിയ ലോങ് ബ്ലാക് ഡ്രസ്സ് ധരിച്ചാണ് ബെല്ല വേദിയിലെത്തിയത്.