2019 ൽ നടന്ന ലോക്സഭാ തെരഞ്ഞെടുപ്പിൽ ഇത്തവണ ഏറ്റവും കൂടുതൽ അതായത് 76 വനിതകളാണ് എം.പി മാരായി തെരഞ്ഞെടുക്കപ്പെട്ടത്. ഇവരിൽ ഏറ്റവും സൗന്ദര്യവതിയായി കണക്കാക്കുന്നത് മഹാരാഷ്ട്രയിലെ അമരാവതിയിൽനിന്ന് സ്വതന്ത്രയായി തെരഞ്ഞെടുക്കപ്പെട്ട നവനീത് കൗർ റാണ ആണ്.
മലയാളം ,തെലുങ്ക്,തമിഴ്,കന്നഡ സിനിമകളിൽ നായികയായി അഭിനയിച്ചിട്ടുള്ള 33 കാരിയായ നവനീത എന്ന പേരിലും അറിയപ്പെടുന്ന ഇവരുടെ ഭർത്താവ് രവി റാണ മഹാരാഷ്ട്രയിലെ ബഡ്നേരയിൽ നിന്നുള്ള സ്വതന്ത്ര എം എല് എ ആണ്. ആ മണ്ഡലവും അമരാവതിയിൽ ഉൾപ്പെടുന്നതാണ്.
നവനീത അഭിനയിച്ച മലയാളചിത്രം റാഫി മെക്കാർട്ടിൻ സംവിധാനം ചെയ്ത ലവ് ഇൻ സിംഗപ്പൂർ ആണ്. 2014 ൽ എന് സി പിയുടെ ടിക്കറ്റിൽ അമരാവതിയിൽ നിന്നുതന്നെ ലോക്സഭയിലേക്ക് മത്സരിച്ചിരുന്നെങ്കിലും പരാജയമായിരുന്നു ഫലം.
ഇന്ത്യയിലെ ഏറ്റവും സൗന്ദര്യവതിയായ എം.പി യായി മാദ്ധ്യമങ്ങൾ പ്രകീർത്തിക്കുന്ന നവനീത് കൗർ റാണ നരേന്ദ്രമോദി സർക്കാരിന് പിന്തുണ പ്രഖ്യാപിച്ചിട്ടുണ്ട്.