ഞങ്ങളുടെ കുഞ്ഞു പ്രപഞ്ചം... ഇതാ വരുന്നു; സന്തോഷവാര്‍ത്ത പങ്കുവച്ച് നടി പരിണിതീ ചോപ്ര

അമ്മയാകാന്‍ ഒരുങ്ങുന്ന സന്തോഷവാര്‍ത്ത ആരാധകരുമായി പങ്കുവച്ച് നടി പരിണിതീ ചോപ്ര. ഞങ്ങളുടെ കുഞ്ഞു പ്രപഞ്ചം... ഇതാ വരുന്നു എന്നാണ് ഭര്‍ത്താവ് രാഘവ് ഛദ്ദയെ ടാഗ് ചെയ്ത് പരിണിതീ കുറിച്ചത്
ഇന്‍സ്റ്റഗ്രാമിലൂടെയാണ് താരം കുഞ്ഞു പിറക്കാന്‍ പോകുന്ന വിശേഷം അറിയിച്ചത്. പരിണീതി ചോപ്രയുടെ ഭര്‍ത്താവ് രാഘവ് ഛദ്ദ ആം ആദ്മി പാര്‍ട്ടി (എഎപി) നേതാവും രാജ്യസഭാ എം.പിയുമാണ്.

വെള്ളി തളികയില്‍ മനോഹരമായി അലങ്കരിച്ച കേക്കിന്റെ ചിത്രമാണ് ഇരുവരും പങ്കുവച്ചത്. കേക്കില്‍ '1 + 1 = 3' എന്ന് എഴുതിയിട്ടുണ്ട്. ഇതിനടുത്തായി സ്വര്‍ണ നിറത്തില്‍ കുഞ്ഞു കാല്‍പാദങ്ങളുടെ ചിത്രവുമുണ്ട്.

പരിണീതിയും രാഘവും കൈകോര്‍ത്ത് നടന്നുപോകുന്ന വീഡിയോയും ഇതോടൊപ്പം പങ്കുവച്ചിട്ടുണ്ട്. 'ഞങ്ങളുടെ കുഞ്ഞു പ്രപഞ്ചം... ഇതാ വരുന്നു. അളവറ്റ തരത്തില്‍ അനുഗ്രഹീതരായിരിക്കുന്നു' എന്ന അടിക്കുറിപ്പോടെയാണ് ചിത്രങ്ങള്‍ പോസ്റ്റ് ചെയ്തിരിക്കുന്നത്.