9 വര്‍ഷങ്ങള്‍ക്കിപ്പുറം 'സനം തേരി കസം' വീണ്ടും തിയേറ്ററില്‍. രണ്ടാം വരവില്‍ ചിത്രം റെക്കോര്‍ഡുകള്‍ ഭേദിക്കുമെന്ന് റിപ്പോര്‍ട്ട്

ഹര്‍ഷവര്‍ദ്ധന്‍ റാണെയും മാവ്റ ഹൊകാനെയും പ്രധാന വേഷങ്ങളിലെത്തിയ റൊമാന്റിക് ട്രാജിക് ചിത്രം 'സനം തേരി കസം' 9 വര്‍ഷങ്ങള്‍ക്കിപ്പുറം തിയേറ്ററുകളിലേക്ക് റീ റിലീസിന് എത്തി. രാധിക റാവുവും വിനയ് സപ്രുവും ചേര്‍ന്നാണ് ചിത്രം സംവിധാനം ചെയ്തിരിക്കുന്നത്. 2016ലായിരുന്നു 'സനം തേരി കസം' ആദ്യം തിയേറ്ററുകളിലേക്ക് എത്തിയത്.

2016 ല്‍ തിയേറ്ററുകളിലേക്ക് എത്തിയപ്പോള്‍ ചിത്രത്തിന് വ്യത്യസ്ത പ്രതികരണങ്ങളാണ് ലഭിച്ചത്. എന്നാല്‍ പിന്നീട് പ്രതീക്ഷിച്ച പോലെ വിജയം നേടാനാകാത്തത് കൊണ്ട് ചിത്രത്തിന്റെ പ്രദര്‍ശനം അവസാനിപ്പിക്കുകയായിരുന്നു. ചിത്രം ഒടിടിയിലെത്തിയതോടെയാണ് കൂടുതല്‍ ശ്രദ്ധിക്കപ്പെട്ടത്.

ഒമ്പതുവര്‍ഷങ്ങള്‍ക്കിപ്പുറം 'സനം തേരി കസം' ഇന്‍സ്റ്റാഗ്രാം റീലുകളിലും വിഡിയോകളിലും വൈറലായി മാറി യുവത്വത്തിന്റെ പ്രിയപ്പെട്ടതായി മാറി. രണ്ടാം വരവില്‍ 'സനം തേരി കസം' റെക്കോര്‍ഡുകള്‍ ഭേദിക്കുമെന്നാണ് റിപ്പോര്‍ട്ടുകള്‍. ചിത്രത്തിന്റെ ആദ്യ ദിനം 20,000 ടിക്കറ്റുകള്‍ വിറ്റഴിച്ചു. 

ബദാസ് രവി കുമാര്‍, ലവ്യാപ, ഇന്റര്‍സ്റ്റെല്ലാര്‍ (റീ-റിലീസ്) എന്നീ ചിത്രങ്ങളും ഇതിനോടൊപ്പം പ്രദര്‍ശനത്തിനെത്തുന്നുണ്ട്. എന്നാല്‍ ഇവയേക്കാളെല്ലാം മികച്ച പ്രതികരണം 'സനം തേരി കസ'ത്തിനാണ് ലഭിക്കുന്നത്.