സമ്പൂര്‍ണ കൊമേഴ്‌സ്യല്‍ സിനിമ, രാഷ്ട്രീയം പറയില്ല, വിജയ്‌യുടെ അവസാന ചിത്രത്തെക്കുറിച്ച് സംവിധായകൻ എച്ച് വിനോദ്

പൂര്‍ണ്ണമായും രാഷ്ട്രീയത്തിലേക്ക് സജീവമാകാന്‍ ഒരുങ്ങുന്ന ദളപതി വിജയ്‌യുടെ അവസാന ചിത്രം സംവിധാനം ചെയ്യുക എച്ച് വിനോദ്. ചെന്നൈയില്‍ നടന്ന ഒരു അവാര്‍ഡ് നിശയില്‍ സംവിധായകന്‍ തന്നെയാണ് ഇക്കാര്യം സ്ഥിരീകരിച്ചത്. ഈ വിഷയത്തെ കുറിച്ച് ഇതാദ്യമായാണ് എച്ച്. വിനോദ് പ്രതികരിക്കുന്നത്.

വിജയ്‌യുടെ 69-ാം ചിത്രമായിരിക്കും ഇത്. ഇതൊരു സമ്പൂര്‍ണ കൊമേഴ്‌സ്യല്‍ സിനിമയായിരിക്കുമെന്നും രാഷ്ട്രീയമായിരിക്കില്ല പറയുക എന്നും സംവിധായകന്‍ വ്യക്തമാക്കി.