നീരജ് മാധവിന്റെ പുതിയ റാപ്പ് സോങ് ‘ഓൾഡ് സ്കൂൾ ലേഡി ’ റിലീസ് ചെയ്തു- വീഡിയോ

മലയാള സിനിമയിലെ ജനപ്രിയ നടനും റാപ്പർ കൂടിയായ നീരജ് മാധവ് തന്റെ പുതിയ റാപ്പ് സോങ് ‘‘ഓൾഡ് സ്കൂൾ ലേഡി’ റിലീസ് ചെയ്തു. നീരജിന്റെ മുൻ ഹിറ്റ് ഗാനമായ "ബല്ലാത്ത ജാതി" ക്കു ശേഷം, ഈ പുതിയ ഗാനം ആരാധകർ ഏറെ ആകാംക്ഷയോടെയാണ് കാത്തിരുന്നത്. നീരജ് മാധവിന്റെ ഔദ്യോഗിക യൂട്യൂബ്  ചാനലിലൂടെയാണ് ഗാനം റിലീസ് ചെയ്തത്.

ഈ ഗാനം മലയാളികളുടെ പഴയ ഓർമ്മകളെ പുതുക്കുന്നതായി മാറുകയാണ്. 1978-ലെ എവർഗ്രീൻ മലയാളം സിനിമാഗാനമായ ‘മാടപ്രാവേ വാ’ എന്ന ഗാനം ഉപയോഗിച്ചാണ് ഗാനം ആരംഭിക്കുന്നത്. കമൽ ഹാസനും, സരീനാ വഹാബും അഭിനയിച്ച ‘മദ നോത്സവം’ എന്ന ചിത്രത്തിലെ ഈ പാട്ട് മലയാള സിനിമാ സംഗീത ചരിത്രത്തിൽ അപൂർവമായ ഒരു മധുരഗാനമായിരുന്നു.

നീരജിന്റെ ഈ പുതിയ റാപ്പ് ഗാനം പഴയകാല ഹിറ്റ് സംഗീതവും ആധുനിക റാപ്പ് ശൈലിയും കലർത്തി പുതിയൊരു അനുഭവമായി മാറ്റിയിട്ടുണ്ട്. പഴമയുടെ സൗന്ദര്യവും പുതിയ തലമുറയുടെ എനർജിയും ചേർന്നതാണ്  ഈ ഗാനം.   ഈ ഗാനത്തിന്റെ വരികളും സംഗീതവും പ്രകടനവും നീരജ് മാധവിന്റേതാണ്