"എല്ലാ ദിവസവും ബസ് സ്റ്റോപ്പില്‍ എന്നെ കാത്തുനില്‍ക്കാറുണ്ടായിരുന്നു. എൻ്റെ പിറകെ സ്‌കൂളിലേക്ക് വരികയും ചെയ്തിരുന്നു. എന്നാല്‍ ഒരിക്കല്‍ പോലും എൻ്റെ അടുത്ത് വന്നിട്ടില്ല, ക്ലാസ് കഴിയാറായപ്പോള്‍ ഒരു ദിവസം ഞാന്‍ അയാളോട് അങ്ങോട്ട് പോയി സംസാരിച്ചു"; തന്റെ ആദ്യ പ്രണയത്തെ കുറിച്ച് തെന്നിന്ത്യൻ നായിക സാമന്ത

തെന്നിന്ത്യൻ നായിക സാമന്ത തന്റെ ആദ്യ പ്രണയത്തെ കുറിച്ച് പറയുന്ന വാക്കുകളാണ് ഇപ്പോൾ സമൂഹ മാധ്യമങ്ങളിൽ ട്രെൻഡിങ് ആവുന്നത്. സ്‌കൂൾ പഠന കാലത്ത് പ്രണയമെന്ന് പോലും വിളിക്കാൻ കഴിയാത്ത എന്നാൽ തന്നെ ഏറെ സ്വാധീനിച്ച ഒരു അനുഭവത്തെ കുറിച്ചാണ് സാമന്ത പറയുന്നത്.

ഒരു ആണ്‍കുട്ടി എല്ലാ ദിവസവും ബസ് സ്റ്റോപ്പില്‍ എന്നെ കാത്തുനില്‍ക്കാറുണ്ടായിരുന്നു. അയാള്‍ എൻ്റെ പിറകെ സ്‌കൂളിലേക്ക് വരികയും ചെയ്തിരുന്നു. എന്നാല്‍ ഒരിക്കല്‍ പോലും അയാള്‍ എൻ്റെ അടുത്ത് വന്നിട്ടില്ല. എന്നില്‍ നിന്നും കുറച്ചകലെ മാറി നടന്നാണ് അയാള്‍ പിന്തുടര്‍ന്ന് വരാറുള്ളത്.

അങ്ങനെ ക്ലാസ് കഴിയാറായപ്പോള്‍ ഒരു ദിവസം ഞാന്‍ അയാളോട് അങ്ങോട്ട് പോയി സംസാരിച്ചു. നിങ്ങള്‍ രണ്ടു വര്‍ഷമായി എന്നെ പിന്തുടരുന്നത് എന്തിനാണെന്നാണ് ചോദിച്ചു. അതിന്റെ കാരണം അയാള്‍ പറഞ്ഞില്ല. ഇത് കണ്ടതോടെ ഞാന്‍ ശരിക്കും ഞെട്ടി.ഇതൊരു പ്രണയമാണോ അല്ലയോ എന്നൊന്നും എനിക്കറിയില്ല. പക്ഷേ എന്റെ ആദ്യ പ്രണയമായിരുന്നു അത്.