ഇന്ദ്രജിത്തും അനശ്വര രാജനും ആദ്യമായി ഒന്നിക്കുന്ന ' മിസ്റ്റർ ആൻഡ് മിസ്സിസ് ബാച്ചിലർ'; ഫസ്റ്റ് ലുക്ക് പോസ്റ്റര്‍ പുറത്ത്

മഞ്ജു വാര്യർ പ്രധാന വേഷത്തിലെത്തിയ 'കരിങ്കുന്നം സിക്‌സസ്' എന്ന ചിത്രത്തിന് ശേഷം ദീപു കരുണാകരൻ സംവിധാനം ചെയ്യുന്ന 'മിസ്റ്റർ ആൻഡ് മിസ്സിസ് ബാച്ചിലർ' എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ഇന്ദ്രജിത്ത് സുകുമാരൻ, അനശ്വര രാജൻ എന്നിവര്‍ പ്രധാനവേഷത്തിലെത്തുന്ന ചിത്രം 23 ന് റിലീസിന് എത്തും. റൊമാൻ്റിക് കോമഡി ആയാണ് ചിത്രം ഒരുക്കിയിരിക്കുന്നത്.

ചിത്രം നിർമിച്ചിരിക്കുന്നത് ഹൈലൈൻ പിക്ചേഴ്‌സിൻ്റെ ബാനറിൽ പ്രകാശ് ഹൈലൈൻ ആണ്. അർജുൻ ടി സത്യന്‍റെ രചനയിലൊരുങ്ങുന്ന ചിത്രത്തിന്‍റെ ക്യാമറ ചലിപ്പിക്കുന്നത് പ്രദീപ് നായരാണ്. ഇന്ദ്രജിത്ത് സുകുമാരനെയും അനശ്വര രാജനെയും കൂടാതെ രാഹുൽ മാധവ്, ദീപു കരുണാകരൻ, സോഹൻ സീനുലാൽ, ബിജു പപ്പൻ എന്നിവരും സിനിമയില്‍ പ്രധാന വേഷത്തിലെത്തുന്നുണ്ട്.

എഡിറ്റിങ്: സോബിൻ കേ സോമൻ, കലാ സംവിധാനം: സാബു റാം, സംഗീതം: പി എസ് ജയഹരി, വസ്ത്രാലങ്കാരം: ബൂസി ബേബി ജോൺ, പ്രൊഡക്ഷൻ കൺട്രോളർ: എസ് മുരുഗൻ, എക്‌സിക്യൂട്ടീവ് പ്രൊഡ്യൂസർ: ബാബു ആർ, പോസ്റ്റ് പ്രൊഡക്ഷൻ ഡയറക്‌ടർ: ശരത് വിനായക്, ചീഫ് അസോസിയേറ്റ്: സാംജി എം ആൻ്റണി, അസോസിയേറ്റ് ഡയറക്‌ടർ: ശ്രീരാജ് രാജശേഖരൻ, മേക്കപ്പ്: ബൈജു ശശികല, മാർക്കറ്റിംഗ് & ബ്രാൻഡിങ്: റാബിറ്റ് ബോക്‌സ് ആഡ്‌സ്, പബ്ലിസിറ്റി ഡിസൈൻ: മാ മി ജോ, സ്റ്റിൽസ്: അജി മസ്‌കറ്റ്, പിആർഒ: ശബരി.