സൂറിച്ച്: കൊറോണ വൈറസ് വ്യാപനത്തിന്റെ പശ്ചാത്തലത്തില് യുവേഫ 2019-20 ചാമ്പ്യന്സ് ലീഗ് ഫൈനല് അനിശ്ചിത കാലത്തേക്ക് മാറ്റിവച്ചു. ഈസ്താബുളില് മേയ് 30ന് ചാമ്പ്യന്സ് ലീഗ് ഫൈനല് നടക്കുമെന്നായിരുന്നു അറിയിച്ചിരുന്നത്.
കൊറോണ വൈറസിന്റെ ഭീഷണിയില് ലീഗ് മത്സരങ്ങള് റദ്ദാക്കുകയോ മാറ്റിവയ്ക്കുകയോ ചെയ്യാന് തുടങ്ങിയതിനിടെയായിരുന്നു ചാമ്പ്യന്സ് ലീഗ് ഫൈനല് തീയതി യുവേഫ പ്രഖ്യാപിച്ചത്.
യുവേഫ വനിതാ ചാമ്പ്യന്സ് ലീഗ് ഫൈനല്, യൂറോപ്പ ലീഗ് ഫൈനല് എന്നിവയും അനിശ്ചിത കാലത്തേക്ക് മാറ്റിവച്ചിട്ടുണ്ട്. ഇരു ഫൈനലുകളും മേയിലാണ് നിശ്ചയിച്ചിരുന്നത്.