''എന്നോട് പറയാതെ പോകുന്ന വഴിക്ക് 19 കിലോ കുറച്ചു. വെയിറ്റ് കുറച്ചിട്ട് അവിടെ പോയി അഭിനയിച്ചു എന്ന് മാത്രമല്ല, അയക്കുന്ന ഫോട്ടോയിൽ ഷർട്ട് ഒക്കെയിട്ട് വലിയ കുഴപ്പമൊന്നുമില്ല''; ആടുജീവിതത്തിന് വേണ്ടി പൃഥ്വിരാജ് ഭാരം കുറച്ചതിനെക്കുറിച്ച് മല്ലിക സുകുമാരൻ

ആടുജീവിതത്തിന് വേണ്ടി പൃഥ്വിരാജ് ഭാരം കുറച്ചതിനെക്കുറിച്ച് മല്ലിക സുകുമാരൻ സംസാരിക്കുന്ന വീഡിയോ ആണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. 

 മല്ലിക സുകുമാരന്റെ വാക്കുകൾ 

"പൃഥ്വിരാജിന്റെ ആട് ജീവിതം ഏപ്രിൽ 10ന് ഇറങ്ങുകയാണ്. എനിക്ക് സങ്കടം തോന്നിയത് എന്നോട് പറയാതെ പോകുന്ന വഴിക്ക് 19 കിലോ കുറച്ചു. വെയിറ്റ് കുറച്ചിട്ട് അവിടെ പോയി അഭിനയിച്ചു എന്ന് മാത്രമല്ല, അയക്കുന്ന ഫോട്ടോയിൽ ഷർട്ട് ഒക്കെയിട്ട് വലിയ കുഴപ്പമൊന്നുമില്ല.

പിന്നെ നോക്കുമ്പോൾ ഒരു മാതിരി മെലിഞ്ഞ് ഇരിക്കുന്നു. ഇവനെ വിളിക്കുമ്പോൾ ഇവൻ ഒന്നും പറയില്ല. വേറെ ഉള്ളവരോടൊക്കെ ആ ഫോട്ടോ അമ്മയെ കാണിക്കല്ലേ, അമ്മക്ക് സങ്കടം വരും എന്നൊക്കെ പറഞ്ഞിട്ടുണ്ട്. ഞാൻ ഇവന്റെ കൂടെ പോകുന്നവരെ വിളിച്ചിട്ട് ചോദിച്ചു,എന്താണ് ഇവൻ ഭക്ഷണം ഒന്നും കഴിക്കുന്നില്ലേ എന്ന്. അവരോടും പറഞ്ഞുവെച്ചിട്ടുണ്ട് ഞാൻ വിളിച്ചാൽ പറയരുത് എന്ന്.

ജീവിതത്തിന്റെ ആരോഗ്യസ്ഥിതിക്ക് പോലും ദോഷകരമാണെന്ന് ഡോക്ടർമാർ പോലും പറഞ്ഞിട്ട് വകവെക്കാതെ എന്റെ മോന്റെ കഷ്ടപ്പാട് ആണത്. അതാണ് പൃഥ്വി. അവൻ ആ പടത്തിനു വേണ്ടി എന്തും ചെയ്യും".