Advertisment

ദുർമന്ത്രവാദിയായി മമ്മൂട്ടി, മാറാല പിടിച്ച വാതിൽ... ആകാംഷ ഉണർത്തുന്ന 'ഭ്രമയുഗം' പോസ്റ്റർ പുറത്ത്

author-image
ഫിലിം ഡസ്ക്
New Update
bramayugam poster.jpg

 പ്രേക്ഷകർ ഏറെ ആകാംഷയോടെ കാത്തിരിക്കുന്ന  മമ്മൂട്ടി   ചിത്രമാണ് ‘ഭ്രമയുഗം'.   രാഹുൽ സദാശിവനാണ്  ചിത്രം സംവിധാനം ചെയ്യുന്നത്. ദുർമന്ത്രവാദിയായാണ് മമ്മൂട്ടി എത്തുന്നത്. പൂര്‍ണമായും ബ്ലാക്ക് ആന്‍ഡ് വൈറ്റില്‍ ഒരുങ്ങുന്ന ചിത്രം ഹൊറര്‍ ത്രില്ലര്‍ ​ഗണത്തിൽപ്പെടും 

ഫെബ്രുവരി 15ന് തിയേറ്ററിൽ എത്തുന്ന ചിത്രത്തിന്റെ പുതിയ പോസ്റ്റർ പുറത്ത് വന്നിരിക്കുകയാണ്. ഏഴ് ദിവസങ്ങൾ മാത്രം ബാക്കി എന്ന ക്യാപ്ഷനോട് കൂടി ഒരു മാറാല പിടിച്ച വാതിലിന്റെ ബ്ലാക്ക് ആൻഡ് വൈറ്റ് തീമിലുള്ള പോസ്റ്ററാണ് പുറത്തുവന്നിരിക്കുന്നത്. ചിത്രത്തിന്റെ ഓരോ പോസ്റ്ററുകളും ഏറെ ശ്രദ്ധിക്കപ്പെട്ടിട്ടുണ്ട്. 

ഭ്രമയുഗത്തിന്റെ ഫസ്റ്റ് ലുക്കും ടീസറുമെല്ലാം സോഷ്യല്‍ മീഡിയയില്‍ ചര്‍ച്ചാവിഷയമായിരുന്നു. മമ്മൂട്ടി നെഗറ്റീവ് ഷേഡിലാണ് ചിത്രത്തിലെത്തുന്നതെന്ന് സൂചനകളുണ്ട്. മമ്മൂട്ടിയെക്കൂടാതെ അര്‍ജുന്‍ അശോകന്‍, സിദ്ധാര്‍ത്ഥ് ഭരതന്‍, അമാല്‍ഡ ലിസ്, മണികണ്ഠന്‍ ആചാരി എന്നിവരും സിനിമയിലുണ്ട്.

Advertisment