പൊരുതണമെന്ന് തീരുമാനിച്ചുറപ്പിച്ച ഒരു സ്ത്രീയുടെ ദൃഢ നിശ്ചയമാണ് ഇതിനെല്ലാം പിന്നിലെന്ന് മറക്കരുത്; ഗീതു മോഹൻദാസ്

ഹേമകമ്മിറ്റി റിപ്പോർട്ട് പുറത്ത് വന്നതിന് പിന്നാലെ അതിന് പുറകെയുള്ള കോലഹലത്തിലാണ് മലയാളം സിനിമ വ്യവസായം. ഇതിനെല്ലാം പിന്നിൽ ആക്രമിക്കപ്പെട്ട ഒരു നടിയുടെ ദൃഢനിശ്ചയമാണെന്ന് പറയുകയാണ് നടിയും സംവിധായകയുമായ ഗീതു മോഹൻദാസ്.

സോഷ്യൽ മീഡിയയിലൂടെയായിരുന്നു ഗീതുവിന്‍റെ പ്രതികരണം. 'നമ്മൾ ഒരിക്കലും മറക്കരുത്, ഇതിനെല്ലാം തുടക്കം കുറിച്ചത് പൊരുതണമെന്ന ഒരു സ്ത്രീയുടെ ദൃഢനിശ്ചയമാണ്' എന്നായിരുന്നു ​ഗീതു മോഹൻദാസ് വ്യത്യസ്ത സോഷ്യൽ മീഡിയ പ്ലാറ്റ്ഫോർമുകളിൽ കുറിച്ചത്.

വർഷങ്ങൾക്ക് മുമ്പ് കാറിൽ യാത്ര ചെയ്യുന്നതിനിടെ ആക്രമിക്കപ്പെട്ടതിന് പിന്നാലെ നടി നൽകിയ പരാതിയുടെ അടിസ്ഥാനത്തിലാണ് സംസ്ഥാന സർക്കാർ സിനിമ മേഖലയിലെ അതിക്രമങ്ങൾ കണ്ടെത്താൻ ഹേമ കമ്മിറ്റി രൂപീകരിച്ചത്.