ജോമി ജോസ് കൈപ്പാറേട്ട് കഥ എഴുതി സംവിധാനം ചെയ്യുന്ന 'കരുതൽ' ചിത്രീകരണം ആരംഭിച്ചു, ആശീർവദിച്ച് ഉഴവൂർ സെന്റ് സ്റ്റീഫൻസ് ഫൊറോന പള്ളി വികാരി റവ ഫാ. അലക്സ് ആക്കപ്പറമ്പിൽ

കോട്ടയം : എളൂർ മീഡിയയുടെ ബാനറിൽ കോട്ടയം കിംഗ്സിന്റെ സഹകരണത്തിൽ ജോമി ജോസ് കൈപ്പാറേട്ട് തിരക്കഥ എഴുതി സംവിധാനം നിർവഹിക്കുന്ന 'കരുതൽ' എന്ന ചിത്രത്തിൻ്റെ ചിത്രീകരണം  ആരംഭിച്ചു. 

ചിത്രത്തിൻ്റെ സ്ക്രിപ്റ്റ് ഉഴവൂർ സെന്റ് സ്റ്റീഫൻസ് ഫൊറോന പള്ളി വികാരി റവ ഫാ. അലക്സ് ആക്കപ്പറമ്പിൽ  ആശീർവദിച്ച് കരുതൽ ടീമിന് കൈമാറി.

ചടങ്ങിൽ ഡയറക്ടർ ജോമി ജോസ് കൈപ്പാറേട്ട്, ക്യാമറാമാൻ സാബു ജയിംസ്, നായക വേഷം ചെയ്യുന്ന പ്രശാന്ത് മുരളി, സ്റ്റീഫൻ ചെട്ടിക്കൻ, വൈശാഖ് ശോഭന കൃഷ്ണൻ, മോളി പയസ്, വിവീഷ് വി. റോൾഡൻ്റ്, അൽഫോൻസ് ട്രിസ, റോബിൻ ജോൺസ്, സ്വരാജ് സോമൻ എന്നിവർ സന്നിഹിതരായിരുന്നു.

മാതാപിതാക്കളും മക്കളും തമ്മിൽ പരസ്പരമുള്ള കരുതൽ പ്രമേയമാക്കിയുള്ള കുടുംബ ചിത്രത്തിൻ്റെ ഷൂട്ടിംഗ് ഉഴവൂർ, ഇരവിമംഗലം, മോനിപ്പള്ളി എന്നിവിടങ്ങളിൽ പുരോഗമിക്കുന്നു .