സംസ്ഥാനത്ത് സ്വർണവില കുത്തനെ ഇടിഞ്ഞു

കൊച്ചി: സംസ്ഥാനത്തെ സ്വർണവിലയിൽ ഇന്ന് വൻ ഇടിവ്. ഇന്നലെ രാവിലെ സർവ്വകാല റെക്കോർഡിലെത്തിയവിലയിൽ വൈകീട്ട് 1600രൂപയുടെ കുറവാണ് രേഖപ്പെടുത്തിയിരുന്നത്.

 ഇതിന് പിന്നാലയാണ് ഇന്ന് വീണ്ടും വില താഴേക്കിറങ്ങിയത്. 2480 രൂപയാണ് ഇന്ന് മാത്രം ഒരു പവൻ സ്വർണത്തിന് കുറഞ്ഞത്. ഇന്നലെ ഈ മാസം രണ്ടാം തവണയാണ് സ്വർണവില റെക്കോർഡിലെത്തിയിരുന്നത്.

93,280 രൂപയാണ് ഇന്ന് ഒരു പവൻ സ്വർണത്തിന് നൽകേണ്ടത്.

ദീപാവലിക്ക് ശേഷം സ്വർണവില കുറയും എന്ന ആഭരണം വാങ്ങാനായി കാത്തിരിക്കുന്നവരുടെ പ്രതീക്ഷയ്ക്ക് ഉണർവേകുന്നതാണ് ഇന്നത്തെ വിലയിടിവ്.

പണിക്കൂലി, ജിഎസ്ടി, ഹോള്‍ മാര്‍ക്കിങ് ഫീസ് എന്നിവ കൂടി ചേർത്ത് ഒരു പവന്റെ ആഭരണത്തിന് വൻ വില നൽകേണ്ട സ്ഥിതിയാണ്. സ്വര്‍ണാഭരണത്തിന്റെ കുറഞ്ഞ പണിക്കൂലി 5 ശതമാനമാണ്. ഓരോ ദിവസം കഴിയുന്തോറു സ്വർണവിലയിൽ മാറ്റമുണ്ടോ എന്ന് ഉറ്റ് നോക്കുകയാണ് സാധാരണക്കാർ.