വെ​ള്ളം കു​ടി​ക്കാ​ൻ സ്‌​ട്രോ​യും സി​പ്പ​ർ ക​പ്പും അ​നു​വ​ദി​ക്ക​ണം, ഭീ​മ കൊ​റേ​ഗാ​വ് കേ​സി​ൽ അ​റ​സ്റ്റി​ലാ​യ ഫാ. ​സ്റ്റാ​ൻ സ്വാ​മി കോ​ട​തി​യി​ൽ; 20 ദിവസം സമയം തേടി എന്‍ഐഎ

മും​ബൈ: വെ​ള്ളം കു​ടി​ക്കാ​ൻ സ്‌​ട്രോ​യും സി​പ്പ​ർ ക​പ്പും അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് ഭീ​മ കൊ​റേ​ഗാ​വ് കേ​സി​ൽ അ​റ​സ്റ്റി​ലാ​യ ഫാ. ​സ്റ്റാ​ൻ സ്വാ​മി(83) കോ​ട​തി​യി​ൽ. മും​ബൈ​യി​ലെ പ്ര​ത്യേ​ക കോ​ട​തി​യെ​യാ​ണ് ഫാ. ​സ്റ്റാ​ൻ സ്വാ​മി സ​മീ​പി​ച്ച​ത്.  പാ​ർ​ക്കി​ൻ​സ​ൺ​സ് രോ​ഗ​ബാ​ധി​തനാണ് താനെന്നും​ വെ​ള്ളം കു​ടി​ക്കാ​ൻ സ്‌​ട്രോ​യും സി​പ്പ​ർ ക​പ്പും വേ​ണ​മെ​ന്നാണ് ഹ​ർ‌​ജി​യി​ലെ ആ​വ​ശ്യം.

എ​ന്നാ​ൽ ഈ വിഷയത്തിൽ പ്ര​തി​ക​രി​ക്കാ​ൻ 20 ദി​വ​സം വേ​ണ​മെ​ന്ന് എ​ൻ​ഐ​എ കോ​ട​തി​യെ അ​റി​യി​ച്ചു. ഇതേ തുടർന്ന് ഹ​ർ​ജി ന​വം​ബ​ർ 26ലേ​ക്കു മാ​റ്റി. ഒക്ടോബർ എ​ട്ടി​നാ​ണ് മ​നു​ഷ്യാ​വ​കാ​ശ പ്ര​വ​ർ​ത്ത​ക​നും ജ​സ്യൂ​ട്ട് വൈ​ദി​ക​നു​മാ​യ ഫാ. ​സ്റ്റാ​ൻ സ്വാ​മി​യെ റാ​ഞ്ചി​യി​ലെ വ​സ​തി​യി​ൽ​നി​ന്നും എ​ൻ​ഐ​എ അ​റ​സ്റ്റ് ചെ​യ്ത​ത്. ഒ​രു മാ​സ​ത്തോ​ള​മാ​യി ന​വി മും​ബ​യി​ലെ ത​ലോ​ജ സെ​ൻ​ട്ര​ൽ ജ​യി​ലി​ൽ ക​ഴി​യു​ന്ന അ​ദ്ദേ​ഹം ഇ​പ്പോ​ൾ ജ​യി​ലി​ലെ ആ​ശു​പ​ത്രി​യി​ലാ​ണ്.

ജ​യി​ലി​നു പു​റ​ത്തു​നി​ന്നു​ള്ള സാ​ധ​ന​ങ്ങ​ൾ ഉ​പ​യോ​ഗി​ക്കാ​ൻ കോ​ട​തി​യു​ടെ അ​നു​മ​തി വേ​ണം. അ​തി​നാ​ലാ​ണ് ഫാ. ​സ്റ്റാ​ൻ സ്വാ​മി കോ​ട​തി​യെ സ​മീ​പി​ച്ച​ത്.  ക​ഴി​ഞ്ഞ മാ​സം സ്വാ​മി​യു​ടെ ജാ​മ്യാ​പേ​ക്ഷ എ​ൻ​ഐ​എ കോ​ട​തി ത​ള്ളി​യി​രു​ന്നു. ജാ​മ്യാ​പേ​ക്ഷ​യെ എ​ൻ​ഐ​എ കോ​ട​തി​യി​ൽ എ​തി​ർ​ത്തു. യു​എ​പി​എ ചു​മ​ത്തി​യി​ട്ടു​ണ്ടെ​ന്നും ജാ​മ്യം അ​നു​വ​ദി​ക്ക​രു​തെ​ന്നു​മാ​യി​രു​ന്നു വാ​ദം.

നി​രോ​ധി​ത സം​ഘ​ട​ന​യാ​യ സി​പി​ഐ മാ​വോ​യി​സ്റ്റി​ൽ അം​ഗ​മാ​ണ് ഫാ. ​സ്റ്റാ​ൻ സ്വാ​മി എ​ന്നാ​ണ് എ​ൻ​ഐ​എ​യു​ടെ ആ​രോ​പ​ണം. എ​ൽ​ഗാ​ർ പ​രി​ഷ​ത്-​ഭീ​മ കൊ​റേ ഗാ​വ് കേ​സി​ൽ ഉ​ൾ​പ്പെ​ട്ട എ​ല്ലാ​വ​ർ​ക്കും സി​പി​ഐ മാ​വോ​യി​സ്റ്റു​മാ​യി ബ​ന്ധ​മു​ണ്ടെ​ന്നാ​ണ് എ​ൻ​ഐ​എ പ​റ​യു​ന്ന​ത്.