ഭുവനേശ്വര്: ഒഡീഷയിലെ സോനെപുര് ജില്ലയില് വിവാഹ ശേഷം ഭര്ത്താവിന്റെ വീട്ടിലേക്ക് പോകാനിറങ്ങിയ യുവതി കരഞ്ഞു തളര്ന്ന് കുഴഞ്ഞുവീണ് മരിച്ചു. ഭർത്താവിന്റെ വീട്ടിലേക്ക് പോകാൻ ഒരുങ്ങിയ യുവതി ബന്ധുക്കളെ നോക്കി കരഞ്ഞു. പിന്നെ കരച്ചിൽ നിർത്താനായില്ല. ഇതോടെ യുവതി തളർന്നുവീഴുകയായിരുന്നു. ആശുപത്രിയിലെത്തിച്ചപ്പോഴേക്കും മരണം സംഭവിച്ചിരുന്നു.
ഗുപ്തേശ്വരി സഹൂ എന്ന റോസിയാണ് മരിച്ചത്. ജുലുന്ദ ഗ്രാമവാസിയായ പെണ്കുട്ടിയെ ടെതെല്ഗോണ് ഗ്രാമവാസിയായ ബിസികേശനുമായി വിവാഹം കഴിപ്പിക്കുകയായിരുന്നു. വിവാഹചടങ്ങുകള്ക്ക് ശേഷം സ്വന്തം വീട്ടിൽനിന്ന് ബിസികേശന്റെ വീട്ടിലേക്ക് മടങ്ങാനുള്ള തയാറെടുപ്പുകള് തുടങ്ങിതോടെ യുവതി നിര്ത്താതെ കരയാന് തുടങ്ങി. പിന്നീട് കുഴഞ്ഞുവീണു.
ഹൃദയാഘാതമാണ് മരണകാരണമെന്ന് ഡോക്ടർ വ്യക്തമാക്കുന്നു. യുവതിയുടെ പിതാവ് മാസങ്ങൾക്ക് മുൻപ് മരിച്ചിരുന്നു. പിന്നീട് അമ്മയും സഹോദരനുമൊപ്പമായിരുന്നു താമസം. സാമൂഹിക പ്രവർത്തകരുടെ സഹായത്തോെടയാണ് വിവാഹം നടത്തിയത്.