- ജാസ്മിൻ സമീർ
ഇടതുകൈത്തണ്ടയിൽ വിരുന്ന് വന്ന
പുതിയ മറുകിനോട് കാര്യങ്ങളാരാഞ്ഞു ഞാൻ
ഇത്രയും നാൾ നീ എവിടെയായിരുന്നു ?
എങ്ങനെ വന്നു ?
എന്തിനു വന്നു ?
ശരീരമുനിയുടെ ശാപത്താൽ
ദുഷ്ടന്മാരുടെ വദനങ്ങളിൽ
കഴിയേണ്ടി വന്ന എനിക്ക് ശാപമോക്ഷം കിട്ടി
പക്ഷേ ...
പല ശരീരങ്ങളിലും കയറി,
നിരാശനായി ഞാൻ,
അവസാനം ജീവിതം കളവാക്കിയവരേക്കാൾ ഭേദം
കവിതയിലൂടെ മാത്രം പറയുന്നവരാണെന്ന്
മനസ്സിലാക്കിയ ഞാൻ -
ഇന്നിതാ നിന്നിലഭയം പ്രാപിച്ചു,
കൈവെടിയരുത്.
അപേക്ഷ ഞാൻ തള്ളിയില്ല
ഇന്നും എന്നോടൊപ്പമുണ്ട്
ആ മറുക്