/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/UHWufChuc8Z2CkWLQkWA.jpg)
ഡല്ഹി: രാജ്യത്തിന്റെ സാമ്പത്തിക അച്ചടക്കം കര്ശനമാക്കുന്നതിന്റെ ഭാഗമായി 2026-ഓടെ ധനകമ്മി മൊത്തം ആഭ്യന്തര ഉല്പ്പാദനത്തിന്റെ 4.5 ശതമാനമായി കുറയ്ക്കുമെന്ന് ധനമന്ത്രി നിര്മ്മല സീതാരാമന് പ്രഖ്യാപിച്ചു. അതോടൊപ്പം ഭിന്നശേഷിക്കാരുടെ ഉന്നമനത്തിനായി നൂതനമായ തൊഴില്-ക്ഷേമ പദ്ധതികളും ബജറ്റില് അവതരിപ്പിച്ചു.
കോവിഡ് കാലത്തിന് ശേഷം ഉയര്ന്നുനിന്ന ധനകമ്മി ഘട്ടംഘട്ടമായി കുറച്ചുകൊണ്ടുവരികയാണ് സര്ക്കാര് ലക്ഷ്യം. ഇത് രാജ്യത്തിന്റെ സാമ്പത്തിക സ്ഥിരത വര്ദ്ധിപ്പിക്കുകയും പണപ്പെരുപ്പം നിയന്ത്രിക്കാന് സഹായിക്കുകയും ചെയ്യും.
ഭിന്നശേഷിക്കാരുടെ തൊഴില് നൈപുണ്യം വര്ദ്ധിപ്പിക്കുന്നതിനായി 'ദിവ്യാംഗന് കൗശല് യോജന' എന്ന പുതിയ പദ്ധതി ആരംഭിക്കും. വൈകല്യമുള്ളവര്ക്ക് ആധുനിക തൊഴില് വിപണിയില് അനുയോജ്യമായ പരിശീലനം ഇതിലൂടെ നല്കും.
രാജ്യത്തിന്റെ വിവിധ ഭാഗങ്ങളില് കൂടുതല് കൃത്രിമ അവയവ നിര്മ്മാണ യൂണിറ്റുകള് സ്ഥാപിക്കും. ഇതിലൂടെ കുറഞ്ഞ ചിലവില് ഗുണമേന്മയുള്ള കൃത്രിമ അവയവങ്ങളും അനുബന്ധ ഉപകരണങ്ങളും ഭിന്നശേഷിക്കാര്ക്ക് ലഭ്യമാക്കും.